ۆاليۋتا باعامى
  • USD -

    539.7
  • EUR -

    630.5
  • RUB -

    6.71
سقو-دا سۇيىكتىسىن سابيىمەن بىرگە ورتەپ جىبەرگەن قىلمىسكەر سوتتالدى
فوتو: سقو تجد باسپا ءسوز قىزمەتى/وقيعا بولعان ورىن 12 مامىر 2025
سقو-دا سۇيىكتىسىن سابيىمەن بىرگە ورتەپ جىبەرگەن قىلمىسكەر سوتتالدى

پەتروپاۆلدا سۇيىكتىسىن سابيىمەن بىرگە جانە ءوزىنىڭ ءىنىسىن ولتىرگەن قىلمىسكەر الەكساندر كانيششيەۆ ءومىر بويىنا سوتتالىپ كەتتى، دەپ حابارلايدى Ulys.

ادام شوشىرلىق قاندى وقيعا 2023 جىلدىڭ قىركۇيەك ايىندا بولعان. سوت ۇكىمىمەن سوتتالعان ەر ادام باستاپقىدا ورتتەن امان قالعان جالعىز ادام بولىپ ەسەپتەلگەن. الايدا، مەديسينالىق ساراپتاما شىققاننان كەيىن ول كۇدىكتىلەردىڭ قاتارىنا ءوتتى.

الاپات ورتتەن كەيىن قىلمىسكەردىڭ سۇيىكتىسى بولعان، ءبىراق زاڭدى نەكەدە تۇرماعان 20 جاستاعى الينا كوتياشتىڭ، ونىڭ ءبىر جاسار قىزى الەكساندرانىڭ جانە ءىنىسى ساۆەليانىڭ دەنەسىن ەكسگۋماسياعا جىبەرۋگە ءماجبۇر بولدى.

مەديسينالىق ساراپتاما ناتيجەسىندە بۇلدىرشىندەر ورتكە دەيىن-اق كوز جۇمعانى دالەلدەندى. ال جاس كەلىنشەك ۋلى گازعا ۋلانىپ كوز جۇمعان. تەرگەۋ بارىسىندا پروكۋرور قىلمىستىق ءىستىڭ وسى نۇسقاسىنا تۇرىپ الدى. سوت العاشقىدا كۇدىكتى رەتىندە بولعان كانيششيەۆتى اقتاپ العان. بۇل قاندى وقيعادان كەيىن ءبىر جىلدان سوڭ بولدى.

دەگەنمەن مەملەكەتتىك ايىپتاۋشى سوت شەشىمىنە شاعىم ءتۇسىردى. ايىپتاۋشى تاراپ سۇيەنگەن نەگىزگى دالەلدەردىڭ ءبىرى بالالاردىڭ قانىندا كومىرقىشقىل گازىنىڭ بولماۋى بولدى. بۇعان قوسا، ساراپتاما كىشكەنتاي قىز بالانىڭ كوزى تىرىسىندە باس-مي جاراقاتىن العانىن انىقتادى. سوندىقتان پروكۋرور زارداپ شەككەندەردىڭ ورتكە دەيىن كوز جۇمعانى تولىقتاي دالەلدەنگەن دەپ سانادى.

ۇزاققا بارماي ءىس قايتادان سوت الدىندا قارالدى. بۇل جولى سوت ونى ءومىر بويىنا باس بوستاندىعىنان ايىرۋ تۋرالى ۇكىم شىعاردى. الەكساندر كانيششيەۆتىڭ سوت ۇكىمىنە شاعىمدانۋىنا 15 كۇن ۋاقىت بار.

RELATED NEWS
پاۆلوداردا تۋىسقان قارىنداسىن زورلاعان جەتكىنشەك 10 جىلعا سوتتالدى
26 ناۋرىز 2025
پاۆلوداردا تۋىسقان قارىنداسىن زورلاعان جەتكىنشەك 10 جىلعا سوتتالدى
 

بىلتىر جازدا پاۆلودار وبلىسى شارباقتى اۋدانىنداعى اۋىلداردىڭ بىرىندە تۋىسقان اعاسى زورلاپ، ارتىنان جۇكتى بولعان قىز بوسانعان ەدى. بۇگىن پاۆلودار وبلىسىندا وسى ىسكە قاتىستى سوت ءوتتى، دەپ حابارلايدى Ulys.

كۇدىكتى بولعان 17 جاستاعى بالا كامەلەت جاسىنا تولماعاندىقتان، سوت ونى 10 جىلعا باس بوستاندىعىنان ايىردى. سوتتىڭ بۇگىنگى شەشىمى ازىرگە زاڭدى كۇشىنە ەنگەن جوق.

جازدا وقۋشى قىزدىڭ بوسانعانى بەلگىلى بولعان سوڭ پاۆلوداو وبلىسىنداعى بالا قۇقىقتارى جونىندەگى ۋاكىل ساۋلە شاكەنوۆا 12 جاسار قىزدىڭ اۋىلىنا بارعان. قىز بالا وتباسىمەن پاۆلودار وبلىسى شارباقتى اۋدانى گالكينو اۋىلىندا ءومىر ءسۇرىپ جاتىر. اتاجۇرتقا كوشىپ كەلگەن قانداستاردى قازاقستانعا ەرتە كوشىپ كەلگەن تۋىستارى وسى اۋىلعا قونىستاندىرعان كورىنەدى.

اقمولا وبلىسىندا اجەسى نەمەرەسىن ءولتىرىپ، دەنەسىن ءۇيدىڭ اۋلاسىندا كومگەن
04 ناۋرىز 2025
اقمولا وبلىسىندا اجەسى نەمەرەسىن ءولتىرىپ، دەنەسىن ءۇيدىڭ اۋلاسىندا كومگەن

اقمولا وبلىسىنىڭ ششۋچينسك قالاسىندا اسىراپ الىنعان بالانىڭ ولىمىنە بايلانىستى سوت ۇكىمى شىقتى، دەپ حابارلايدى Ulys.

HALYQSTAN حابارلاۋىنشا، بەس جىلعا جۋىق ۋاقىت بويى جان تۇرشىگەرلىك قىلمىستىڭ ىزدەرى جاسىرۋلى بولىپ كەلگەن. بۇل اتىشۋلى ءىس بويىنشا بالا اسىراپ العان اناسى مەن اجەسى سوت الدىندا جاۋاپ بەردى.

بەس جاسار بالانىڭ دەنەسى ءۇيدىڭ باقشاسىنا جەرلەنگەن، ال بۇل سۇمدىق وقيعا تەك وتكەن كوكتەمدە عانا انىقتالدى. قىلمىستىڭ بەتى كۇتپەگەن قاتەلىكتىڭ ارقاسىندا اشىلعان.

اسىراپ العان اناسى باسقا بالاسىن دەنەسى  كوگەرىپ جۇرگەندىكتەن اۋرۋحاناعا الىپ كەلگەن، الايدا قۇجاتتاردى شاتاستىرىپ العان. كەيىنىرەك ونىڭ ءتورت جىل بويى قايتىس بولعان بالاعا تيەسىلى تۋۋ تۋرالى كۋالىكتى قولدانىپ جۇرگەنى انىقتالدى.

باستى كۇدىكتى 65 جاستاعى اجەسى بىردەن قاماۋعا الىنسا، 29 جاستاعى اسىراپ العان اناسى دا ۋاقىتشا ۇستاۋ يزولياتورىنا جىبەرىلدى.

سوت جابىق ەسىك جاعدايىندا ءوتىپ، ۇكىم شىقتى. بالانىڭ اجەسى – 21 جىلعا، وگەي اناسى 4 جىلعا باس بوستاندىعىنان ايىرىلدى.

جۋرناليست دانا ورمانبايەۆاعا حالىقارالىق ىزدەۋ جاريالاندى
25 قاڭتار 2025
جۋرناليست دانا ورمانبايەۆاعا حالىقارالىق ىزدەۋ جاريالاندى

قازاقستاندىق جۋرناليست دانا ورمانبايەۆانىڭ ۇستىنەن ۇلتارالىق ارازدىقتى ءورشىتۋ فاكتىسى بويىنشا قىلمىستىق ءىس قوزعالدى. وعان حالىقارالىق ىزدەۋ جاريالاندى. بۇل تۋرالى Ulys الماتى پوليسياسىنا سىلتەمە جاساپ حابارلايدى.

"الماتى پوليسيا دەپارتامەنتىنىڭ تەرگەۋ باسقارماسى ۇلتارالىق ارازدىقتى قوزدىرۋ فاكتىسى بويىنشا قىلمىستىق ءىستى تەرگەپ جاتىر. سوت «قاماۋعا الۋ» تۇرىندەگى بۇلتارتپاۋ شاراسىنا سىرتتاي سانكسيا بەردى. سونىمەن بىرگە كۇدىكتىگە حالىقارالىق ىزدەۋ جاريالاندى"، - دەلىنگەن پوليسيا حابارلاماسىندا.

جۋرناليست ءقازىر قازاقستاننان باسقا جەردە تۇرىپ جاتىر. 

 

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.