بۇل تۋرالى قازاقستاننىڭ ىستانبۇلداعى باس كونسۋلى ءالىم بايەل مالىمدەدى.
2022 جىلدىڭ 5 قاڭتارىنان باستاپ تەك ىستانبۇلدا مىڭنان استام جولاۋشى قالىپ قويعان. وسىعان بايلانىستى، قازاقستاننىڭ تۇركياداعى ەلشىلىگى مەن ىستامبۇلداعى باس كونسۋلدىعى ازاماتتارعا اقپاراتتىق، قۇقىقتىق جانە ماتەريالدىق كومەك كورسەتۋ بويىنشا جەدەل شتاب قۇرىپ، جان- جاقتى قولداۋدى كورسەتتى.
باس كونسۋلدىق الەۋمەتتىك پاراقشالاردا ازاماتتاردى ولاردىڭ قازاقستانعا ورالۋى تۋرالى ۋاقتىلى حاباردار ەتۋ ءۇشىن ارنايى حابارلاما چاتتارىن ىسكە قوستى. ىستانبۇلدىڭ ەكى اۋەجايىندا دا ازاماتتارعا قاجەتتى كومەك كورسەتۋ ماقساتىندا كونسۋلدىق قىزمەتكەرلەرىنىڭ كەزەكشىلىگى ۇيىمداستىرىلدى.
قازاقستانعا وزبەكستان، قىرعىزستان جانە رەسەي ارقىلى جەتۋگە شەشىم قابىلداعان ازاماتتارعا بيلەت ساتىپ الۋ، سونداي-اق، ولاردىڭ قوزعالىسىن قر-نىڭ ءتيىستى ەلدەردەگى شەتەلدىك مەكەمەلەرىمەن ۇيلەستىرۋ بويىنشا كومەك كورسەتىلدى.