مەملەكەت باسشىسى قاسىم-جومارت توقايەۆ تۇركيا پرەزيدەنتى رەدجەپ تاييپ ەردوعانعا كوڭىل ايتۋ جەدەلحاتىن جولدادى، دەپ حابارلايدى اقوردا.
جەدەلحاتتا مەملەكەت باسشىسى تۇركيانىڭ ماردين جانە گازيانتەپ پروۆينسيالارىنداعى جانتۇرشىگەرلىك جول-كولىك اپاتتارىنان كوپ ادامنىڭ قازا تابۋى مەن ءبىرقاتار ازاماتتىڭ اۋىر جاراقات الۋىنا بايلانىستى كوڭىل ايتقان.
"وسىنداي قيىن ساتتە قايعى-قاسىرەتتەرىڭىزگە ورتاقتاسىپ، بارشا قازاقستاندىقتىڭ جانە جەكە ءوزىمنىڭ اتىمنان سىزگە جانە جاقىندارىنان ايىرىلعان وتباسىلارعا، سونداي-اق باۋىرلاس تۇرىك حالقىنا قايعىرا كوڭىل ايتامىن. مارقۇمداردىڭ اللا تاعالانىڭ شاپاعاتىنا بولەنۋىن، زارداپ شەككەندەردىڭ تەز ارادا ساۋىعىپ كەتۋىن تىلەيمىن"، – دەپ جازىلعان پرەزيدەنتتىڭ جەدەلحاتىندا.
ايتا كەتەيىك، 20 تامىزدا تۇركيادا بولعان ەكى ءىرى جول اپاتىنان 30-دان اسا ادام كوز جۇمعان بولاتىن.