Талғарда төбелес кезінде көз жұмғана Шерзаттың ағасы Нұрқанат Ғайыпбаев өзіне қол жұмсап көз жұмды. Алматы облысының полициясы Талғар маңында денесі табылған Нұрқанат Ғайыпбаевтың өлімінен қатысты  мәлімдеме жасады.

Полицияның айтуынша, марқұм өлерінің алдында ағасына хат жазып, өзін Шерзаттың жанына жерлеуді сұраған.

«Аға, не істесем де кешір. Мен бауырымның өлгенін қаламадым. Барынша тырыстым. Аға, сен біз үшін кек алу керексің. Сол үшін жаралғансың. Бірақ, мен істеген істі қайталама. Сенде ұл-қыз бар, соларды ойла. Мені сені қатты жақсы көремін, кешір», - деп жазған марқұм.

Оның хатын алған ағасы бірден жауап беріп, қайда жүргенін сұраған.

«Ақымақ болма, үйге қайт. Берген уәдең қайда? Сені қайдан іздеп табайын. Мама ауырып қалады», - деп жауап берген ағасы.

Бұл оқиғаға қатысты полиция түсініктеме берді.

"Талғар қаласының маңында 30 жастағы ер адамның мәйіті табылғаны бойынша, келесіні хабарлаймыз.  Алдын ала мәліметтерге сәйкес, ол асылу арқылы өз-өзіне қол жұмсаған.
Марқұм ағымдағы жылдың 4 қазанында қайғылы қаза тапқан кәмелетке толмаған Шерзат Полаттың ағасы екені анықталды.Тергеу барысында марқұм туыстарының біріне өзіне-өзі қол жұмсау туралы мессенджерде жіберген жазбасы анықталды. Хабарламада ол туысқандарымен қоштасып, інісінің жанына жерлеуді сұрады. Бұл факті бойынша қылмыстық іс қозғалды. Қазіргі уақытта барлық жағдайларды анықтау үшін тергеу амалдары жүргізілуде", - делінген хабарламада.

Еске салсақ, 4 қазан күні Талғар қаласында болған қайғылы жағдай қоғамда үлкен резонанс тудырды. 16 жастағы Шерзаттың өліміне қатысты іс Ішкі істер министрінің жеке бақылауында. Кейін марқұмның отбасы тұратын үйді өртеп жіберді.