Париж прокуратурасы Павел Дуровқа тағылуы мүмкін 12 эпизодты жариялады. оның ішінде құзырлы органдарға ақпарат беруден бас тарту, алаяқтық пен есірткі сатуға қатысының болуы, балалардың порнографиялық видеоларын сақтауға, киберқылмыстарға, ақша жылыстатуға қатысуы және т. б. бар. 

Прокуратура 8 шілдеде ашылған істі Киберқылмыспен күрес орталығы мен Ұлттық алаяқтықпен күрес басқармасы (ONAF) тергеп жатқанын айтты.

Сирияда Асад әулетінің 50 жылға созылған билігі құлады. Бұл туралы Ресейдің СІМ сілтеме жасап BBC хабарлады.

24 жыл билеген Башар Асад елден кетті. Сирия 2011 жылдан бері азаматтық соғыс жағдайында өмір сүріп жатқан. «Ислам мемлекеті» террорлық тобы артқа шегінген соң Сирияда Асад билігі күшейгендей еді. 

Қазір Сирия аумағын бірнеше топ бақылап отыр. Алдағы бір-екі ай Сирия халқы үшін шешуші болмақ. Әртүрлі топтар елді бірнеше бөлікке бөліп билікке таласуы мүмкін. Күрдтер де бөлінуге тырысары анық. 

Әлемге коронавирустың жаңа түрі – ХЕС тарап жатыр. Бұл бұрынғыға қарағанда қауіптірек, деп хабарлайды BBС..

«Ковидтің бұл түрі алғаш рет маусым айында Германияда пайда болған. Кейін Ұлыбритания, АҚШ, Дания елдерінен табылды», - деп жазды Scripps Research институтының директоры, америкалық ғалым Эрик Топол твиттер парақшасында.

Оның айтуынша, ХЕС жаңа ғана басталып жатыр, бірнеше апта мен бір-екі ай өткен соң, күшіне мініп, сырқаттың жаңа толқыны туады.

Мутацияланған ХЕС өткен ковид вирусына қарағанда тезірек тарайды. Ғалымдар қазіргі қолданыста бар вакциналар бұл вирустан келетін ең ауыр зардаптардың алдын алады деп отыр.

Ұлыбритания ғалымы Франсуа Балудың сөзінше, алдағы қыста ХЕС коронавирустың негізгі түріне айналуы бек мүмкін.