جاڭا ۇكىمەت 33 پايىزعا عانا جاڭارعان، ال ورتاشا جاسى - 51 جاس. ءبىر قىزىعى ولاردىڭ ىشىندە 50 مەن 60 جاس اراسىنداعىلار 8 ادام، 40 پەن 50 جاستىڭ اراسىنداعىلار دا 8 ادام. ءمامين كابينەتىنىڭ جاسىن ەرىنبەي ەسەپتەپ شىققان بەلگىلى جۋرناليست، گارۆارد ۋنيۆەرسيتەتى كەننەدي باسقارۋ مەكتەبىنىڭ تۇلەگى شىڭعىس مۇقان ءوزىنىڭ فەيسبۋك الەۋمەتتىك جەلى پاراقشاسىندا جازدى.
«تاعى ءبىر اتاپ وتەتىن سايكەستىك، 44 جاستاعى ءۇش قۇرداس بار (قاسىمبەك، ءبىرتانوۆ، دالەنوۆ)، 54 جاستاعى تاعى دا ەكى قۇرداس (مامين، ءابدىxالىقوۆا) جانە 56 جاستاعى ەكى قۇرداس (ەرمەكبايەۆ پەن مۇxامەدي ۇلى) بار.
قۇرداستار ۇكىمەتى دەرسىز. ەڭ جاسى - ابايەۆ، ەڭ ەرەسەگى - ساپاربايەۆ. 18 ادامنىڭ ىشىندە التى ادام عانا جاڭا جاساققا قوسىلعان - ءابدىxالىقوۆا، ساپاربايەۆ، ءشامشيدينوۆا، وماروۆ، سكليار مەن دالەنوۆ. دەمەك، ۇكىمەت 33 پايىزعا جاڭارعان. سۋبەكتيۆتى پىكىرىمدى قوسا كەتەيىن، ءتورت جاڭا مۇشەنىڭ ەكەۋى - بەردىبەك اعام مەن كۇلىش اپايدى تاعايىنداۋ قاتتى ويلاندىرىپ تاستادى. ءبىر جاعىنان ەكى كىسى دە تاجىريبەلى ماماندار جانە ۇكىمەتتەگى ەڭ ۇلكەن ادامدار. تۇسىنىكتى عوي، سىننان وتكەن مينيسترلەر كەرەك بولدى. ەكى مينيسترلىككە قاتىستى سىن دا كوبەيىپ تۇرعان. دەگەنمەن، بۇ ەكى كىسى مينيسترلىككە قۋانا كەلدى دەپ تە ايتا المايمىن. كورسەم-بىلسەم دەيتىن امبيسياسى بولاتىن جاستا دا ەمەس. ۇسىنىستى "تاعى دا" دەمەسە دە، "الاقاي" دەپ قارسى الماعان دا بولار. بۇل تاعايىنداۋعا بايلانىستى ەكى وي كەلىپ وتىر. بىرىنشىدەن، تاۋەلسىزدىك جىلدارىندا xالىقپەن جۇمىس جاسايتىن (الەۋمەتتىك ماسەلە) كادرلار ءوسىپ جەتىلمەگەن سياقتى. ەگەر الەۋمەتتىك سالا كادرلىق داعدارىستى باستان كەشىپ جاتسا، ساياساتتى الەۋەمتتىك سالاعا قالاي بۇرامىز؟ ەكىنشىدەن، ۇكىمەتتىڭ تىلىنە كەلسەك، تاعى ءبىر پارادوكسكە تاپ بولاسىز. الەۋمەتتىك ماسەلە دەيمىز، الەۋمەتتىك پروبلەماسى بار توپ تاعى دا قازاقتىلدىلەر. بۇل ۇكىمەتتەگىلەردىڭ قانشاسى قازاق مەكتەبىن ءبىتىردى، قازاقشا ءتۇس كورەدى؟ الەۋمەتپەن قالاي ءتىل تابىسپاق؟ سۇراق كوبەيىپ تۇر»-دەپ جازعان ول ۇكىمەت مۇشەلەرىنىڭ جاسىن تومەندەگىدەي ەتىپ ءتىزىپ جازدى.
ساپاربايەۆ 1953 - 66 جاس
ءشامشيدينوۆا 1958 - 61 جاس
تۇرعىمبايەۆ 1962 - 57 جاس
ەرمەكبايەۆ 1963 - 56 داس
مۇxامەدي ۇلى 1963 - 56 جاس
اتامكۋلوۆ 1964 - 55 جاس
مامين 1965 - 54 جاس
ءابدىxالىقوۆا - 1965 - 54 جاس
وماروۆ 1968 - 51 جاس
بوزىمبايەۆ 1969 - 50 جاس
سكليار 1971 - 48 جاس
جۇماعالييەۆ 1972 - 47 جاس
سمايلوۆ 1972 - 47 جاس
كاسىمبەك 1975 - 44 جاس
ءبىرتانوۆ 1975 - 44 جاس
دالەنوۆ 1975 - 44 جاس
بەكەتايەۆ 1977 - 42
ابايەۆ 1979 - 40
