2019 جىلعى قىركۇيەكتە باس پروكۋراتۋرا تۇركيانىڭ ادىلەت مينيسترلىگىنە حالىقارالىق ىزدەۋدە جۇرگەن «استانا LRT» ءجشس-نىڭ بۇرىنعى باسشىسى تالعات ارداندى ۇستاپ بەرۋ تۋرالى سۇراۋ جىبەرگەن بولاتىن، دەپ حابارلايدى Ulys.
«وسىعان بايلانىستى تۇركيا رەسپۋبليكاسىنىڭ قۇزىرلى ورگاندارى ءتيىستى ىزدەستىرۋ شارالارىن جۇرگىزگەن. بيىل ۇقك ونىڭ ناقتى بولعان جەرىن انىقتادى، سودان كەيىن تۇركيانىڭ قۇقىق قورعاۋ ورگاندارى ونى انتاليا قالاسىندا ۇستادى. بيىل 9 مامىردا انتاليا قالاسىنىڭ سوتى ارداندى قازاقستانعا دەپورتاسيالاۋ تۋرالى شەشىم قابىلدادى جانە ول ءقازىر قاماۋدا»، - دەپ حابارلادى ۇكق باسپا ءسوز قىزمەتى.
قازاقستاننىڭ قۇزىرەتتى ورگاندارى اتالعان ادامدى قازاقستانعا قايتارۋ بويىنشا قۇقىقتىق راسىمدەردى باستادى.
ەستەرىڭىزگە سالا كەتەيىك، بۇعان دەيىن استانا قالاسىنىڭ سوتى تالعات ارداندى قىلمىستىق كودەكستىڭ 189-بابى 4-بولىگى جانە 361-بابى 4-بولىگى بويىنشا كىنالى دەپ تانىپ، سىرتتاي 9 جىلعا باس بوستاندىعىنان ايىرعان ەدى.
