زاڭسىز الىنعان اكتيۆتەردى مەملەكەتكە قايتارۋ جۇمىسىنان 176،9 ملرد تەڭگە اقشا تۇسكەن. بۇدان بولەك، مۇلىك تۇرىندە قايتارىلعان اكتيۆتەر بار، دەپ حابارلايدى Azattyq Rýhy.
قارجى ءمينيسترى ءمادي تاكييەۆ زاڭسىز اكتيۆتەر ءۇشىن مينيسترلىكتە ارنايى شوت اشىلعانىن ەسكە سالدى.
«ءقازىر وسى شوتقا 176،9 ملرد تەڭگە جينالدى. ول اقشا، ەڭ الدىمەن ينفراقۇرىلىمدىق جوبالارعا جۇمسالادى. ءبىز ءقازىر ونىڭ ءتىزىمىن شىعارىپ جاتىرمىز. مىسالى، وڭىرلەردە اۋىز سۋ، ەنەرگيا تاپشىلىعى پروبلەمالارى بار. ءبىز جوبا جاساپ، قارجى باعىتتايمىز. وسىنىڭ ءبارىن ۇكىمەتتە اقىلداسقاننان كەيىن، اقشا قايدا جانە نە ءۇشىن جىبەرىلگەنىن اشىق كورسەتەمىز»، - دەدى ول ۇكىمەتتە وتكەن بريفينگتە.
سونداي-اق، ونىڭ ايتۋىنشا، 177 ملرد تەڭگەدەن بولەك، مەملەكەتكە مۇلىك تۇرىندە قايتارىلعان اكتيۆتەر بار.
«مۇلىك بۇل قورعا تۇسپەيدى. وعان بولەك كومپانيامىز بار. ولار ونى پايدالانادى نەمەسە ساتادى»، - دەدى مينيستر.
