ۆاليۋتا باعامى
  • USD -

    522.1
  • EUR -

    548
  • RUB -

    5.29
توقايەۆ رەسەي حوككەي فەدەراسياسىنىڭ پرەزيدەنتىن قابىلدادى
02 مامىر 2024
توقايەۆ رەسەي حوككەي فەدەراسياسىنىڭ پرەزيدەنتىن قابىلدادى

مەملەكەت باسشىسى رەسەي حوككەي فەدەراسياسىنىڭ پرەزيدەنتى ۆلاديسلاۆ ترەتياكتى قابىلدادى، دەپ حابارلايدى اقوردا.

كەزدەسۋدە تمد ەلدەرىندە حوككەيدى دامىتۋ ماسەلەلەرى تالقىلاندى.

پرەزيدەنت قاسىم-جومارت توقايەۆ سوڭعى جىلدارى قازاقستاندا حوككەي سپورتىنىڭ اۋقىمى ايتارلىقتاي كەڭەيگەنىن اتاپ ءوتتى. مەملەكەت باسشىسىنىڭ پىكىرىنشە، ەلوردالىق «بارىس» كلۋبى باستاعان وتاندىق كوماندالاردىڭ قحل چەمپيوناتىنا جانە باسقا دا تۋرنيرلەرگە قاتىسۋى، سونداي-اق ۇلتتىق قۇرامانىڭ الەمدىك بىرىنشىلىكتەردە تابىستى ونەر كورسەتۋى اتالعان سپورت ءتۇرىن كەڭىنەن دارىپتەۋگە وڭ ىقپال ەتەدى. اتاپ ايتقاندا، قازاقستاندا حوككەي مەكتەپتەرى مەن جاستار كوماندالارى كوبەيىپ، ءتۇرلى دەڭگەيدەگى جارىستار بەلسەندى ۇيىمداستىرىلا باستادى.

ءوز كەزەگىندە ۆلاديسلاۆ ترەتياك قوناقجايلىق تانىتقانى جانە استانادا ءوتىپ جاتقان «Qazaqstan Hockey Open 2024» حالىقارالىق ءتۋرنيرىنىڭ جوعارى دەڭگەيدە ۇيىمداستىرىلعانى ءۇشىن ريزاشىلىعىن ءبىلدىردى. سونداي-اق ول قازاقستان حوككەيىنىڭ وكىلدەرى ەداۋىر تابىسقا جەتكەنىنە نازار اۋدارىپ، مۇنداي جەتىستىك سپورتتىڭ كوماندالىق تۇرلەرىنە مەملەكەت تاراپىنان لايىقتى دەڭگەيدە ءمان بەرىلۋىنىڭ ناتيجەسى ەكەنىن ايتتى.

RELATED NEWS
پاريج وليمپياداسىنا 80 سپورتشى بارادى
09 شىلدە 2024
پاريج وليمپياداسىنا 80 سپورتشى بارادى

مەملەكەت باسشىسى قاسىم-جومارت توقايەۆ تۋريزم جانە سپورت ءمينيسترى ەرمەك مارجىقپايەۆتى قابىلدادى، دەپ حابارلايدى Ulys اقورداعا سىلتەمە جاساپ.

ەرمەك مارجىقپايەۆ پرەزيدەنتكە قازاقستان قۇراماسىنىڭ ءحححىىى جازعى وليمپيادا ويىندارىنا دايىندىعى تۋرالى ەسەپ بەرگەن.

دەرەككوزگە سۇيەنسەك، قازاقستان ۇلتتىق قۇراماسى سپورتتىڭ 25 تۇرىنەن 92 ليسەنزيا يەلەنگەن. پاريجدە بارلىعى 80 سپورتشى ەل نامىسىن قورعايدى.

«مەملەكەت باسشىسى وليمپيادا ويىندارىنىڭ سپورتشىلارىمىزعا زور جاۋاپكەرشىلىك جۇكتەيتىنىن اتاپ ءوتتى. سونداي-اق قازاقستان قۇراماسى الەم الدىندا مادەنيەتتى، ۇستامدى ءارى وزىق ۇلگىلەرىمەن ەرەكشەلەنۋگە ءتيىس ەكەنىنە نازار اۋداردى»، - دەلىنگەن حابارلامادا.

قازاقستاندىق پاراليمپيادا ويىندارىنىڭ كۇمىس جۇلدەسىن الدى
31 تامىز 2024
قازاقستاندىق پاراليمپيادا ويىندارىنىڭ كۇمىس جۇلدەسىن الدى

قازاقستاندىق پارا سپورتشى ەركىن عابباسوۆ پاراليمپيادا ويىندارىنىڭ كۇمىس جۇلدە الدى، دەپ حابارلايدى Ulys پاراليمپيادالىق كوميتەتكە سىلتەمە جاساپ.

فينالدا R1 كلاسسىندا ۆينتوۆكامەن 10 مەترگە پارا نىسانا كوزدەۋدەن سىنعا تۇسكەن وتانداسىمىز 247.7 ۇپاي جيناپ، كۇمىس جۇلدە جەڭىپ الدى. 

التىن مەدالدى 249.4 ۇپاي جيناعان كورەيا سپورتشىسى پارك دج، ال قولا مەدال 226 ۇپاي جيناعان دانيا ەلىنىڭ سپورتشىسى ەنشىلەدى. 

قازاقستاندىق پاريجدە پاراليمپيادا ويىندارىنىڭ چەمپيونى اتاندى
04 قىركۇيەك 2024
قازاقستاندىق پاريجدە پاراليمپيادا ويىندارىنىڭ چەمپيونى اتاندى

قازاقستاندىق داۆيد دەگتياريەۆ پاريجدەگى پاراليمپيادا ويىندارىنىڭ چەمپيونى اتاندى، دەپ حابارلايدى Olympic.kz. 

ول پاۋەرليفتينگتەن 54 كەلىگە دەيىنگى سالماق دارەجەسىندە توپ  جاردى. ونىڭ ەڭ ۇزدىك ناتيجەسى – 188 كەلى. 

ايتا كەتەلىك، دەگتياريەۆ ءوز مانسابىندا ەكىنشى رەت پاراليمپيادا ويىندارىندا جەڭىسكە جەتىپ وتىر. بۇعان دەيىن ول توكيوداعى پارا ويىنداردا توپ جارعان ەدى. 

قازاقستان قۇراماسىنىڭ ەنشىسىندە ەكى مەدال بار. بۇعان دەيىن مەرگەن ەركىن عابباسوۆ كۇمىس جۇلدە ەنشىلەگەن.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.