ق ر پرەمەر-مينيسترى اسقار مامين تۇركيانىڭ ىسكەرلىك ورتا وكىلدەرىمەن كەزدەستى دەپ حابارلايدى https://primeminister.kz سايتى. ۇكىمەت باسشىسى قاۋىمداستىقتىڭ باسقارما كەڭەسىنىڭ ءتوراعاسى، «Eksen» كومپانياسىنىڭ يەسى ف. ديەۆەليوگلۋنىڭ جەتەكشىلىگىمەن تۇركيالىق جانە قازاقستاندىق بيزنەسمەندەر قاۋىمداستىعىنىڭ وكىلدەرىمەن كەزدەستى. جۇزدەسۋدە تۇركيانىڭ قازاقستانداعى توتەنشە جانە وكىلەتتى ەلشىسى نيەۆزات ۋيانىك تا بولدى.
ۇكىمەت سايتى تاراتقان اقپاراتقا قاراعاندا، ەكى ەل اراسىنداعى بيزنەس قۇرىلىمداردىڭ ءوزارا ءتيىمدى ىنتىماقتاستىعىن نىعايتۋ جانە قازاقستاندا جاڭا بىرلەسكەن ينۆەستيسيالىق جوبالاردى ىسكە اسىرۋ ماسەلەلەرى تالقىلانعان. «تۇركيا قازاقستاننىڭ نەگىزگى ساۋدا سەرىكتەستەرى سانالاتىن 10-توپ ەل قاتارىنا كىرەدى. ءبىزدىڭ ەلدەردىڭ اراسىنداعى تاۋار اينالىمى 2018 جىلدىڭ قورىتىندىسى بويىنشا $1،9 ملرد-تان استى. بيىلعى 7 اي ىشىندە ءوزارا ساۋدا كولەمى 2018 جىلدىڭ وسىنداي كەزەڭىمەن سالىستىرعاندا 73،5%-عا ءوستى. ءبىز تۇركيالىق كومپانيالاردىڭ قازاقستاندا ەكونوميكالىق جوبالاردى ىسكە اسىرۋعا قاتىسۋىن جوعارى باعالايمىز. ءبىزدىڭ ورتاق مىندەتىمىز – ينۆەستيسيالىق ىنتىماقتاستىق دەڭگەيىن كوتەرۋ»، — دەدى ا. مامين.
ۇكىمەت باسشىسى تۇركيالىق بيزنەستى اوك، جەڭىل ونەركاسىپ، قۇرىلىس ماتەريالدارى سالالارىندا ەكسپورتقا باعدارلانعان كاسىپورىنداردى قۇرۋعا شاقىردى. بيىل 11 قاراشادا انكارادا وتكىزۋ جوسپارلانىپ وتىرعان قازاقستان – تۇركيا ۇكىمەتارالىق كوميسسيا وتىرىسىنىڭ اياسىندا بيزنەس-فورۋم وتكىزىلەدى. قازاقستاندا ءتۇرلى سالالاردا تۇركيالىق كاپيتالدىڭ قاتىسۋىمەن 2200 كاسىپورىن جۇمىس ىستەيدى. تۇركيامەن بىرلەسىپ فارماسيەۆتيكالىق پرەپاراتتار، ەلەكتروندى-وپتيكالىق پريبورلار، الكوگولسىز سۋسىندار مەن كونديتەرلىك ونىمدەردى ءوندىرۋ سالالارىندا $1،6 ملرد سوماسىنا 34 ءىرى ينۆەستيسيالىق جوبا جۇزەگە اسىرىلدى. ءقازىر قۇرىلىس جانە پايدالى قازبالاردى وڭدەۋ ءتارىزدى سالالاردا 2،2 ملرد سوماسىنا 16 جوبا ىسكە اسىرىلىپ جاتىر.
«تۇركيالىق جانە قازاقستاندىق بيزنەسمەندەر قاۋىمداستىعى» 2016 جىلى ق ر تاۋەلسىزدىگىنىڭ جانە قازاقستان مەن تۇركيا اراسىنداعى ديپلوماتيالىق قاتىناستاردىڭ 25 جىلدىعىنا وراي قۇرىلعان. وعان«Ahsel Holding»، «Alarko»، GQ Management «Aykar Group»، «Eksen Group»، «Eurasian Machinery»، «Efes Kazakhstan»، «Coca-Cola»، «Kassanov Investment Group»، «Makyol»، «Sembol-Rixos Group»، «Wyndham Hotel Group»، «A-SYS Engineering»، «Ramstore»، «Stone Decor» جانە قۇرىلىس، قوناق ءۇي، يندۋستريالىق سەكتورلار، جەڭىل ونەركاسىپ سالالارىنداعى باسقا دا كومپانيالار كىرەدى.
سۋرەتتەر https://primeminister.kz سايتىنان الىندى.
