3-7 قىركۇيەك ارالىعىندا ەلىمىزدە حالىقارالىق «ۇلى دالا جورىعى» مارافون-بايگەسى وتەدى. وعان شەت مەملەكەتتەردەن 10-جۋىق كوماندا قاتىسادى. وتاندىق كوماندالاردىڭ سانى 9. قازىرگى ۋاقىتتا قاتىسۋشىلاردى تىركەۋ اياقتالدى. 

«JORYQ» ات سپورتى فەدەراسياسىنىڭ پرەزيدەنتى باقىتجان تۇرلىبەكوۆتىڭ ايتۋىنشا حالىقارالىق «ۇلى دالا جورىعى» مارافون-بايگەسىنىڭ باستى ماقساتى – ۇمىت بولا باستاعان جىلقى تۇقىمدارىن قايتا جاڭعىرتىپ، ولاردىڭ الەۋەتىن حالىقارالىق دەڭگەيدە ناسيحاتتاۋ.

«ۇلى دالا جورىعى» جوباسىنىڭ نەگىزگى باعىتتارىنىڭ ءبىرى – قولتۋما جىلقىلاردىڭ ەكىنشى تىنىسىن اشۋ. ءۇش جىدان بەرى وتكىزىلىپ كەلە جاتقان جورىقتىڭ ارقاسىندا قولتۋما جىلقىلاردىڭ باعاسى بىرنەشە ەسە وسكەنىنە كۋا بولدىق. بۇعان دەيىن «بايگە اتى»، «كوكپار اتى» دەگەن تۇسىنىك بولسا، ەندى ول قاتارعا «جورىق اتى» قوسىلدى»، - دەپ اتاپ ءوتتى ب.تۇرلىبەكوۆ.

حالىقارالىق «ۇلى دالا جورىعى» مارافون-بايگەسى استانادا وتەتىن 5ء-شى دۇنيەجۇزىلىك كوشپەندىلەر ويىندارىنىڭ باستاۋى بولادى. سونىمەن قاتار وزگە مەملەكەتتەر كوشپەندىلەر وركەنيتىنىڭ قازىرگى ۇلگىسىن وسى جورىقتان كورە الادى.

«بۇل باستاما اياسىندا قازاق جىلقىلارىن شەتەلدىك جىلقى تۇقىمدارىمەن سالىستىرىپ، ولاردىڭ شىدامدىلىعىن، ۇزاق قاشىقتىققا توزىمدىلىگىن، جالپى الەۋەتىن كورسەتەمىز. بۇل دوداعا شەتەلدەن قاراشاي، كاباردين، اراب، تاتار، باشقۇرت، جاڭا قىرعىز جىلقى تۇقىمدارى قاتىسادى»، - دەيدى «JORYQ» ات سپورتى فەدەراسياسىنىڭ پرەزيدەنتى ب.تۇرلىبەكوۆ.

بايراقتى باسەكە سولتۇستىك قازاقستان وبلىسىنداعى بوتاي قونىسىنان باستالىپ، استانا قالاسىندا اياقتالادى. جارىس باستالاتىن بوتاي قونىسى كەزدەيسوق تاڭدالماعان، 44 جىل بۇرىن ارحەولوگ-عالىمدار سەنساسيالىق جاڭالىق اشتى. ولار وسى اۋماقتان 100-گە تارتا ارتەفاكتىلەر تاۋىپ، سولتۇستىك قازاقستان جەرىندە قامبار اتا تۇلىگى ەڭ العاش قولعا ۇيرەتىلگەن دەگەن تۇجىرىم جاسادى.

«بوتاي» مەملەكەتتىك تاريحي-مادەني مۋزەي-قورىعىنىڭ ديرەكتورى قۋانىش شاقشاقوۆتىڭ ايتۋىنشا ءدال وسى جەردە جىلقى شارۋاشىلىعىنىڭ دامىعانىنا دالەل بولاتىن ارحەولوگيالىق جادىگەرلەر كوپتەپ تابىلعان.

سونداي-اق، بوتاي قونىسىنىڭ ماڭىنا قازاق مادەنيەتى مەن ءداستۇرىن دارىپتەيتىن ۇلكەن ەتنو-اۋىلدىڭ قۇرىلىسى جوسپارلانىپ جاتىر.

ەسكە سالا كەتەيىك، رەسپۋبليكالىق «JORYQ» ات سپورتى فەدەراسياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە «كوكپار»، «بايگە»، «ساداق اتۋ»، «تەڭگە ءىلۋ»، «اۋدارىسپاق»، «جامبى اتۋ»، «قۇسبەگىلىك»، «اسىق اتۋ» جانە ت.ب. فەدەراسيالار بار. ق ر ۇلتتىق سپورت قاۋىمداستىعىن يسلامبەك سالجانوۆ باسقارادى.

اتاپ وتەيىك، 8-13 قىركۇيەكتە استانا قالاسىندا 5ء-شى دۇنيەجۇزىلىك كوشپەندىلەر ويىندارى وتەدى. ءىس-شاراعا 89 ەلدەن 2000-نان استام سپورتشى قاتىسادى دەپ جوسپارلانۋدا. 5ء-شى دۇنيەجۇزىلىك كوشپەندىلەر ويىندارىنىڭ باس دەمەۋشىسى - ALAGEUM ELECTRIC، ويىنداردىڭ باس سەرىكتەسى - Halyk Bank. استانادا وتەتىن دۇنيەجۇزىلىك كوشپەندىلەر ويىندارىندا بارلىعى 21 سپورت تۇرىنەن 97 مەدال جيىنتىعى ساراپقا سالىنادى.

تەڭگە ىلۋدەن ق ر ۇلتتىق قۇراماسى، 5ء-شى دۇنيەجۇزىلىك كوشپەندىلەر ويىندارىندا ەل نامىسىن قوررعايتىن ءۇش ۇزدىك سپورتشىنى انىقتادى.

«ىرىكتەۋ سايىستارىنىڭ ناتيجەسىندە 3 ستيل بويىنشا 3 ۇزدىك سپورتشىنى انىقتادىق. 5ء-شى دۇنيەجۇزىلىك كوشپەندىلەر ويىندارىندا سايىستىڭ بارلىق تۇرىنەن التىن يەلەنەمىز دەگەن سەنىم بار. ول ءۇشىن بار مۇمكىندىگىمىزدى پايدالانامىز»، - دەدى ق ر ۇلتتىق جانە ات سپورتى تۇرلەرىنەن مەملەكەتتىك جاتتىقتىرۋشى نۇركەن بايبورييەۆ.

ەلىمىزدىڭ ەڭ ۇزدىك 6 تەڭگە ءىلۋشىسى كوشپەندىلەر ويىندارىنا تىكەلەي جولداما بەرەتىن 3 ورىندى ساراپقا سالىپ، ىرىكتەۋ ويىندارىنا قاتىستى.

سپورتشىلارىمىز «قوس قۇلاش»، «بەس بەلەس»، «جەتى قۇت» ستيلدەرى بويىنشا ب ا ق سىنادى. قورىتىندىلاي كەلە، 5ء-شى دۇنيەجۇزىلىك كوشپەندىلەر ويىندارىندا ەل نامىسىن كەلەسى سپورتشىلار قورعايدى:

-        «بەس بەلەس» ستيلىنەن بەكنۇر سەرىكوۆ؛

-        «جەتى قۇت» ءستيلى بويىنشا باقىت ءتولتاي؛

-        «قوس قۇلاش» ستيلىنەن راحات قامباروۆ.

 بەكنۇر سەرىكوۆ – باتىس قازاقستان وبلىسىنىڭ تۋماسى. 2018 جىلى جاسوسپىرىمدەر اراسىنداعى ق ر چەمپيوناتىندا 1-ورىن، 2020 جىلى جاستار اراسىنداعى ق ر چەمپيوناتىندا 1-ورىن، 2023 جىلى ءى ازيا كۋبوگىنىڭ 1-ورىن يەگەرى.

باقىت ءتولتاي - 1998 جىلدىڭ 12 تامىزىندا شىمكەنت قالاسى، ارىس اۋدانى، مونتايتاس اۋىلىندا دۇنيەگە كەلگەن. 2021 جىلى ەرەسەكتەر اراسىنداعى ق ر چەمپيوناتىنىڭ قولا جۇلدەگەرى، 2023 جىلى ەرەسەكتەر اراسىنداعى ق ر چەمپيوناتىندا التىن جانە كۇمىس مەدالىنىڭ يەگەرى،  2024 جىلى ازيا چەمپيوناتىنىڭ التىن مەدالىنىڭ يەگەرى.

راحات قامباروۆ - 2001 جىلى تۇركىستان وبلىسىندا تۋعان. 2022 جىلى تەڭگە ءىلۋ فەدەراسياسىنىڭ باس جۇلدەسىن، 2023 جىلى وتكەن VI ق ر ۇلتتىق سپورت فەستيۆالىنىڭ باس جۇلدەسىن، 2024 جىلى ازيا كۋبوگىن يەلەنىپ، 2024 جىلى وتكەن ازيا چەمپيوناتىنىڭ التىن جۇلدەگەرى اتاندى.

«مەن بالا كەزىمنەن اتقا جاقىن ءوستىم. تەڭگە ءىلۋ سپورتىنا كەلۋىمە دە سەبەپ بولعان جىلعىقا دەگەن ماحابباتىم. بۇگىندە 5ء-شى دۇنيەجۇزىلىك كوشپەندىلەر ويىندارىنا دايىندىق جوعارعى دەڭگەيدە ءوتىپ جاتىر. ەل نامىسىن ابىرويمەن قورعاۋ ءۇشىن بارىمىزدى سالامىز»،- دەدى تەڭگە ىلۋدەن ۇلتتىق قۇراما مۇشەسى باقىت ءتولتاي.

ايتا كەتەيىك، تەڭگە ىلۋدەن 5ء-شى دۇنيەجۇزىلىك كوشپەندىلەر ويىندارى الدىنداعى قورىتىندى وقۋ-جاتتىعۋ جيىنى 27 تامىز بەن 7 قىركۇيەك ارالىعىندا استانادا بولادى. وقۋ-جاتتىعۋ جيىندارىن ق ر تۋريزم جانە سپورت مينيسترلىگىنىڭ ۇلتتىق جانە ات سپورتى تۇرلەرى ورتالىعى ۇيىمداستىرىپ وتىر. ال 5ء-شى دۇنيەجۇزىلىك كوشپەندىلەر ويىندارىندا تەڭگە ءىلۋ بويىنشا جارىستار 11-13 قىركۇيەك ارالىعىندا ەتنواۋىل اۋماعىندا وتەدى.

ەسكە سالا كەتەيىك، رەسپۋبليكالىق «تەڭگە ءىلۋ» فەدەراسياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە «اۋدارىسپاق»، «كوكپار»، «جامبى اتۋ»، «ساداق اتۋ»، «بايگە»، «قۇسبەگىلىك»، «اسىق اتۋ»، «JORYQ» ات سپورتى جانە ت.ب. فەدەراسيالار بار. ق ر ۇلتتىق سپورت قاۋىمداستىعىن يسلامبەك سالجانوۆ باسقارادى.

ايتا كەتەرلىگى، 8-13 قىركۇيەكتە استانا قالاسىندا 5ء-شى دۇنيەجۇزىلىك كوشپەندىلەر ويىندارى وتەدى. ءىس-شاراعا 89 ەلدەن 2000-نان استام سپورتشى قاتىسادى دەپ جوسپارلانۋدا. 5ء-شى دۇنيەجۇزىلىك كوشپەندىلەر ويىندارىنىڭ باس دەمەۋشىسى - ALAGEUM ELECTRIC، ويىنداردىڭ باس سەرىكتەسى - Halyk Bank. استانادا وتەتىن دۇنيەجۇزىلىك كوشپەندىلەر ويىندارىندا بارلىعى 21 سپورت تۇرىنەن 97 مەدال جيىنتىعى ساراپقا سالىنادى.

الماتىدا بايگەدەن قالا كۋبوگى ءوتىپ، ات جارىس اياسىندا دۇنيەجۇزىلىك كوشپەندىلەر ويىندارىنا ىرىكتەۋدىڭ ەكىنشى كەزەڭى بولدى.

«وسى ات جارىس اياسىندا استانادا وتەتىن 5ء-شى دۇنيەجۇزىلىك كوشپەندىلەر ويىندارىنداعى – كۇنان بايگە، توپ بايگە، جورعا جارىس جانە الامان بايگەگە ۇزدىك جىلقىلاردى ىرىكتەپ الدىق»، - دەدى رەسپۋبليكالىق «بايگە» فەدەراسياسىنىڭ اتقارۋشى ديرەكتورى التاي بيمەن.

قۇنان بايگە بويىنشا ءى ورىندى سۇڭقار اتتى تۇلپار، شاباندوزى ابزال تۇرعانبەك يەلەندى. II كەلگەن باقتورى، شاباندوز - ءدىلنۇر نۇرمۇقاش. سەنيوريتا ەسىمدى جىلقى ءۇشىنشى كەلدى. شاباندوزى – ابزال تۇرمىس.

توپ بايگەدە توپ جارعان جىلقى زىمىران،شاباندوز ارنات مۇراتحان. II ورىندا مايماق، شاباندوز - ابزال تۇرمىس. ءۇشىنشى ورىن – ەرتۇران، شاباندوز – يسلامنۇر ەركوس.

جورعا جارىس قورىتىندىسى بويىنشا I ورىندى اكۆامارين، شاباندوز - ەۆگەنيي چيبيسوۆ. II ورىن - تريۋمف، شاباندوز - ءاليا توقتاسىنوۆا. III ورىن پروفەسسور، شاباندوز – ەرۇلان تىلەۋعالي ۇلى.

ال الامان بايگەنى العان ۆيزا ەسىمدى جۇيرىك، شاباندوز - اليحان باقىتحان ۇلى. ەكىنشى كەلگەن كۇرەڭ ات، شاباندوز - ارنات مۇراتحان. ءۇشىنشى ورىن – ءالقيسسا اتتى تۇلپار، شاباندوز –  ءمادي جولشىبەك.

ەسكە سالا كەتەيىك، رەسپۋبليكالىق بايگە فەدەراسياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە كوكپار، تەڭگە ءىلۋ، اۋدارىسپاق، جامبى اتۋ، ساداق اتۋ، قۇسبەگىلىك، اسىق اتۋ، «JORYQ» ات سپورتى جانە ت.ب. فەدەراسيالار بار. ق ر ۇلتتىق سپورت قاۋىمداستىعىن يسلامبەك سالجانوۆ باسقارادى.

ايتا كەتەرلىگى، 8-13 قىركۇيەكتە استانا قالاسىندا 5ء-شى دۇنيەجۇزىلىك كوشپەندىلەر ويىندارى وتەدى. ءىس-شاراعا 89 ەلدەن 2000-نان استام سپورتشى قاتىسادى دەپ جوسپارلانۋدا. 5ء-شى دۇنيەجۇزىلىك كوشپەندىلەر ويىندارىنىڭ باس دەمەۋشىسى - ALAGEUM ELECTRIC، ويىنداردىڭ باس سەرىكتەسى - Halyk Bank. استانادا وتەتىن دۇنيەجۇزىلىك كوشپەندىلەر ويىندارىندا بارلىعى 21 سپورت تۇرىنەن 97 مەدال جيىنتىعى ساراپقا سالىنادى.