پاريج پروكۋراتۋراسى پاۆەل دۋروۆقا تاعىلۋى مۇمكىن 12 ەپيزودتى جاريالادى. ونىڭ ىشىندە قۇزىرلى ورگاندارعا اقپارات بەرۋدەن باس تارتۋ، الاياقتىق پەن ەسىرتكى ساتۋعا قاتىسىنىڭ بولۋى، بالالاردىڭ پورنوگرافيالىق ۆيدەولارىن ساقتاۋعا، كيبەرقىلمىستارعا، اقشا جىلىستاتۋعا قاتىسۋى جانە ت. ب. بار. 

پروكۋراتۋرا 8 شىلدەدە اشىلعان ءىستى كيبەرقىلمىسپەن كۇرەس ورتالىعى مەن ۇلتتىق الاياقتىقپەن كۇرەس باسقارماسى (ONAF) تەرگەپ جاتقانىن ايتتى.

سيريادا اساد اۋلەتىنىڭ 50 جىلعا سوزىلعان بيلىگى قۇلادى. بۇل تۋرالى رەسەيدىڭ ءسىم سىلتەمە جاساپ BBC حابارلادى.

24 جىل بيلەگەن باشار اساد ەلدەن كەتتى. سيريا 2011 جىلدان بەرى ازاماتتىق سوعىس جاعدايىندا ءومىر ءسۇرىپ جاتقان. «يسلام مەملەكەتى» تەررورلىق توبى ارتقا شەگىنگەن سوڭ سيريادا اساد بيلىگى كۇشەيگەندەي ەدى. 

ءقازىر سيريا اۋماعىن بىرنەشە توپ باقىلاپ وتىر. الداعى بىر-ەكى اي سيريا حالقى ءۇشىن شەشۋشى بولماق. ءارتۇرلى توپتار ەلدى بىرنەشە بولىككە ءبولىپ بيلىككە تالاسۋى مۇمكىن. كۇردتەر دە بولىنۋگە تىرىسارى انىق. 

الەمگە كوروناۆيرۋستىڭ جاڭا ءتۇرى – حەس تاراپ جاتىر. بۇل بۇرىنعىعا قاراعاندا قاۋىپتىرەك، دەپ حابارلايدى BBس..

«كوۆيدتىڭ بۇل ءتۇرى العاش رەت ماۋسىم ايىندا گەرمانيادا پايدا بولعان. كەيىن ۇلىبريتانيا، اقش، دانيا ەلدەرىنەن تابىلدى»، - دەپ جازدى Scripps Research ينستيتۋتىنىڭ ديرەكتورى، امەريكالىق عالىم ەريك توپول تۆيتتەر پاراقشاسىندا.

ونىڭ ايتۋىنشا، حەس جاڭا عانا باستالىپ جاتىر، بىرنەشە اپتا مەن بىر-ەكى اي وتكەن سوڭ، كۇشىنە ءمىنىپ، سىرقاتتىڭ جاڭا تولقىنى تۋادى.

مۋتاسيالانعان حەس وتكەن كوۆيد ۆيرۋسىنا قاراعاندا تەزىرەك تارايدى. عالىمدار قازىرگى قولدانىستا بار ۆاكسينالار بۇل ۆيرۋستان كەلەتىن ەڭ اۋىر زارداپتاردىڭ الدىن الادى دەپ وتىر.

ۇلىبريتانيا عالىمى فرانسۋا بالۋدىڭ سوزىنشە، الداعى قىستا حەس كوروناۆيرۋستىڭ نەگىزگى تۇرىنە اينالۋى بەك مۇمكىن.