الماتىدا بۇگىن شامامەن 16:40-تا بوستاندىق اۋدانىندا جۇك كولىگى جول اپاتىنا ۇشىرادى، دەپ حابارلايدى Ulys.
وقيعا ورنىنان تۇسىرىلگەن بەينەجازبا Telegram-ارنالاردا جاريالاندى. الماتى قالالىق پد باسپا ءسوز قىزمەتىنىڭ حابارلاۋىنشا، سولتۇستىك باعىتتا قوزعالىپ كەلە جاتقان Shacman جۇك كولىگىنىڭ جۇرگىزۋشىسى رولگە يە بولا الماي قالعان.
پوليسيانىڭ مالىمەتىنشە، كولىك گاز تىرەگىنە سوعىلىپ، اعاش پەن بىرنەشە قورشاۋدى قيراتىپ، ءبىر شەتىنە اۋدارىلىپ قالعان.
«جۇك كولىگىنىڭ جۇرگىزۋشىسى دەنە جاراقاتتارىمەن قالاداعى اۋرۋحانالاردىڭ بىرىنە جەتكىزىلدى»، – دەپ مالىمدەدى ۆەدومستۆو وكىلدەرى.
جۇرگىزۋشى جاراقات الىپ، اۋرۋحاناعا ءتۇستى، قازىرگى جاعدايى ناقتىلانىپ جاتىر. وقيعا ورنىندا بوستاندىق اۋداندىق پوليسيا باسقارماسىنىڭ قىزمەتكەرلەرى مەن كوممۋنالدىق قىزمەت وكىلدەرى جۇمىس ىستەپ جاتىر.
ولارعا اپاتتىڭ سەبەپتەرىن انىقتاپ، زاقىمدانعان گاز قۇبىرىن قالپىنا كەلتىرۋ مىندەتتەلدى.
