بيىلدان باستاپ كەز كەلگەن ازامات پاتەرىن قىسقا مەرزىمگە جالعا بەرۋ ءۇشىن رۇقسات الۋعا ءتيىس.
جاڭا زاڭعا سايكەس، تۇرعىن ءۇيدى 100 كۇنگە دەيىن جالعا بەرۋ ءۇشىن جەرگىلىكتى تۇرعىندار مادەنيەت جانە تۋريزم مينيسترلىگىنەن ليسەنزيا الۋ كەرەك، دەپ حابارلايدى 31 ارنانىڭ ينفورمبيۋرو اقپاراتتىق باعدارلاماسى.
بيىلدان باستاپ كەز كەلگەن ازامات پاتەرىن قىسقا مەرزىمگە جالعا بەرۋ ءۇشىن ارنايى تىركەۋدەن ءوتىپ، رۇقسات الۋعا ءتيىس. وعان قوسا، كوپقاباتتى ءۇي بولسا، كورشىلەردىڭ كەلىسىمىن الۋ قاجەت. جاڭا ەرەجەگە باعىنباعان باسپانا يەسىنە 100 مىڭ تۇرىك ليراسى، ياعني ءبىر جارىم ميلليون تەڭگەدەن استام ايىپپۇل سالىنادى.
سونداي-اق تالاپ بويىنشا جالدامالى ۇيدە 12 ادامنان ارتىق تۇرماۋ قاجەت. 3 جاسقا دەيىنگى بالالار ەسەپكە الىنبايدى. بۇل جاڭاشىلدىق الەمنىڭ تۇكپىر-تۇكپىرىنەن تۋريستەر اعىلاتىن ىستامبۇل، انتاليا، يزمير، الانيا سىندى قالالاردا ءۇيىن جالعا بەرىپ، تابىس تاباتىن ازاماتتاردى تىعىرىققا تىرەگەلى تۇر. ايتا كەتەيىك، جاڭا ەرەجە پاتەرىن 100 كۇننەن استام جالعا بەرەتىن ادامدارعا قاتىسى جوق.
