تۇركى الەمىنىڭ بيىلعى جىلعى مادەني استاناسى — وش قالاسىندا وتكەن تۇركسوي حالىقارالىق ۇيىمى تۇراقتى كەڭەسىنىڭ XXXVIIء-شى وتىرىسىندا 2020 جىلدى قازاقتىڭ ءبىرتۋار اقىنى اباي قۇنانباي ۇلى جىلى دەپ جاريالاۋ تۋرالى شەشىم قابىلداندى. 

حالىقارالىق ۇيىمنىڭ تاراتقان اقپاراتىنا جۇگىنسەك، قازاقتىڭ قايراتكەر ۇلى دۇيسەن قاسەيىنوۆ باسقاراتىن تۇركى حالىقتارىنىڭ يۋنەسكو-سى سانالاتىن بەدەلدى ۇيىم كەلەسى جىلى قازاقتىڭ ءبىرتۋار ۇلى ابايدىڭ 175 جىلدىق مەرەيتويىنا قاتىستى تۇركى الەمىندە ءبىرقاتار ىرگەلى ىستەر جاساۋدى جوسپارالاپ وتىر. وشتاعى وردالى جيىندا قازاقستان رەسپۋبليكاسىنىڭ مادەنيەت جانە سپورت ۆيسە-مينيسترى نۇرعيسا داۋەشوۆ تۇركى ەلدەرىنەن كەلگەن لاۋازىمدى تۇلعالارعا قازاقتىڭ باس اقىنى، ءوز داۋىرىندە «باسقا شاۋىپ، توسكە ورلەگەن» ءور اقىن تۋرالى مول ماعلۇمات بەردى. سونىمەن قاتار، جينالعاندار 2020 جىلى  تۇركى الەمىنىڭ مادەني استاناسى رەتىندە تاريحي تەرەڭ حيۋا قالاسىن جاريالادى. 

سۋرەتتەر turksoy.org سايتىنان الىندى.

الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قايرات ساتىبالدىنىڭ ەكس-جۇبايى گۇلميرا ساتىبالدىعا قاتىستى ۇكىم شىعاردى، دەپ حابارلايدى Ulys.

سوت شەشىمى بويىنشا گۇلميرا ساتىبالدى 12 جىلعا، ءمادي باتىرشايەۆ توعىز جىلعا باس بوستاندىعىنان ايىرىلدى.

گۇلميرا ساتىبالدى قىلمىستىق كودەكستىڭ ءبىرقاتار بابى بويىنشا ايىپ تاعىلدى: ادامدى زاڭسىز باس بوستاندىعىنان ايىرۋ، بوپسالاۋ.

ونىڭ جۇرگىزۋشىسى ءمادي باتىرشايەۆتى دا زاڭسىز باس بوستاندىعىنان ايىردى دەپ ايىپتادى. سوتتا پروكۋرور ساتىبالدى 13 جىل، ال باتىرشايەۆتى 9 جىل باس بوستاندىعىنان ايىرۋدى سۇرادى.

سوتتالۋشىلار مەن ولاردىڭ ادۆوكاتتارى سوتتان ولاردى اقتاۋدى سۇرادى. ساتىبالدى ورتاشا قاۋىپسىزدىك مەكەمەسىندە 12 جىل جازاسىن وتەيدى. ونىڭ كومەكشىسى - باتىرشايەۆقا توعىز جىل بەرىلدى.

سوت سوتتالعان ساتىبالدىدان جابىرلەنۋشى ج.-نىڭ پايداسىنا 2،6 ملرد تەڭگە ماتەريالدىق شىعىن، سونىمەن قاتار 10 ملن تەڭگە مورالدىق شىعىن، سوتتالعان باتىرشايەۆتان 2 ملن تەڭگەنى ءوندىردى.

ۇكىم زاڭدى كۇشىنە ەنگەن جوق