پارلامەنتتە ق ر قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ سۋ تاسقىنىنا قارسى جۇمىستارعا بولىنگەن قاراجاتقا قاتىستى داۋدى ءتۇسىندىردى، دەپ حابارلايدى Ulys.
«قارجىلىق مونيتورينگ اگەنتتىگى گيدروتەحنيكالىق قۇرىلىستاردى سالۋعا بولىنگەن بيۋدجەتتىك قاراجاتقا قاتىستى 4 قىلمىستىق ءىستى تىركەدى. ۇلىتاۋ، اقتوبە، قىزىلوردا وبلىستارىندا جانە الماتىدا وسى ىستەر تەرگەلىپ جاتىر. بۇل قىلمىستىق ىستەردىڭ باسىم بولىگى بيۋدجەت قاراجاتىن ۇرلاۋ فاكتىلەرى بويىنشا قوزعالعان. ءبىر جاعدايدا ارنايى وسى بوگەتتەردى كۇتىپ ۇستاۋداعى زاڭسىز ارەكەتتەر سەبەپ بولدى. وسى ىستەر بويىنشا 1 ملرد تەڭگە شاماسىندا زالال كەلتىرىلگەنى انىقتالدى»، — دەدى ج. ەلەمەسوۆ پارلامەنت ماجىلىسىندە تىلشىلەر سۇراعىنا.
ونىڭ ايتۋىنشا، بۇل زاڭسىز ارەكەتتەر وتكەن جىلدارى جاسالعان.
«وسى قاراجات بيىلعى كوكتەمتەگى سۋ تاسقىنىنا قارسى بولىنگەن 140 ملدر تەڭگەگە قاتىسى جوق. ءقازىر يگەرىلىپ جاتقان وسى قاراجاتتىڭ ماقساتتى جۇمسالۋىنا مونيتورينگ جاسايتىن بولامىز»، — دەدى اگەنتتىك وكىلى.
