تالعاردا توبەلەس كەزىندە كوز جۇمعانا شەرزاتتىڭ اعاسى نۇرقانات عايىپبايەۆ وزىنە قول جۇمساپ كوز جۇمدى. الماتى وبلىسىنىڭ پوليسياسى تالعار ماڭىندا دەنەسى تابىلعان نۇرقانات عايىپبايەۆتىڭ ولىمىنەن قاتىستى مالىمدەمە جاسادى.
پوليسيانىڭ ايتۋىنشا، مارقۇم ولەرىنىڭ الدىندا اعاسىنا حات جازىپ، ءوزىن شەرزاتتىڭ جانىنا جەرلەۋدى سۇراعان.
«اعا، نە ىستەسەم دە كەشىر. مەن باۋىرىمنىڭ ولگەنىن قالامادىم. بارىنشا تىرىستىم. اعا، سەن ءبىز ءۇشىن كەك الۋ كەرەكسىڭ. سول ءۇشىن جارالعانسىڭ. ءبىراق، مەن ىستەگەن ءىستى قايتالاما. سەندە ۇل-قىز بار، سولاردى ويلا. مەنى سەنى قاتتى جاقسى كورەمىن، كەشىر»، - دەپ جازعان مارقۇم.
ونىڭ حاتىن العان اعاسى بىردەن جاۋاپ بەرىپ، قايدا جۇرگەنىن سۇراعان.
«اقىماق بولما، ۇيگە قايت. بەرگەن ۋادەڭ قايدا؟ سەنى قايدان ىزدەپ تابايىن. ماما اۋىرىپ قالادى»، - دەپ جاۋاپ بەرگەن اعاسى.
بۇل وقيعاعا قاتىستى پوليسيا تۇسىنىكتەمە بەردى.
"تالعار قالاسىنىڭ ماڭىندا 30 جاستاعى ەر ادامنىڭ ءمايىتى تابىلعانى بويىنشا، كەلەسىنى حابارلايمىز. الدىن الا مالىمەتتەرگە سايكەس، ول اسىلۋ ارقىلى وز-وزىنە قول جۇمساعان.
مارقۇم اعىمداعى جىلدىڭ 4 قازانىندا قايعىلى قازا تاپقان كامەلەتكە تولماعان شەرزات پولاتتىڭ اعاسى ەكەنى انىقتالدى.تەرگەۋ بارىسىندا مارقۇم تۋىستارىنىڭ بىرىنە وزىنە-وزى قول جۇمساۋ تۋرالى مەسسەندجەردە جىبەرگەن جازباسى انىقتالدى. حابارلامادا ول تۋىسقاندارىمەن قوشتاسىپ، ءىنىسىنىڭ جانىنا جەرلەۋدى سۇرادى. بۇل فاكتى بويىنشا قىلمىستىق ءىس قوزعالدى. قازىرگى ۋاقىتتا بارلىق جاعدايلاردى انىقتاۋ ءۇشىن تەرگەۋ امالدارى جۇرگىزىلۋدە"، - دەلىنگەن حابارلامادا.
ەسكە سالساق، 4 قازان كۇنى تالعار قالاسىندا بولعان قايعىلى جاعداي قوعامدا ۇلكەن رەزونانس تۋدىردى. 16 جاستاعى شەرزاتتىڭ ولىمىنە قاتىستى ءىس ىشكى ىستەر ءمينيسترىنىڭ جەكە باقىلاۋىندا. كەيىن مارقۇمنىڭ وتباسى تۇراتىن ءۇيدى ورتەپ جىبەردى.
