بۇگىن مەملەكەت باسشىسى قاسىم-جومارت توقايەۆ قازاقستانعا رەسمي ساپارمەن كەلگەن قىرعىزستان پرەزيدەنتى سادىر جاپاروۆتى اقوردادا كۇتىپ الدى. بۇل تۋرالى Kazinform حابارلادى.
كورشى ەل پرەزيدەنتىنىڭ ساپارىنا وراي سالتاناتتى راسىمدەر زالىندا قۇرمەت قاراۋىلى ساپ تۇزەپ، ونىڭ باستىعى مەملەكەت باسشىسى مەن مارتەبەلى مەيمانعا راپورت بەردى. وسىدان كەيىن پرەزيدەنت وركەسترى ەكى ەلدىڭ ءانۇرانىن ورىندادى.
قاسىم-جومارت توقايەۆ پەن سادىر جاپاروۆ بىر-بىرىنە رەسمي دەلەگاسيا مۇشەلەرىن تانىستىردى.
بۇدان ءارى مارتەبەلى مەيمان مەن قاسىم-جومارت توقايەۆ كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى.
ونىڭ الدىنا كەلگەندە سادىر جاپاروۆ توقتاپ، باسىن ءسال ءيىپ، ءىلتيپاتىن ءبىلدىردى.
سالتاناتتى راسىمنەن كەيىن قازاقستان مەن قىرعىزستان پرەزيدەنتتەرى شاعىن قۇرامداعى كەزدەسۋگە ءوتتى.
ساپار اياسىندا بۇگىن جوعارى دەڭگەيدە ەكىجاقتى كەلىسسوز جۇرگىزىلەدى جانە ءبىرقاتار ماڭىزدى قۇجاتقا قول قويىلادى دەپ جوسپارلانىپ وتىر.
ەسكە سالساق، كەشە قىرعىزستان پرەزيدەنتى سادىر جاپاروۆ قازاقستانعا رەسمي ساپارمەن كەلدى. ونى ق ر پرەزيدەنتى ەلوردا اۋەجايىندا كۇتىپ الدى.
