رەسەيلىك تەلەجۋرناليست تينا كاندەلاكي الەۋمەتتىك جەلىدەگى پاراقشاسىندا قازاقستاندا بىرنەشە تەمىرجول ستانساسىنىڭ اتاۋى وزگەرۋىن ورىس ءتىلىنىڭ اياسىن تارىلتۋ دەپ پىكىر بىلدىرگەن بولاتىن. بۇل جەلىدە قازاقستاندىقتاردىڭ اشۋ-ىزاسىن تۋعىزدى.
بۇعان سىرتقى ىستەر مينيسترلىگىنىڭ رەسمي وكىلى ايبەك سمادياروۆ پىكىر ءبىلدىردى.
«كورشى ەلدەگى ازاماتتار، ءوز دوستارىمىزدىڭ ءبىزدىڭ ەل تۋرالى بەيحابار ەكەنى ادامدى كىشكەنە وكپەلەتەدى. ويتكەنى ولاردىڭ ءبىز تۋرالى اقپاراتى دۇرىس ەمەس. ءبىزدىڭ ەلگە كەلىپ قالاي ءومىر ءسۇرىپ جاتقانىمىزدى ءوز كوزىمەن كورسىن. ويدان شىعارىپ جازا بەرگەنشە، الەۋمەتتىك جەلىدە قىرىلىسقانشا ودان دا ءوزىمىزدىڭ جۇمىسىمىزدى ودان ءارى قاراي جالعاستىرايىق»، — دەدى ءسىم رەسمي وكىلى.
سونىمەن قاتار ايبەك سمادياروۆ تينا كاندەلاكيدىڭ قازاقستانعا كىرە المايتىنىن ايتتى.
كەيىن رەسەيلىك جۋرناليست ءوزىنىڭ Telegram پاراقشاسىندا سىرتقى ىستەر مينيسترلىگىنىڭ رەسمي وكىلى ايبەك سمادياروۆتى رەسەيگە شاقىردى، وعان قاراتا جازبا قالدىردى
«قۇرمەتتى ايبەك سەرىكباي ۇلى! ءسىزدىڭ مەن تۋرالى ايتقانىڭىز تۋرالى وقىدىم. مەن ءبىزدىڭ قارىم-قاتىناسىمىزدى جالعاستىرعىم كەلەدى، ءسىزدى رەسەيگە شاقىرامىن. ءبىزدىڭ حالقىمىزدى كوپ نارسەنى بىرىكتىرەتىنىنە سەنىمدىمىن. ەندى بۇل تۋرالى تولىعىراق ايتىپ وتسەم:
ارينە، اڭگىمەنى مەنىڭ وتانىم ماسكەۋدە اباي قۇنانبايەۆ ەسكەرتكىشى تۇرعان چيستوپرۋدنىي بۋلۆاردان باستاۋ كەرەك دەپ ويلايمىن. سىزدەرگە، بارلىق قازاقتارعا ول جاي اباي دەگەن اتپەن تانىمال. ال بىزگە — ورىس ءتىلى مەن مادەنيەتىن ءبىلۋ الەمنىڭ قازىناسىنىڭ كىلتى ەكەنىن ايتقان ادام رەتىندە تانىمال.
ەندى ماسكەۋ وبلىسىنداعى، عىلىمي ەليتا قالاسى زەلەنوگرادقا كوشەيىك. ونىڭ تۇجىرىمداماسىن تاعى ءبىر اتاقتى قازاق — ساۋلەتشى توتان كۇزەمبايەۆ ازىرلەدى. رەسەيدە ول ساۋلەت ونەرىنىڭ العاشقىلارى بولىپ سانالادى. ونىڭ جۇمىسى «نيكولا-لەنيۆسە» فيلمىندە تۇر. ساۋلەتشىنىڭ جوبالاعان ۇيلەرى ءارتۇرلى ەلدەردە بار. بۇل ورىس مادەنيەتىنە ەنگەن تالانتتىڭ دالەلى ەمەس پە؟ بيىلعى جازدا ششۋسيەۆ اتىنداعى ساۋلەت مۇراجايىندا كورمە وسى كىسىگە ارنالدى. سونىمەن قاتار ماسكەۋدە ەڭ تانىمال ارتىستەردىڭ قاتارىندا قازاقتار: ازامات مۇساعالييەۆ پەن نۇرلان سابۋروۆ بار ەكەنىن ايتا كەتۋ قاجەت،- دەدى تينا كاندەلاكي.
