ادامنىڭ پەشەنەسىنە جازىلعان باقتىڭ قاي كۇنى، قاي ساتتە، قاي جەردەن توگىلىپ تۇسەتىنىن كىم بىلگەن؟ بىرەۋ ءومىر بويى تىرىسادى دا، ەشتەڭە شىقپايدى. بىرەۋ شاي ءىشىپ وتىرىپ، شىنايى جەڭىمپاز اتانادى.

استانالىق ەرمەك بايمبەتوۆ — ءدال سوندايلاردىڭ ءبىرى. جاڭا كولىك ەمەس، جاڭا ءۇمىتكە يە بولعان ازامات. ونىڭ باعى — عالامتوردىڭ ار جاعىنان كەلگەن. ال باقىت — قويۋ، كۇرەڭ شاي ۇستىندە كۇتىپ تۇرعان.

ءبىر كۇنى ەرمەك "ءساتتى جۇلدىزدىڭ" جارناماسىن كورەدى. بىرەۋلەر مۇندايعا سەلت ەتپەيدى. "ءبارىبىر جولىم بولمايدى" دەيدى. ال ەرمەك... تاۋەكەل ەتتى. ەكى بيلەت ساتىپ الدى. بار بولعانى — ەكى بيلەت! ءبىرى — جاي قاعاز. ەكىنشىسى — 10 ميلليون تەڭگەلىك التىن قۇجات بولىپ شىقتى.

"كەشكى شاي ۇستىندە وتىر ەدىك. قوڭىراۋ شالىندى. «ءسىز كولىك ۇتىپ الدىڭىز»، دەيدى. ءا دەگەندە الاياقتار شىعار دەپ ويلادىم. ءبىراق بيلەت ءنومىرىن ايتتى، تەلەفون ءنومىرىن ايتتى. سايتتان قاراپ ەدىم — شىنىمەن دە مەن ەكەنمىن..." – دەيدى ءوزى.

كەيدە سەنە سالۋ قيىن. اسىرەسە قازاق سەنىم مەن كۇماننىڭ اراسىندا جۇرەدى. ال ەرمەكتىڭ قۋانىشى — كەيىنىرەك كەلدى. باستاپقىدا – توسىن، كەيىن – تۇششىمدى. ول كولىكتى ەمەس، ونىڭ ورنىنا بەرىلەتىن 10 ميلليون تەڭگەنى تاڭدادى. قايدا جۇمساماق؟ ءبىر بولىگى — اكەسىنىڭ ەمىنە، قالعانى — نەسيەگە.

كىم نە دەسە دە، بۇل — ءبىر ادامنىڭ عانا ەمەس، ءبىر اۋلەتتىڭ جەڭىسى.

ءساتتى جۇلدىز – ءساتتى كۇننىڭ حابارشىسى ما؟

«ءساتتى جۇلدىز» ۇلتتىق لوتەرەياسى — سوڭعى ون جىلدا مىڭداعان ادامنىڭ ۇمىتىنە ۇشقىن بەرگەن ۇيىم. ەلىمىزدىڭ تۇكپىر-تۇكپىرىندەگى 200-دەن استام ساۋدا نۇكتەسىندە ارماندار بيلەتپەن ساتىلىپ جاتىر دەسەك، اسىرا ايتقاندىق بولماس.

جەڭىمپاز كوپ. ەڭ ۇلكەن جۇلدە — 150 ميلليون تەڭگە. قىزىلوردادان شىققان قاتىسۋشى ۇتىپ العان. بۇل ەندى قاراپايىم بايلىق ەمەس، ءبىر ءوڭىردىڭ جاڭالىعى.

ال الدا نە كۇتىپ تۇر؟ تاعى دا پاتەر، تاعى دا كولىك!

قازاق "كوپ قورقىتادى، تەرەڭ باتىرادى" دەيدى. كوپتىڭ ىشىنەن دارا شىعۋ وڭاي ەمەس. ءبىراق كەلەسى مۇمكىندىكتەر دە دايىن تۇر:

20 ءساۋىر — پاتەر ويناتىلادى («TeleBingo» ويىنى)؛

30 ءساۋىر — اۆتوكولىك ويناتىلادى («6/49» ويىنى)؛

دجەكپوت ءقازىردىڭ وزىندە 572 ميلليون تەڭگە بولىپ تۇر! سانداردىڭ ءوزى سويلەپ تۇر.

مىنە، وسىنىڭ ءبىرى — «لوتونابور كۆارتيرا». 5 بيلەتتەن تۇراتىن بۇل جيناق — پاتەرگە اپارار بەس قادام. ءار بيلەت — ءوز الدىنا ءبىر مۇمكىندىك.

ۇتىس جەكسەنبى، 20 ساۋىردە، ساعات 10:00-دە، «31 ارنادا» تىكەلەي ەفيردە وتەدى. كوزبەن كورىپ، كوڭىلمەن ۇتۋدىڭ جولى وسى.

جەڭىس جەكە ەمەس، قوعامعا ورتاق

جەڭىسكە جەتكەن ءار تەڭگەنىڭ 10 پايىزى — قازاق سپورتىنا كەتەدى. تاعى 10 پايىزى — «قازاقستان حالقىنا» قوعامدىق قورىنا اۋدارىلادى. دەمەك، بىرەۋدىڭ باعى — ەلگە قايىرلى. ويىن ويناساڭ دا، ويمەن وينار كەزەڭ بۇل.

ەرمەكتىڭ جولى بولدى. كەلەسىدە كىم بىلەدى — باعىڭىز سىزگە بۇيىرىپ قالۋى دا عاجاپ ەمەس. قايراتتان تۋعان قايسارلىق پەن ءۇمىتتىڭ اراسى كەيدە بار بولعانى ەكى بيلەت قانا.

ماريالدىڭ اقىسى تولەنگەن.

تەلەفون شىرىلدادى. «ءسىز پاتەر ۇتىپ الدىڭىز» دەدى. «الاياقتىق ەمەس پە؟» دەپ ويلادى. ەكى كۇن بويى سەنبەدى. ءۇشىنشى كۇنى عانا الماتىداعى باس كەڭسەگە كىرگەندە بارىپ كوز جەتكىزدى. شىن ەكەن. قاعاز جۇزىندە ەمەس، ومىردە.

بۇل – ءۆاسيلييدىڭ حيكاياسى. ول – قاراپايىم ەڭبەك ادامى. ەلىمىزدىڭ ءوندىرىس ورىندارىندا جيىرما جىلدان بەرى ۆاحتالىق ادىسپەن جۇمىس ىستەپ كەلەدى. الماتىدا تۇرادى. الىس جول، اۋىر جۇمىس، ۇزاق اۋىسىم – ءبارى ۇيرەنشىكتى. ءبىراق مىنا جاڭالىق وعان مۇلدە ۇيرەنشىكتى ەمەس.

– لوتەرەياعا شامامەن ەكى جىلدان بەرى قاتىسىپ ءجۇرمىن، – دەيدى ول. – اپتاسىنا كەمى ەكى رەت بيلەت الامىن.

ءساتى تۇسكەن كۇن – ءدال وسى اپتا. قولىنا تيگەن – باسپانا. ءبىراق بۇل قۋانىش باستاپقىدا كۇمانمەن كەلگەن.

– باسىندا شىن ايتسام، سەنبەدىم. «سكام شىعار» دەپ ويلادىم. ءقازىر كىم كورىنگەن تەلەفون شالىپ، الداپ-اربايدى عوي. ءبىراق بىرنەشە مارتە حابارلاستى. كەيىن ءوزىم كەلىپ كوردىم. مىنە، سول كەزدە عانا راس ەكەنىن ءتۇسىندىم، – دەيدى ۆاسيليي.

جەڭىمپازبەن سويلەسىپ وتىرعاندا ونىڭ سوزدەرىندە ءبىر زاڭدىلىق بايقالدى: ءۇمىت ۇزىلمەگەن. ول سەنىپ كەلگەن. سەنىمىنىڭ سىرى – سابىر مەن تۇراقتىلىق.

– بۇعان دەيىن دە ءۇمىتىمدى ۇزبەي، بيلەت الىپ ءجۇردىم. ءقازىر سەنىمىم ءتىپتى كۇشەيدى. ودان ءارى دە قاتىسا بەرەم، – دەيدى.

ءبىر قىزىعى، ۆاسيليي جەڭىسى تۋرالى ەشكىمگە ايتپاعان. ءقازىر دە ايتقىسى جوق. «تىنىش ءومىر سۇرگىڭ كەلسە، كوپكە جاريا ەتپە» دەيدى. ونىڭ بۇل ءسوزى بۇگىنگى قوعامنىڭ ءبىر كورىنىسى ىسپەتتى.

– اشىق ايتىپ، جاريا ەتكەن دۇرىس ەمەس دەپ ويلامايمىن. كۇندە بىرەۋ حابارلاسىپ، مازانى الادى. سول ءۇشىن ەشكىمگە ايتپادىم، – دەيدى ول.

لوتەرەياعا كەلسەك، ۆاسيليي كوبىنە TeleBingo مەن 5/36 بيلەتتەرىن ساتىپ الادى. باستاپقىدا سانداردى ءوزى تاڭدايتىن. ءتىپتى نۋمەرولوگيانى زەرتتەپ كورگەن. ءبىراق سوڭعى ۋاقىتتا ءبارىن اۆتوماتقا تاپسىرعان. ۇتقان ءنومىر دە اۆتوماتتى تۇردە تاڭدالعان.

– بۇرىن ءىرى ساۋدا دۇكەندەرىنەن قاعاز بيلەت الاتىنمىن. سوڭعى التى ايدا ونلاينعا كوشتىم. ىڭعايلى ءارى جىلدام، – دەيدى.

ءسوز سوڭىندا ول بارلىق قاتىسۋشىلارعا قاراپايىم، ءبىراق سەنىمدى كەڭەس بەردى:

– ءۇمىت ۇزبەڭىزدەر. بالكىم، ءبىر كۇنى ءسىز دە ۇتىپ قالارسىز. ەشتەڭە دە بەكەر ەمەس.

تانىمال قوعام قايراتكەرى ايتقانداي، «باقىت – دايىن تۇرعان قاقپا. ءبىراق ونى اشۋ ءۇشىن سەنىمنىڭ كىلتى كەرەك». ۆاسيليي سول كىلتتى تاپتى. ەندى جاڭا ءومىردىڭ ەسىگىن اشتى.

كەلەسى كەزەك – كروسسوۆەر!

30 ءساۋىر كۇنى ساعات 22:00-دە وتەتىن كەزەكتى تيراجدا باستى جۇلدە – 282 819 500 تەڭگەدەن اسادى جانە كروسسوۆەر اۆتوكولىگى ويناتىلادى.

«LOTO 6/49» لوتەرەياسىنىڭ لوتوجيىن فورماتىندا ۇسىنىلعان ارنايى توپتاماسى ارقىلى ءار قاتىسۋشى ءبىر ەمەس، بىردەن 6 مۇمكىندىككە يە بولادى. ءاربىر لوتوجيىن 6 بيلەتتەن تۇرادى، ال ساندار جۇيەسى كەزدەيسوق تاڭدالادى. ۇتىسقا قاتىسۋ ونلاين رەجيمدە قولجەتىمدى.

تىكەلەي ەفير YouTube جەلىلەسىندەگى Satty Zhuldyz ارناسى ارقىلى جۇرگىزىلەدى.

الەۋمەتتىك جاۋاپكەرشىلىك:

ويىننان تۇسكەن تابىستىڭ 10%-ى وتاندىق سپورتتى قولداۋعا، ال تاعى 10%-ى «قازاقستان حالقىنا» قوعامدىق قورىنا اۋدارىلادى.

مۇمكىندىك قاشان كەلىپ قالاتىنىن ەشكىم بىلمەيدى. ۆاسيلييگە بۇيىرعان باقىت، بالكىم، ەرتەڭ ءسىزدىڭ ەسىگىڭىزدى قاعار!

بەس ميلليون. بىرەۋگە – كولىك، ەكىنشىسىنە – پاتەر. ۇشىنشىسىنە – ءومىر بويى ماڭداي تەرمەن تاپپاعان تابىس. ال استانالىق قايرىم جارىس ءۇشىن – جۇرەكپەن كەلگەن جاقسىلىقتىڭ ەسىگى.

بۇل – جاي عانا ۇتىس ەمەس. بۇل – تاعدىردىڭ سىيى، اللانىڭ بەلگىلەگەن مەجەسى. ويتكەنى ول ساتسىزدىكتەن شارشاماعان، ساتتىلىككە سەمىرمەگەن. ماڭداي تەر مەن ماڭداي جارىقتىڭ ءدال ورتاسىندا جۇرگەن قازاق بالاسى.

موڭعوليادان – ماڭگىلىك مەكەنگە

قايرىم جارىستىڭ تاعدىر جولى تورعايدىڭ قاناتىمەن سىزعان كوكتەمگە ۇقسايدى. 2012 جىلى 21 ناۋرىز – ۇلىستىڭ ۇلى كۇنى – اتامەكەنگە، قازاقستانعا تابان تىرەگەن. قانمەن كەلگەن قاسيەت، جەرمەن بىتكەن مەيىر.

ول – ءۇش بالانىڭ اكەسى. وتباسىنا يە، اتا-اناعا ارقا سۇيەر ۇل. قاراپايىم تىرلىكتىڭ ىشىندە، ارتىق ايقايسىز، ەسەپسىز ەسەپپەن ەمەس، نيەتپەن ءومىر ءسۇرىپ جۇرگەن ازامات. ەلىنە ەركىن كەلىپ، ەنشىسىن ەڭبەكپەن العان قانداس.

ءبىر كۇنى دۇكەنگە بارا جاتىپ، ءۋاليحانوۆ كوشەسىندەگى اجەدەن «3 الما» اتتى لوتەرەيا بيلەتىن ساتىپ الادى. بۇرىن دا الىپ جۇرگەن. ءبىراق ءدال وسى جولى اللانىڭ سىيى باسقا بولدى – ساناۋلى سەكۋندتاردان سوڭ، بەس ميلليون تەڭگە ۇتىپ الادى.

جەڭىس – جالعىزدىڭ ەمەس، جۇرتتىڭ قۋانىشى

جەڭىستى جالعىز تويلاعان جوق. الدىمەن جۇبايىمەن ءبولىستى. بالالارىن قۋانتتى. باۋىرى مەن اتا-اناسىنا جەتكىزدى. سوسىن جۇرەگىمەن ويلاپ، باسقالارعا كومەكتەسۋ كەرەكتىگىن ءتۇسىندى. ويتكەنى:

«ءوزىن عانا ويلاعان – جاماندىقتىڭ بەلگىسى، وزگەنى دە ويلاۋ – ادامگەرشىلىكتىڭ بەلگىسى»، – دەيدى قازاق.

قايرىم – وسى ماقالدىڭ ءتىرى مىسالى.

جۇبايى باستاپقىدا سەنبەگەن. «قايداعى بەس ميلليون؟ لوتەرەياعا سەنەتىن ۋاقىت پا بۇل؟!» دەپ قارسى بولعان. ءبىراق قۇجاتتاردى كورىپ، كوڭىلى ورنىنا ءتۇستى. بالا-شاعا قۋاندى. قۋانىش – جاي بايلىقتا ەمەس، نيەتتەگى بايلىقتا.

قايرىم بۇل ۇتىستىڭ ءبىر بولىگىن قايىرىمدىلىققا جۇمساماق. «قينالعان وتباسى كوپ، كومەكتەسسەك – قايىرلى ءىس» دەيدى. قالعانىن جاقىن-جۋىققا ءبولىپ بەرمەك. جاساعان جاقسىلىعىنىڭ ەسەبىن ەمەس، ساۋابىن كۇتەدى.

ساتتىلىك – سۇرىنبەي جەتكەن شۇكىر

قايرىم ايىنا ءبىر-اق رەت بيلەت الادى. ءار جولى بىردەڭە ۇتىپ جۇرگەن. كىشكەنتاي ساندار – ۇلكەن ماعىناعا يە. جەڭگەنىن ەمەس، بولىسكەنىن ماقتان تۇتادى.

– بيلەت العان كەزدە ىشكى ءبىر تىنىشتىق بولدى. كوڭىلىم الاڭسىز ەدى. كەيدە ادامنىڭ جۇرەگى سەزەدى عوي. بۇل جولى دا سولاي بولدى. كەيىن ءبىلدىم – بۇل جەڭىس مەنىڭ تۋعان كۇنىمدە كەلىپتى. 24 ماۋسىم – مەن ءۇشىن ەرەكشە داتا. بۇل اللانىڭ مەيىرى بولماسا، نە؟ – دەيدى ءوزى.

مۇنى جاي عانا ساتتىلىك دەۋگە بولماس. بۇل – بىرەۋگە ساباق، بىرەۋگە ءۇمىت. ويتكەنى ءدال سول بيلەت ساتاتىن اجەي دە بۇل جاڭالىققا كوز جاسىن ءسۇرتىپ تۇرىپ، شىن قۋاندى. بۇل جەڭىس – جالعىز قايرىمنىڭ ەمەس، جۇرەگى تازا قازاقتىڭ جەڭىسى.

«ءساتتى جۇلدىز» – ءساتتىڭ ەمەس، جۇرەكتىڭ لوتەرەياسى

«ءساتتى جۇلدىز» – بۇل جاي ويىن ەمەس. بۇل – سەنىمنىڭ، ادالدىقتىڭ، ادامدىقتىڭ تارازىسى. ۇلتتىق لوتەرەيا ارقىلى ەل يگىلىگىنە قىرۋار قارجى ءبولىنىپ وتىر. تەك بيىلعى جىلدىڭ العاشقى توقسانىندا عانا «قازاقستان حالقىنا» قورىنا 1،2 ميلليارد تەڭگە اۋدارىلدى. سپورت پەن دەنە شىنىقتىرۋعا – 15 ميلليارد تەڭگە.

بۇل – جاي ساندار ەمەس. بۇل – ارداگەرلەرگە ءۇي، سپورتشىلارعا زال، بالالارعا الاڭ. ياعني قايىرىمنىڭ ۇلكەن جولى. ءار بيلەت – سول جولعا سالىنعان ءبىر كىرپىش.

كەلەسى ۇتىس – 30 ماۋسىم كۇنى. ءبىراق كىم ۇتادى – اللا بىلەدى. بالكىم، ول دا تۋعان كۇنىندە بيلەت العان تاعى ءبىر قازاق بولار...

قايىرىم مەن قايىر – قازاقتىڭ قوس قاناتى

قايرىم جارىس – ءبىر ۇتىسپەن ۇلتقا ءۇمىت سىيلاعان ادام. ونىڭ ارەكەتى – جارناماسىز ەرلىك. قاراپايىم بولسا دا، قاراپايىمدىلىعىمەن ءقادىرلى. قازاقتىڭ مىنەزىن، مەيىرىن، مىرزالىعىن ءتىرىلتىپ تۇرعان ءبىر بەينە.

ۇتىس – جولى بولعانعا بۇيىرادى. ءبىراق سول ۇتىستى بولىسە ءبىلۋ – تەك جۇرەگى كەڭنىڭ ءىسى. قايرىم ءدال وسى كەڭ جۇرەكتىلەردىڭ قاتارىنان.

بەس ميلليون تەڭگە – بەس ساۋاپقا جەتەر امالعا اينالعاندا عانا شىن مانگە يە.