قازاقستان مەن وڭتۇستىك كورەيا ەلدەرى اراسىنداعى اۋە رەيستەرىنىڭ سانى ارتىپ، جاڭا اۋە باعىتتارى اشىلادى. بۇل تۋرالى كولىك مينيسترلىگى حابارلايدى.

ق ر كولىك ۆيسە-مينيسترى تالعات لاستايەۆتىڭ كورەيا رەسپۋبليكاسى جەر، ينفراقۇرىلىمى جانە كولىك ءمينيسترىنىڭ ورىنباسارى يۋن سانگ ليمەن كەزدەستى. 

كەزدەسۋ بارىسىندا تاراپتار استانا مەن سەۋل اراسىنداعى رەيستەردى قايتا باستاۋ، الماتى – سەۋل باعىتى بويىنشا ورىندالاتىن رەيستەردى ۇلعايتۋ، سونداي-اق شىمكەنتتەن سەۋلگە جانە پۋسان مەن قازاقستان قالالارى اراسىنداعى رەيستەردى اشۋ ماسەلەسىن تالقىلاپ ۋاعدالاستى. 

سونىمەن قاتار تالعات لاستايەۆ T' Way تومەن بيۋدجەتتىك اۋە كومپانياسىنىڭ جانە Sirius Airlines جۇك اۋە كومپانياسىنىڭ باسشىلىعىمەن كەزدەسۋ وتكىزدى. كەزدەسۋ بارىسىندا كورەيالىق تاسىمالداۋشىلار قازاقستانعا ۇشۋعا نيەتتى ەكەنىن ءبىلدىردى.

استانانىڭ مەملەكەتتىك كىرىستەر دەپارتامەنتىنىڭ كامەرالدىق مونيتورينگ باسقارما باسشىسىنىڭ مىندەتىن اتقارۋشى ءانۋار بەكجۇمانوۆ ءموبيلدى اۋدارىمدار قانداي جاعدايدا تەكسەرۋگە الىناتىنىن ءتۇسىندىردى، دەپ حابارلايدى Kazinform.

«قازىرگى ۋاقىتتا 2022 جىلدىڭ قورىتىندىسى بويىنشا مەملەكەتتىك كىرىستەر كوميتەتىنە ءۇش اي قاتارىنان جەكە بانكتىك شوتتارىنا ءار ءتۇرلى 100 تۇلعادان تۇسكەن اۋدارىمدار تۋرالى اقپارات كەلىپ ءتۇستى. بۇدان بىلاي بانكتەر تەك بەلگىلەنگەن كريتەرييلەرگە سايكەس كەلەتىن تۇلعالاردىڭ دەرەكتەرىن ءار جىل بويىنشا بەرىپ وتىرادى. ال ءموبيلدى اۋدارىمداردى تەكسەرۋ زاڭسىز كاسىپكەرلىك قىزمەتتى كولەڭكەدەن شىعارۋعا باعىتتالىپ وتىر. تەك ءارتۇرلى تۇلعالاردان ءۇش اي قاتارىنان اي سايىن 100 نەمەسە ودان دا كوپ ءموبيلدى اۋدارىمدار العان تۇلعالاردى عانا، ياعني، كاسىپكەرلىك قىزمەتتىڭ بەلگىلەرى بايقالعان جاعدايدا تەكسەرۋ جۇرگىزىلەدى»، - دەپ ءتۇسىندىردى ءانۋار بەكجۇمانوۆ استانا كوممۋنيكاسيالار قىزمەتىندە وتكەن بريفينگىدە. 

ونىڭ ايتۋىنشا، جەكە تۇلعالار وزدەرىنىڭ تۋىستارىنا، دوستارىنا اۋدارىمدار، اتا-انالار مەن بالالارعا كومەك جانە باسقا دا ومىرلىك جاعدايلار ءۇشىن ءموبيلدى اۋدارىمداردى جاساپ، قابىلداي الادى. الايدا، مۇنداي اۋدارىمدار ءبىر رەتتىك بولعاندىقتان، ونى دەكلاراسيالاۋدىڭ قاجەتى جوق.

«وسى رەتتە كاسىپكەرلەرگە تولەمدەردى ارنايى بيزنەس شوتتارىنا قابىلداۋ ۇسىنىلادى. كاسىپكەرلەر تولەم كارتوچكالارىمەن تولەم قابىلداۋدان باس تارتقان جاعدايدا العاشىندا اكىمشىلىك جاۋاپكەرشىلىككە تارتىلىپ، ەسكەرتۋ جاسالادى. ال قايتالاپ بۇزعان جاعدايدا – 147 680 تەڭگە (40 اەك) ايىپپۇل سالىنادى (اقبتك 194-بابى).

انىقتالعان بۇزۋشىلىقتار تۋرالى اقپاراتپەن حابارلامالار جىبەرىلەدى. سالىق تولەۋشى بۇزۋشىلىقتارمەن كەلىسەتىن بولسا، ول جەكە كاسىپكەردى تىركەۋگە نەمەسە تابىستىڭ دەكلاراسيالانباعان سوماسىن كورسەتەتىن قوسىمشا دەكلاراسيا ۇسىنۋعا ءتيىس. ال ەگەر سالىق تولەۋشى بۇزۋشىلىقتارمەن كەلىسپەگەن جاعدايدا، ول بۇزۋشىلىقتاردىڭ جوقتىعى تۋرالى تۇسىنىكتەمە جانە ونى راستايتىن قۇجاتتاردى بەرۋگە قۇقىلى»، - دەيدى سپيكەر.

جەكە كاسىپكەردى تىركەۋسىز قىزمەت جاساعانى ءۇشىن 15-تەن 100 اەك-كە دەيىن ايىپپۇل تۇرىندە اكىمشىلىك جاۋاپكەرشىلىك قاراستىرىلعان. كىرىستەردى جاسىرعانى ءۇشىن – تولەنبەگەن سالىق سوماسىنىڭ 200% مولشەرىندە، ال قايتالانعان جاعدايدا – 300% ايىپپۇل سالىنادى. چەك بەرمەگەنى ءۇشىن – 15-تەن 50 اەك-كە دەيىن ايىپپۇل قاراستىرىلعان. ءانۋار بەكجۇمانوۆ بۇل باقىلاۋ شارالارى ادال سالىق تولەۋشىلەرگە اسەر ەتپەيتىنىن جەتكىزدى.

ەسكە سالا كەتەيىك، سالىق كودەكسىنە سايكەس، قازاقستاندا جالپىعا بىردەي دەكلاراسيالاۋ 2021 جىلعى 1 قاڭتاردان باستاپ ەنگىزىلدى جانە ءتورت كەزەڭدە وتكىزىلەدى. 

2023 جىلدان باستاپ مەملەكەتتىك مەكەمەلەر مەن كۆازيمەملەكەتتىك سەكتوردىڭ قىزمەتكەرلەرى جانە ولاردىڭ جۇبايلارى دەكلاراسيا تاپسىرا باستادى، وندا 2022 جىلعى 31 جەلتوقسانداعى جاعداي بويىنشا دەرەكتەر كورسەتىلەدى. 

2024 جىلدان باستاپ زاڭدى تۇلعالاردىڭ باسشىلارى مەن قۇرىلتايشىلارى، سونداي-اق جەكە كاسىپكەرلەر مەن ولاردىڭ جۇبايلارى، 2025 جىلدان باستاپ – ازاماتتاردىڭ قالعان ساناتتارى، ياعني، ەلدىڭ بارلىق ەرەسەك تۇرعىندارى دەكلاراسيا تاپسىرادى. 

اكتيۆتەر مەن مىندەتتەمەلەر تۋرالى دەكلاراسيادا 10 مىڭ اەك-تەن اسپايتىن قولما-قول اقشا كورسەتىلەدى. قازاقستان اۋماعىنان تىس مۇلىك، بۇل جەر ۋچاسكەلەرى، ۇيلەر، كەڭسەلەر، شەتەلدىك بانكتەردەگى بانكتىك شوتتارداعى اقشا، قازاقستان اۋماعىنان تىس جەردە قۇرىلعان زاڭدى تۇلعانىڭ جارعىلىق كاپيتالىنداعى قاتىسۋ ۇلەسى، باعالى قاعازداردىڭ بولۋى تۋرالى مالىمەتتەر، دەبيتورلىق، كرەديتورلىق بەرەشەك، مۇندا بانكتەرگە جانە بانكتەرگە بەرەشەكتى قوسپاعاندا، قۇجات نوتاريالدى كۋالاندىرىلعان بولۋى ءتيىس.

قازاقستاندا تىركەلگەن جىلجىمالى جانە جىلجىمايتىن مۇلىك، بانك شوتتارى سياقتى مالىمەتتەر ۋاكىلەتتى ورگانداردا بار بولعاندىقتان دەكلاراسيادا كورسەتىلمەيدى. 

مەملەكەت باسشىسى «استانا» حالىقارالىق قارجى ورتالىعىنىڭ باسقارۋشىسى رەنات بەكتۇروۆتى قابىلدادى، دەپ حابارلايدى اقوردا.

پرەزيدەنتكە احقو-نىڭ بىلتىرعى جانە بيىلعى I توقساندا اتقارعان جۇمىسىنىڭ ناتيجەلەرى باياندالىپ، ورتالىقتى دامىتۋ جوسپارى تانىستىرىلدى. رەنات بەكتۇروۆتىڭ ايتۋىنشا، قارجى ورتالىعى ىسكە قوسىلعان ساتتەن بەرى ەلىمىزگە 11 ميلليارد دوللاردان استام (2023 جىلعى جانە وسى جىلدىڭ العاشقى 3 ايىنداعى 3،5 ميلليارد دوللار قارجىنى قوسا العاندا) ينۆەستيسيا تارتۋعا اتسالىسقان. بۇل 2025 جىلعا الدىن الا بەلگىلەنگەن ماقساتتى كورسەتكىشتەن اسىپ ءتۇستى.

قاسىم-جومارت توقايەۆقا وتكەن جىلى احقو-دا تىركەلگەن كومپانيالاردىڭ سانى 670-تەن (جالپى الەمنىڭ 78 ەلىنەن 2600-دەن اسا كومپانيا) اسقانى جونىندە مالىمەت بەرىلدى. بۇل – رەكوردتىق كورسەتكىش.

بىلتىر جانە وسى جىلدىڭ العاشقى ءۇش ايىندا ورتالىق قاتىسۋشىلارى مەملەكەت بيۋدجەتىنە 48،7 ميلليارد تەڭگە سالىق تولەگەن. داۋلاردى شەشۋدە احقو سوتى مەن حالىقارالىق اربيتراج ورتالىعى سياقتى ينستيتۋتتار تابىستى جۇمىس ىستەپ جاتىر. 2023 جىلى 767 كوممەرسيالىق ءىس قارالعان.

پرەزيدەنت قارجى ورتالىعىن ودان ءارى دامىتۋعا قاتىستى ءبىرقاتار وزەكتى مىندەتتى ايقىنداپ بەردى. اتاپ ايتقاندا، احقو-نىڭ ءوڭىر ءۇشىن جاسىل قور تارتۋ جانە ورتا ءدالىزدى دامىتۋ ىسىندەگى رولىنە توقتالدى. ەلىمىزدەگى «جاسىل» وبليگاسيالار مەن كرەديتتەردىڭ 60 پايىزدان استامى احقو جاسىل قارجى ورتالىعىنىڭ قولداۋىمەن بەرىلدى. قارجى ورتالىعىنىڭ يۋريسديكسياسىندا ورتا ءدالىز جوباسى اياسىندا بىرلەسكەن كاسىپورىندار جۇمىس ىستەپ جاتىر.

سونىمەن قاتار قاسىم-جومارت توقايەۆ قازىرگى جاعدايدا مامىلەلەر جاساۋ ءۇشىن احقو ينفراقۇرىلىمىن بەلسەندى پايدالانا وتىرىپ، قازاقستان ەكونوميكاسىنا ينۆەستيسيا تارتۋعا كومەكتەسەتىن بارلىق مەملەكەتتىك ورگان مەن وعان جەتەكشىلىك ەتەتىن قارجى ينستيتۋتتارىنىڭ كۇش-جىگەرىن بىرىكتىرۋ قاجەت ەكەنىنە نازار اۋداردى.