ۇلتتىق ستاتيستيكا بيۋروسى 2025 جىلعى I توقساندا باعالاۋ بويىنشا جالاقىنىڭ مەديانالىق (جالاقى قاتارىنىڭ ورتالىق دەڭگەيى) ءمانىن جاريالادى، دەپ حابارلايدى Ulys.

ۆەدومستۆو مالىمەتىنشە، وسى جىلدىڭ العاشقى توقسانىندا جالاقىنىڭ مەديانالىق ءمانى 300 307 تەڭگەنى قۇرادى. ال كاسىپكەرلىك قىزمەتپەن اينالىساتىن شاعىن كاسىپورىنداردى ەسەپكە الماعانداعى اتاۋلى جالاقىنىڭ ورتاشا ءمانى 2025 جىلعى I توقساندا 423 133 تەڭگە بولدى، بۇل بىلتىرعى ءتيىستى توقسانمەن سالىستىرعاندا 10،7% ارتىق.

«2024 جىلعى ءى توقسانمەن سالىستىرعاندا ورتاشا ايلىق جالاقىنىڭ ەڭ جوعار ءوسىمى اقپارات جانە بايلانىس 31،3%، اۋىل، ورمان جانە بالىق شارۋاشىلىعى 17،3%، ونەر، ويىن-ساۋىق جانە دەمالىس 16،1% سالالارىندا بايقالدى. دەنساۋلىق ساقتاۋ جانە حالىققا الەۋمەتتىك قىزمەت كورسەتۋدە 6،2%، ءبىلىم بەرۋدە ورتاشا ايلىق جالاقى كولەمى 6،1% ءوستى.

وڭىرلىك بولىنىستە 2024 جىلدىڭ ءتيىستى توقسانىمەن سالىستىرعاندا 2025 جىلدىڭ I توقسانىندا ورتاشا ايلىق اتاۋلى جالاقىنىڭ ەڭ كوپ ءوسۋى ۇلىتاۋ وبلىسىندا 19،4%،  قوستاناي وبلىسىندا 14،6%، الماتى قالاسىندا 14،2% جانە پاۆلودار وبلىسىندا 13،5% تىركەلدى»، - دەلىنگەن بيۋرو حابارلاماسىندا.

«ۆاليۋتا نارىعىنداعى وتىمدىلىكتىڭ وتە تومەن بولۋىنا جانە الىپساتارلىق قىسىمنىڭ كۇشەيۋ بەلگىلەرىنە بايلانىستى ۇلتتىق بانك ۆاليۋتالىق ينتەرۆەنسيا جۇرگىزۋگە كىرىستى. نەگىزگى ەكونوميكالىق جاعدايلار قولايلى بولىپ قالىپ وتىر: مۇنايدىڭ الەمدىك باعاسى ءبىر باررەل ءۇشىن 70 اقش دوللارىنان اسىپ تۇر، دوللاردىڭ جاھاندىق السىرەۋ ءۇردىسى ساقتالۋدا. وسىعان بايلانىستى تەڭگەنىڭ قازىرگى السىرەۋى ىرگەلى فاكتورلاردى كورسەتپەيدى جانە ۇلتتىق ۆاليۋتانىڭ جەتكىلىكسىز باعالانعانىن بىلدىرەدى»، - دەلىنگەن حابارلامادا.

ۇلتتىق بانك بيرجالىق جانە بيرجادان تىس ۆاليۋتا نارىعىنداعى جاعدايدى مۇقيات قاداعالاپ وتىرادى جانە قاجەت بولعان جاعدايدا ايىرباستاۋ باعامىنىڭ اۋىتقۋىنا جول بەرمەۋ، شەتەل ۆاليۋتاسىنا سۇرانىس پەن ۇسىنىس تەڭگەرىمىن قالپىنا كەلتىرۋ، سونداي-اق ۆاليۋتا نارىعىنىڭ قالىپتى جۇمىس ىستەۋىن قامتاماسىز ەتۋ ءۇشىن شۇعىل شارالار قابىلداۋعا دايىن.

دۇيسەنبى كۇنگى ساۋدا بارىسىندا Comex بيرجاسىندا جەلتوقسان ايىنداعى فيۋچەرستەردىڭ باعاسى قىمباتتادى. بۇل كۇنگى ساۋدادا التىننىڭ ۋنسياسى 3722،4 دوللارعا جەتتى. 16 قىركۇيەك كۇنگى باعالى مەتالل باعاسى 3682 دوللاردى قۇراپ تۇر. بۇل تۋرالى kursiv.media حابارلايدى.

Trading Economics باسىلىمىنىڭ جازۋىندا، اقش دوللارىنىڭ السىرەۋى جانە امەريكالىق مەملەكەتتىك وبليگاسيالار كىرىستىلىگىنىڭ تومەندەۋى التىنعا دەگەن سۇرانىستىڭ ارتۋىنا ىقپال ەتتى.

ينۆەستورلار سەيسەنبى-سارسەنبى كۇندەرى وتەتىن وتىرىس قورىتىندىسى بويىنشا اقش فەدەرالدىق رەزەرۆ جۇيەسى (فرج) جەلتوقساننان بەرى العاش رەت پايىزدىق مولشەرلەمەلەردى تومەندەتەدى دەپ كۇتىپ وتىر.

CME FedWatch دەرەگىنە سايكەس، نارىق قاتىسۋشىلارى قىركۇيەك ايىندا فرج مولشەرلەمەسىن 25 بازيستىك پۋنكتكە تومەندەتۋ ىقتيمالدىعىن 96،1%، ال 50 بازيستىك پۋنكتكە تومەندەتۋ ىقتيمالدىعىن 3،9% دەپ باعالاپ وتىر.

2024 جىلى 27%-عا وسكەن التىن باعاسى بيىل جىل باسىنان بەرى شامامەن 35%-عا قىمباتتادى. بۇعان، ەڭ الدىمەن، الەمدىك ورتالىق بانكتەردىڭ التىن ساتىپ الۋى، اقشا-نەسيە ساياساتىنىڭ جۇمسارۋى، سونداي-اق گەوساياسي جانە ەكونوميكالىق تۇراقسىزدىق اسەر ەتتى.