پرەمەر-مينيستر اسقار مامين اقش مەملەكەتتىك حاتشىسىنىڭ ورىنباسارى د. حەيلمەن ساۋدا-ەكونوميكالىق ىنتىماقتاستىقتى دامىتۋ ماسەلەلەرىن تالقىلادى.
پرەمەر-مينيستردىڭ رەسمي سايتى تاراتقان اقپاراتقا ساي، اسقار مامين نۇر-سۇلتان قالاسىنا ورتالىق ازيا مەن اقش اراسىنداعى ديالوگتى دامىتۋ جونىندەگى «س5+1» وتىرىسىنا قاتىسۋعا رەسمي ساپارمەن كەلگەن اقش مەملەكەتتىك حاتشىسىنىڭ ساياسي ماسەلەلەر جونىندەگى ورىنباسارى ديەۆيد حەيلمەن كەلىسسوزدەر وتكىزدى.
تاراپتار 2018 جىلى اقش-قا رەسمي ساپار اياسىندا ق ر تۇڭعىش پرەزيدەنتى – ەلباسى نۇرسۇلتان نازاربايەۆ پەن اقش پرەزيدەنتى دونالد ترامپ اراسىندا قول جەتكىزىلگەن ۋاعدالاستىقتاردى ىسكە اسىرۋدىڭ ماڭىزدىلىعىن اتاپ ءوتتى.
كەلىسسوزدەر بارىسىندا ەكىجاقتى ساۋدا-ەكونوميكالىق جانە ينۆەستيسيالىق ىنتىماقتاستىقتى دامىتۋدىڭ وزەكتى ماسەلەلەرى تالقىلاندى. اقش — قازاقستان ەكونوميكاسىنىڭ ءىرى ينۆەستورلارىنىڭ ءبىرى. 2005 جىلدان 2018 جىل ارالىعىندا اقش-تان قازاقستانعا تىكەلەي ينۆەستيسيالاردىڭ جالپى اعىنى $40 ملرد قۇرادى. وتكەن جىلدىڭ قورىتىندىسى بويىنشا قر-عا امەريكالىق ينۆەستيسيالار جاڭا رەكورد ورناتىپ، $5،3 ملرد قۇرادى. بيىلعى قاڭتار–ماۋسىم ارالىعىندا ەكى ەل اراسىنداعى تاۋار اينالىمى $1،1 ملرد قۇرادى، بۇل وتكەن جىلدىڭ سايكەس كەزەڭىندەگى كورسەتكىشتەن 31،8% جوعارى.
ديەۆيد حەيل قازاقستاننىڭ اقش ينۆەستورلارى ءۇشىن تارتىمدىلىعىن اتاپ ءوتتى. «بىزدە ەكونوميكالىق قاتىناستاردى دامىتۋدىڭ ۇلكەن الەۋەتى بار»، — دەپ اسقار مامين، ەلدەردىڭ ەنەرگەتيكا، اۋىل شارۋاشىلىعى، دەنساۋلىق ساقتاۋ، اقپاراتتىق تەحنولوگيالار، لوگيستيكا، تۋريزم، اۆياعارىش ونەركاسىبى سالالارىندا ءوزارا ءتيىمدى ىنتىماقتاستىقتى تەرەڭدەتە ءتۇسۋدىڭ پەرسپەكتيۆالارىن اتاپ ءوتتى. — ءسىزدىڭ ەلىمىزگە رەسمي ساپارىڭىز ەلدەردىڭ ءوزارا ءىس-قيمىلىن نىعايتۋعا ەلەۋلى سەرپىن بەرەرىنە سەنىمدىمىن».
سۋرەت https://primeminister.kz سايتىنان الىندى.
