ءۇندىستاندا ءدىني ءراسىم كەزىندە 46 ادام سۋعا باتىپ كەتتى، ونىڭ ىشىندە 37 بالا، 7 ايەل بولعان، دەپ حابارلايدى Reuters.
ءۇندىستاننىڭ سولتۇستىگىندە ميلليونداعان ايەل – دجيۆيتپۋتريكا ۆرات اتتى مەرەكەنى اتاپ وتەدى. ءدىني ءراسىم كەزىندە ولار ورازا ۇستاپ، بالالارىنىڭ اماندىعىن تىلەپ، وزەنگە شومىلادى. كەيدە شامىلۋعا بالالارىن دا الىپ بارادى.
بيىل ءۇندىستاندا جاۋىن-شاشىن شامادان كوپ جاۋىپ، وزەندەر مەن توعاندار سۋعا تولعان.
فرانسيا پروكۋراتۋراسى Telegram نەگىزىن قالاۋشى پاۆەل دۋروۆتىڭ وتكەن سەنبىدە پاريجدە ۇستالۋىنا بايلانىستى باسپا ءسوز مالىمدەمەسىن تاراتتى. بۇل تۋرالى ۆۆس جازدى.
پاريج پروكۋراتۋراسى پاۆەل دۋروۆقا تاعىلۋى مۇمكىن 12 ەپيزودتى جاريالادى. ونىڭ ىشىندە قۇزىرلى ورگاندارعا اقپارات بەرۋدەن باس تارتۋ، الاياقتىق پەن ەسىرتكى ساتۋعا قاتىسىنىڭ بولۋى، بالالاردىڭ پورنوگرافيالىق ۆيدەولارىن ساقتاۋعا، كيبەرقىلمىستارعا، اقشا جىلىستاتۋعا قاتىسۋى جانە ت. ب. بار.
پروكۋراتۋرا 8 شىلدەدە اشىلعان ءىستى كيبەرقىلمىسپەن كۇرەس ورتالىعى مەن ۇلتتىق الاياقتىقپەن كۇرەس باسقارماسى (ONAF) تەرگەپ جاتقانىن ايتتى.
16 قىركۇيەكتەن بەرى ءيزرايلدىڭ ليۆانعا جاساعان شابۋىلىنان 1030 ادام قازا تاۋىپ، 6352 ادام جاراقات الدى، دەپ جازادى انادولى اگەنتتىگى.
اگەنتتىك تاراتقان مالىمەتكە قاراعاندا، 16-27 قىركۇيەك ارالىعىندا يزرايل شابۋىلدارى 1030 ادامنىڭ ءومىرىن قيعان. سوڭعى ەكى اپتادا قازا تاپقاندار اراسىندا 156 ايەل مەن 87 بالا بولعانىن، سونداي-اق وسى ۋاقىت ىشىندە 6 352 ادامنىڭ جارالانعان.
الەمگە كوروناۆيرۋستىڭ جاڭا ءتۇرى – حەس تاراپ جاتىر. بۇل بۇرىنعىعا قاراعاندا قاۋىپتىرەك، دەپ حابارلايدى BBس..
«كوۆيدتىڭ بۇل ءتۇرى العاش رەت ماۋسىم ايىندا گەرمانيادا پايدا بولعان. كەيىن ۇلىبريتانيا، اقش، دانيا ەلدەرىنەن تابىلدى»، - دەپ جازدى Scripps Research ينستيتۋتىنىڭ ديرەكتورى، امەريكالىق عالىم ەريك توپول تۆيتتەر پاراقشاسىندا.
ونىڭ ايتۋىنشا، حەس جاڭا عانا باستالىپ جاتىر، بىرنەشە اپتا مەن بىر-ەكى اي وتكەن سوڭ، كۇشىنە ءمىنىپ، سىرقاتتىڭ جاڭا تولقىنى تۋادى.
مۋتاسيالانعان حەس وتكەن كوۆيد ۆيرۋسىنا قاراعاندا تەزىرەك تارايدى. عالىمدار قازىرگى قولدانىستا بار ۆاكسينالار بۇل ۆيرۋستان كەلەتىن ەڭ اۋىر زارداپتاردىڭ الدىن الادى دەپ وتىر.
ۇلىبريتانيا عالىمى فرانسۋا بالۋدىڭ سوزىنشە، الداعى قىستا حەس كوروناۆيرۋستىڭ نەگىزگى تۇرىنە اينالۋى بەك مۇمكىن.
قايىرىمدىلىققا بولىنگەن اقشانى جىمقىردى دەگەن قوعام بەلسەندىسىنىڭ 1 سومكەسى 25 ملن تەڭگە تۇرادى - اگەنتتىك
