9 مامىردا الماتىعا تۇركيا رەسپۋبليكاسىنىڭ ۇكىمەتى اتىنان گۋمانيتارلىق جۇك جەتكىزىلدى.
ق ر ءسىم باسپا ءسوز قىزمەتىنىڭ حابارلاۋىنشا، جۇكتىڭ ىشىندە مەديسينالىق ماسكا (150 مىڭ دانا)، بەتكە ارنالعان قورعانىس ەكرانى (50 دانا)، كوزدى قورعايتىن كوزاينەك (100 دانا)، كومبينيزون (300 دانا) جانە دەزينفەكسيالىق قۇرالدار بار.
سونىمەن قاتار، 11 مامىردا تۇركيانىڭ جەتەكشى فارماسيەۆتيكالىق ءوندىرۋشىسى «Abdi Ibrahim» كومپانياسى دا COVID-19 كوروناۆيرۋسىمەن كۇرەسۋدە بەلسەندى قولدانىلاتىن، قۇرامىندا حلوروكين بار «Kutlu» ءدارىسى مەن اسەتيلسيستەين پرەپاراتىن قازاقستانعا گۋمانيتارلىق قولداۋ رەتىندە جىبەرگەن.
گۋمانيتارلىق جۇكتى مەديسينالىق مەكەمەلەر اراسىندا تاراتۋ ءۇشىن ءبىرىڭعاي ديستريبيۋتور «سق-فارماسيا» ج ش س قابىلداپ الدى.
بۇدان بۇرىن قازاقستانعا گۋمانيتارلىق كومەكتى YDA Holding، Anadolu Endustri Holding (Coca-Cola Icecek)، Nobel Ilac سياقتى باسقا دا ءبىرقاتار تۇركيالىق ينۆەستورلار جىبەرگەن ەدى.