تۇركيانىڭ ىشكى ىستەر مينيسترلىگى مالىمەتىنشە 7-18 شىلدە ارالىعىندا بۇكىل ەل بويىنشا 53 جول-كولىك وقيعاسى سالدارىنان جالپى سانى 67 ادام كوز جۇمىپ، 24 جولاۋشى ءتۇرلى دارەجەدەگى جاراقات العانىن اتاپ ءوتتى.
جەرگىلىكتى باق-تاردىڭ حابارلاۋىنشا، بيىل ءولىم جاعدايلارىنا اكەلىپ سوققان جول اپاتتارىنىڭ سانى وتكەن جىلدىڭ سايكەس كەزەڭىمەن سالىستىرعاندا 17% - عا جانە سوڭعى 10 جىلدا 56% -عا قىسقارعان.
جىل سايىن تۇرىك ازاماتتارى ۇلتتىق ءداستۇر بويىنشا «مەملەكەت» دەپ اتالاتىن تۋعان اۋىلدارىنداعى اتا-انالارى مەن جاقىندارىنا بارۋ نەمەسە تانىمال تۋريستىك ورىندارعا ساياحاتقا شىعۋ ءۇشىن ۇزاق دەمالىس كۇندەرىن اسىعا كۇتەدى.
وكىنىشكە قاراي، كولىك قوزعالىسىنىڭ وسىنشاما ارتۋى ازاماتتاردى كەلەڭسىز سالدارعا اكەلىپ سوقتىرادى. تاجىريبە كورسەتكەندەي، جەرگىلىكتى جۇرگىزۋشىلەر جول ەرەجەسىن ءجيى ەلەمەي، قاۋىپسىزدىك بەلدىكتەرىن تاقپاي، جىلدامدىقتى شەكتەن اسىرىپ جىبەرەدى.
