پرەزيدەنت قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ وتىرىسى ءوتتى. بۇل تۋرالى اقوردا حابارلادى.
جيىندا ارميانى جاڭعىرتۋ جانە اسكەري ينفراقۇرىلىمدى جەتىلدىرۋ ماسەلەلەرى قارالدى.
مەملەكەت باسشىسى قارۋلى كۇشتەردى ودان ءارى دامىتۋ بويىنشا ءبىرقاتار ناقتى تاپسىرما بەردى.
كەلەسى جىلى مەرزىمدى اسكەري قىزمەتكە 18 بەن 27 جاس ارالىعىنداعى 41 706 جىگىتتى شاقىرۋ جوسپارلانىپ وتىر. قورعانىس مينيسترلىگى «اشىق نقا» پورتالىندا ءتيىستى قاۋلى جوباسىن جاريالادى، دەپ حابارلايدى Ulys.
قۇجاتقا سايكەس، 2025 جىلعى ناۋرىز-ماۋسىمدا جانە قىركۇيەك-جەلتوقساندا اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق 18 جاستان 27 جاسقا دەيىنگى 41 706 ەر-ازامات مەرزىمدى اسكەري قىزمەتكە شاقىرىلادى.
اسكەرگە شاقىرۋ پۋنكتەرى مەديسينالىق جۇمىستى قامتاماسىز ەتەدى. ال ىشكى ىستەر مينيسترلىگى اسكەرگە شاقىرىلاتىنداردى جيناۋ جانە اسكەرگە جونەلتۋ ورىندارىندا ىشكى ىستەر ورگاندارى قىزمەتكەرلەرىنىڭ كۇشەيتىلگەن كەزەكشىلىگىن ۇيىمداستىرادى.
قاۋلى جوباسى 13 جەلتوقسانعا دەيىن قوعام تالقىسىنا شىعارىلدى.
قورعانىس مينيسترلىگىنە قاراستى اياگوز گارنيزونىندا وفيسەر كوز جۇمعان. گارنيزوننىڭ باسپا ءسوز قىزمەتى اسكەري قىزمەتكەر ءوز ۇيىندە سۋيسيد جاسادى دەدى. بۇل وقيعاعا قورعانىس مينيسترلىگى تۇسىنىكتەمە بەردى، دەپ حابارلايدى Ulsy.
قورعانىس مينيسترلىگى تاربيە جانە يدەولوگيالىق جۇمىس دەپارتامەنتىنىڭ باستىعى، ادىلەت پولكوۆنيگى تىلەۋحان باسحوجايەۆ ايتۋىنشا، مارقۇم اياگوز گارنيزونىنا ەكى جىلعا شاقىرىلعان.
«وفيسەر دالالىق جۇمىسپەن بايلانىستى ەمەس قارجىلىق قىزمەتتە لاۋازىم اتقارعان. قونىس اۋدارۋىنا بايلانىستى بارلىق وتەماقىنى، اقشانى الدى. كەشە سوڭعى رەت اكەسىمەن سويلەسكەن، اسكەري قىزمەتكە ەشقانداي شاعىم تۇسىرمەگەن. مۇمكىن، اياگوز گارنيزونىنا كوشۋىنە، ياعني ورىن اۋىستىرۋىنا بايلانىستى پسيحولوگيالىق اسەر بولعان شىعار. ءقازىر ەندى ءبىز بولجام جاساماي-اق قويايىق. تەرگەۋشى ارىپتەستەرىمىز ءمان-جايدى انىقتايدى. ءبىز ونىڭ اتا-اناسىنا، وتباسىنا كوڭىل ايتامىز. بۇل دۇرىس ەمەس. ءبىز شەتتە قالمايمىز، بارلىق قاجەتتى تەرگەۋ امالدارى جۇرەدى»، - دەدى باسحوجايەۆ ورتالىق كوممۋنيكاسيالار قىزمەتىندە وتكەن بريفينگتە.
وفيسەردىڭ ءولىمى بويىنشا قىلمىستىق كودەكستىڭ «ءوزىن-وزى ولتىرۋگە دەيىن جەتكىزۋ» بابىمەن قىلمىستىق ءىس قوزعالعان.
2020 جىلدان بەرى اسكەردە قازا تاپقان ساربازداردىڭ سانى 310 ادامعا جەتكەن، دەپ حابارلايدى Atameken business ارناسى.
قورعانىس مينيسترلىگى بەيبىت كۇندە قىناداي قىرىلىپ جاتقان جاس جىگىتتەردىڭ ولىمىنە ءتۇرلى سەبەپتەردى اتايدى: اۋرۋ-سىرقاۋ، سۋيسيد، جول-كولىك وقيعاسى، تاعى باسقالار.
وتان الدىنداعى بورىشىن وتەۋگە اتتانعانداردىڭ ءولىمى جىلدان-جىلعا ارتىپ كەلە جاتقانىن ايتا كەتكەن ءجون.
باس اسكەري پروكۋروردىڭ ءبىرىنشى ورىنباسارى ماقسات قازييەۆ بىلتىر 2020 جىل مەن 2023 جىل ارالىعىندا ارميادا 270 ساربازدىڭ باقيلىق بولعانىن مالىمدەگەن ەدى.
جۋىردا عانا اقتاۋدا اسكەردە جۇرگەن تاعى ءبىر سارباز كوز جۇمعانى تۋرالى جازعان بولاتىنبىز.
