Алматыда жүк көлігі газ құбырына соғылып, аударылып қалды

Оқиға

Фото: Видеодан скрин 16 қыркүйек 2025

Алматыда жүк көлігі газ құбырына соғылып, аударылып қалды

Алматыда бүгін шамамен 16:40-та Бостандық ауданында жүк көлігі жол апатына ұшырады, деп хабарлайды Ulys.

Оқиға орнынан түсірілген бейнежазба Telegram-арналарда жарияланды. Алматы қалалық ПД баспасөз қызметінің хабарлауынша, солтүстік бағытта қозғалып келе жатқан Shacman жүк көлігінің жүргізушісі рөлге ие бола алмай қалған.

Полицияның мәліметінше, көлік газ тірегіне соғылып, ағаш пен бірнеше қоршауды қиратып, бір шетіне аударылып қалған.

«Жүк көлігінің жүргізушісі дене жарақаттарымен қаладағы ауруханалардың біріне жеткізілді», – деп мәлімдеді ведомство өкілдері.

Жүргізуші жарақат алып, ауруханаға түсті, қазіргі жағдайы нақтыланып жатыр. Оқиға орнында Бостандық аудандық полиция басқармасының қызметкерлері мен коммуналдық қызмет өкілдері жұмыс істеп жатыр.

Оларға апаттың себептерін анықтап, зақымданған газ құбырын қалпына келтіру міндеттелді.

RELATED NEWS

Оқиға

30 шілде 2025

Павлодарда әйел екі баласын терезеден лақтырып жіберген

Павлодар қаласында адам шошырлық оқиға болды. Екі баласын терезеден лақтырып, артынша өзі де секіріп кеткен әйел адам медициналық есепте тұратыны анықталды, деп хабарлайды Ulys.

Полиция әйел мен екі жас баланы жарақаттаған факті бойынша тергеу жүргізіп жатыр. Оқыс оқиғаға қатысты облыстық Полиция департаменті агенттік тілшісіне пікір білдірді.

«30 шілдеде Павлодардағы Нұрмағамбетов көшесіндегі үйдің 4 және 5-қабаттары арасында орналасқан кіреберіс терезесінен екі жас бала мен әйел құлағаны анықталды. Зардап шеккендер кіреберіс есіктің үстіне құлаған, барлығы ауруханаға жеткізілді.

Кісі өлтіру мен суицидке оқталу фактілері бойынша қылмыстық істер қозғалды. Оқиғаның мән-жайы мен себептері тергеу барысында анықталатын болады.

Алдын ала мәліметтер бойынша, әйел мамандандырылған медициналық мекемеде есепте тұрады. Жергілікті жерде жедел-тергеу тобы жұмыс істейді», – делінген департамент хабарламасында.

Оқиға

28 мамыр 2025

Астанада фельдшерді соққыға жыққан ер адам сотталып тынды

Астанада жедел жәрдем қызметкерін соққыға жыққан ер адам сотталып кетті, деп хабарлайды Ulys.

2025 жылғы 29 қаңтарда Астанада жедел жәрдем фельдшеріне шабуыл жасалып, ол жабық бас-ми жарақатын алған. Оқиға шақыртуға келген жедел жәрдем бригадасы мен науқастың туыстарының бірі арасында болған.

Фельдшер сотқа арыз жазып, денсаулығына келтірілген залал үшін материалдық өтемақы талап етті. Прокурор шабуыл жасаған ер адамға 1 жылға бас бостандығын шектеуді сұрады. Ал жәбірленуші бұл жазаны 3 жылға дейін ұзартуды өтінді.

Айыпталушы кінәсін толық мойындады, әрекетіне өкініш білдірді, сондай-ақ оның кішкентай баласы барекені ескерілді. Ауырлататын жағдайлар анықталған жоқ.

Сот Қазақстан Республикасының заңына сәйкес бұл қылмысты орта дәрежелі денсаулыққа қасақана зиян келтіру ретінде бағалап, мынадай шешім шығарды:

1 жыл 6 ай шартты түрде бас бостандығынан айыру (шартты жаза),
материалдық өтемақыны жәбірленушіге өтеу міндеттелді.

Оқиға

27 наурыз 2025

Кореяда жол апатынан Қазақстанның 4 азаматы мерт болды

Оңтүстік Кореяның Сохэан автомагистралінде Қазақстанның 4 азаматы мінген көлік жардан құлап, салонда болған барлығы мерт болды. Бұл жайында Korea JoongAng Daily басылымы хабарлайды.

Оңтүстіккорейлік басылымның жазуынша, 4 адам отырған Mercedes-Benz көлігі жергілікті уақыт бойынша шамамен 00:30-да Кенгидо өлкесінің Хвасон қаласында жолдың оң жақ бетіндегі қоршауға соғылған. Содан кейін көлік бірнеше метр төмен құлап, өртенген.

Жол-көлік оқиғасы туралы хабар алысымен өрт сөндірушілер сол жерге шұғыл аттанған. Олар апаттан кейінгі 30 минуттың ішінде өртті сөндірген. Қираған көліктен 4 адамның мәйіті табылған.

Мерт болғандардың аты-жөні әзірге белгісіз. Полиция апаттың нақты неден болғанын анықтап жатыр.

Жаңалықтар

16 қыркүйек 2025