"كەيىن ول ادامعا قاسكويلەر قوڭىراۋ شالىپ، ءوزىن اقشا اۋدارعان ادام رەتىندە تانىستىرادى دا، "قاتەلەسىپ اۋدارىپپىن" دەگەن سىلتاۋمەن تۇسكەن اقشانى كەرى قايتارۋدى سۇرايدى. ءبىراق، كوبىنە مۇنداي حابارلامالار جالعان بولىپ شىعادى"، - دەلىنگەن حابارلامادا.

وسىنداي حابارلاما نەمەسە قوڭىراۋ كەلگەن كەزدە اقشانىڭ قايدان تۇسكەنىن بانكتىڭ رەسمي ءموبيلدى قوسىمشاسى نەمەسە ينتەرنەت-بانكينگ ارقىلى تەكسەرىپ العان ابزال. بەلگىسىز نومىردەن كەلگەن SMS-حابارلاماعا ساق بولىپ، كۇدىكتى سىلتەمەگە وتپەۋ كەرەك.

الاياقتىق سحەمانىڭ تاعى ءبىر ءتۇرى بار. ول جاعدايدا قاسكويلەر بەلگىلى ءبىر ازاماتتىڭ شوتىنا شىن اقشا اۋدارادى.

كەيىن ولار اقشا اۋدارعان ادام بولىپ قوڭىراۋ شالىپ، "قاتەلەسىپ اۋدارعانىن" ايتادى دا، تۇسكەن اقشانى باسقا شوتقا اۋدارۋدى سۇرايدى. اڭگىمە كەزىندە پسيحولوگيالىق قىسىم (مىسالى، اقشا بالانىڭ ەمىنە كەرەك ەكەنىن ايتىپ) كورسەتۋى نەمەسە قۇقىق قورعاۋ ورگاندارىنا، بولماسا، سوتقا شاعىمداناتىنىن ايتىپ، قورقىتۋى مۇمكىن.

"ۇلتتىق بانك وسىنداي وقيعاعا تاپ بولعان جاعدايدا نەمەسە بەلگىسىز بىرەۋلەردەن اقشا تۇسكەندە ءۇشىنشى تاراپتىڭ شوتىنا اقشا اۋدارۋدان ساق بولۋعا شاقىرادى. وزگە ادامنان تۇسكەن اقشانى قايتارۋ ءۇشىن دەرەۋ بانككە حابارلاسقان دۇرىس. قاجەت بولسا، ءتيىستى ءوتىنىشتى تاپسىرۋ ءۇشىن بانكتىڭ ەڭ جاقىن بولىمشەسىنە بارۋ كەرەك"، - دەيدى ماماندار.

ەسكە سالا كەتەيىك، ۇلتتىق بانك قىزمەتكەرلەرى اۋديو جانە ۆيدەوقوڭىراۋ شالمايدى، جەكەتۇلعالاردىڭ شوتىنا قىزمەت كورسەتپەيدى، ءتۇرلى ينۆەستيسيالىق قورلار مەن قارجى ونىمدەرىنەقارجى سالىمدارىن ۇسىنبايدى، اقشا قۇرالدارىن ساقتاندىرۋمەن اينالىسپايدى، حالىقپەن دە اقشالاي ەسەپ ايىرىسپايدى.

"ەگەر الاياقتىق ارەكەتكە تاپ بولساڭىز، قازاقستان رەسپۋبليكاسىنىڭ قۇقىق قورعاۋ ورگاندارىنا ارىز تۇسىرۋگە كەڭەس بەرەمىز. كەڭەس الۋ ءۇشىن 1477 قىسقا نومىرىنە قوڭىراۋ شالىپ، ۇلتتىق بانكتىڭ بايلانىس ورتالىعىنا حابارلاسۋعا بولادى".