قازاقستاندا قۇقىق قورعاۋ ورگاندارىنىڭ قىزمەتكەرلەرىن باسشى لاۋازىمعا تاعايىندار الدىندا وتىرىكتى اشكەرەلەيتىن دەتەكتورمەن تەكسەرۋ ۇسىنىلدى، دەپ حابارلايدى Ulys.
«قۇقىق قورعاۋ ورگاندارىنىڭ، ازاماتتىق قورعاۋ ورگاندارىنىڭ، مەملەكەتتىك فەلدەگەرلىك قىزمەتىنىڭ قىزمەتكەرلەرى جوعارى تۇرعان باسشى لاۋازىمدارعا ۇسىنىلعان كەزدە (اتتەستاتتاۋ نەمەسە جوسپاردان تىس اتتەستاتتاۋ نەمەسە جوعارى تۇرعان باسشى لاۋازىمعا كونكۋرس اياسىندا) پوليگرافولوگيالىق زەرتتەۋدەن وتەدى»، - دەلىنگەن «اشىق نقا» پورتالىندا جاريالانعان قۇجاتتا.
پوليگرافيالىق زەرتتەۋ مىنالاردى انىقتايدى:
- قۇقىق قورعاۋ ورگاندارىندا قىزمەت ەتۋدەگى جاسىرىن تەرىس سەبەپتەر (تىيىم سالىنعان قوعامدىق بىرلەستىكتەرگە، قىلمىستىق جانە تەرروريستىك ۇيىمدارعا جۇمىس ىستەۋ)؛
- ەسىرتكىگە تاۋەلدىلىگىن، پسيحوتروپتىق، پسيحيكالىق جانە فيزيكالىق تاۋەلدىلىك تۋعىزاتىن وزگە دە پسيحواكتيۆتى زاتتاردى تۇتىنىپ-تۇتىنبايتىنىن؛
- قۇقىق قورعاۋ ورگاندارىندا، ازاماتتىق قورعاۋ ورگاندارىندا، مەملەكەتتىك فەلدەگەرلىك قىزمەتىندە قىزمەتىن تولىققاندى وتكەرۋگە كەدەرگى كەلتىرەتىن جاسىرىن سىرقاتتارىن، وز-وزىنە قول جۇمساۋعا بەيىمدىگىن؛
- تابىسى تۋرالى، مۇلكى جانە مۇلىكتىك سيپاتتاعى مىندەتتەمەلەرى، قوس ازاماتتىعىنىڭ بار ەكەنى تۋرالى مالىمەتتەردى جاسىرۋىن نەمەسە بۇرمالاۋىن؛
- سىبايلاس جەمقورلىق جاساۋ، بوگدە ادامدارعا قۇپيا نەمەسە قىزمەتتىك اقپارات بەرۋ فاكتىلەرىن؛
- قىلمىستىق، سىبايلاس جەمقورلىق قۇقىقبۇزۋشىلىق جاساعانى ءۇشىن جاۋاپقا تارتۋ فاكتىلەرىن؛
- تىيىم سالىنعان قوعامدىق بىرلەستىكتەرمەن، قىلمىستىق جانە تەرروريستىك ۇيىمدارمەن قاتىناس جاساۋىن نەمەسە ەگەر بۇل بۇرىن ولاردىڭ قىزمەتتىك مىندەتتەمەلەرىنە كىرمەسە، كوممەرسيالىق قۇرىلىمدارعا قاتىسۋىن؛
- قىزمەتتىك وكىلەتتىگىن تەرىس پايدالانۋ فاكتىلەرىن.
قاۋلى جوباسى پورتالدا 14 اقپانعا دەيىن تالقىلانادى.
