ىستامبۇلدا تۇركى ەلدەرىنىڭ ساۋدا-ونەركاسىپ پالاتاسىنىڭ تۇراقتى حاتشىلىعى رەسمي تۇردە اشىلدى. سونىمەن قاتار، تۇركى كەڭەسىنىڭ باس حاتشىسى باعداد امىرەيەۆتىڭ توراعىلىعىمەن جاڭا ۇيىم باس اسسامبلەياسىنىڭ العاشقى وتىرىسى ءوتتى.
تۇركى كەڭەسى مالىمەتتەرىنە قاراعاندا، سالتاناتتى شاراعا تۇركيانىڭ ساۋدا ءمينيسترى رۋحسار پەككان، تۇركى كەڭەسىنىڭ باس حاتشىسى باعداد امىرەيەۆ، تۇركيا رەسپۋبليكاسى ساۋدا پالاتاسى جانە تاۋار بيرجاسى وداعىنىڭ پرەزيدەنتى مۋستافا ريفات حيساردجىكلىوگلۋ، ازەربايجاننىڭ كاسىپكەرلەر ۇيىمى ۇلتتىق كونفەدەراسياسىنىڭ باسشىسى مامەد مۋسايەۆ، قازاقستاننىڭ «اتامەكەن» ۇلتتىق كاسىپكەرلەرى پالاتاسىنىڭ ءتوراعاسى ابىلاي مىرزاحمەتوۆ، قىرعىزستان ساۋدا پالاتاسى پرەزيدەنتى مارات شارشەكەيەۆ، وزبەكستان رەسپۋبۋليكاسىنىڭ ساۋدا پالاتاسى پرەزيدەنتىنىڭ كەڭەسشىسى فوزيل وتادجونوۆ، سونىمەن قاتار تۇركى كەڭەسىنە مۇشە ەلدەر مەن وزبەكستاننىڭ ىسكەر قاۋىمداستىعى وكىلدەرى قاتىسقان.
باس اسسامبلەيا وتىرىسىندا تۇركى ساۋدا-ونەركاسىپ پالاتاسىنىڭ العاشقى پرەزيدەنتى بولىپ تۇركيا رەسپۋبليكاسى ساۋدا پالاتاسى جانە تاۋار بيرجاسى وداعىنىڭ پرەزيدەنى مۋستافا ريفات حيساردجىكلىوگلۋ سايلانسا، باس حاتشىسى بولىپ ادەم كۋلا سايلاندى.
جيىندا تۇركى كەڭەسىن مۇشە ەلدەر پرەزيدەنتتەرىنىڭ VII ءسامميتى وسى جىلدىڭ 15-قازانىندا باكۋدە وتەدى. وندا شاعىن جانە ورتا كاسىپكەرلىك مۇشە ەلدەردىڭ ەكونوميكالىق ىنتىماقتاستىعىن ارتتىرۋدىڭ اسپەكتىسى رەتىندە قاراستىرىلادى.