ۆاليۋتا باعامى
  • USD -

    523.9
  • EUR -

    597
  • RUB -

    6.45
تالعارداعى ءورت: الماتى وبلىسىنىڭ اكىمدىگى وتباسىنا ماتەريالدىق كومەك كورسەتەدى
فوتو: وبلىس اكىمدىگى 12 قازان 2024
تالعارداعى ءورت: الماتى وبلىسىنىڭ اكىمدىگى وتباسىنا ماتەريالدىق كومەك كورسەتەدى
الماتى وبلىسى ەڭبەكشىقازاق اۋدانى ازات اۋىلىنداعى ورتكە جانە تالعار اۋدانىنداعى جاعدايعا بايلانىستى ءوڭىر اكىمى مارات سۇلتانعازييەۆ شۇعىل جيىن وتكىزدى، دەپ حابارلايدى Ulys اكىمدىككە سىلتەمە جاساپ.
"ءبىز مارقۇمنىڭ وتباسىنا كومەكتەسۋ ءۇشىن بار كۇشىمىزدى سالامىز. جاعداي باقىلاۋدا، بارلىق قۇقىق قورعاۋ ورگاندارى كۇشەيتىلگەن رەجيمدە جۇمىس ىستەپ جاتىر. زاڭدىلىقتى قامتاماسىز ەتۋ ءۇشىن شۇعىل شارالار قابىلداۋ قاجەت. بارلىق كىنالىلەر جاۋاپقا تارتىلادى"، - دەدى مارات سۇلتانعازييەۆ.

سونداي-اق، وبلىس باسشىسى ورتەنگەن ءۇيدى تولىق قالپىنا كەلتىرۋدى تاپسىردى.

"سونىمەن قاتار، وتباسىنا ماتەريالدىق جانە پسيحولوگيالىق كومەك كورسەتىلەدى"، - دەپ اتاپ ءوتتى اكىم.
ەسكە سالساق، بۇگىن تۇندە تالعاردا بۇزاقىلاردىڭ قولىنان كوز جۇمعان 16 جاستاعى شەرزات بولاتتىڭ ءۇيى سەنبىگە قاراعان ءتۇنى ورتەنىپ كەتتى.
RELATED NEWS
اقمولا وبلىسىندا اجەسى نەمەرەسىن ءولتىرىپ، دەنەسىن ءۇيدىڭ اۋلاسىندا كومگەن
04 ناۋرىز 2025
اقمولا وبلىسىندا اجەسى نەمەرەسىن ءولتىرىپ، دەنەسىن ءۇيدىڭ اۋلاسىندا كومگەن

اقمولا وبلىسىنىڭ ششۋچينسك قالاسىندا اسىراپ الىنعان بالانىڭ ولىمىنە بايلانىستى سوت ۇكىمى شىقتى، دەپ حابارلايدى Ulys.

HALYQSTAN حابارلاۋىنشا، بەس جىلعا جۋىق ۋاقىت بويى جان تۇرشىگەرلىك قىلمىستىڭ ىزدەرى جاسىرۋلى بولىپ كەلگەن. بۇل اتىشۋلى ءىس بويىنشا بالا اسىراپ العان اناسى مەن اجەسى سوت الدىندا جاۋاپ بەردى.

بەس جاسار بالانىڭ دەنەسى ءۇيدىڭ باقشاسىنا جەرلەنگەن، ال بۇل سۇمدىق وقيعا تەك وتكەن كوكتەمدە عانا انىقتالدى. قىلمىستىڭ بەتى كۇتپەگەن قاتەلىكتىڭ ارقاسىندا اشىلعان.

اسىراپ العان اناسى باسقا بالاسىن دەنەسى  كوگەرىپ جۇرگەندىكتەن اۋرۋحاناعا الىپ كەلگەن، الايدا قۇجاتتاردى شاتاستىرىپ العان. كەيىنىرەك ونىڭ ءتورت جىل بويى قايتىس بولعان بالاعا تيەسىلى تۋۋ تۋرالى كۋالىكتى قولدانىپ جۇرگەنى انىقتالدى.

باستى كۇدىكتى 65 جاستاعى اجەسى بىردەن قاماۋعا الىنسا، 29 جاستاعى اسىراپ العان اناسى دا ۋاقىتشا ۇستاۋ يزولياتورىنا جىبەرىلدى.

سوت جابىق ەسىك جاعدايىندا ءوتىپ، ۇكىم شىقتى. بالانىڭ اجەسى – 21 جىلعا، وگەي اناسى 4 جىلعا باس بوستاندىعىنان ايىرىلدى.

قازاقستاندا 30-عا جۋىق  «قىلمىس الەمىنىڭ بەدەلدىلەرى» ۇستالدى
08 قاڭتار 2025
قازاقستاندا 30-عا جۋىق «قىلمىس الەمىنىڭ بەدەلدىلەرى» ۇستالدى

قازاقستاندا سوڭعى ەكى جىلدا ۇيىمداسقان قىلمىستىق توپتاردى قۇرۋ، باسقارۋ جانە ولارعا قاتىسۋ فاكتىلەرى بويىنشا 120-دان استام قىلمىستىق ءىس تىركەلدى، سونىڭ ىشىندە 13ء-ى ترانسۇلتتىق قىلمىستىق توپتارعا قاتىستى، دەپ حابارلايدى Ulys ءىىم سىلتەمە جاساپ.

قىلمىستىق كودەكستىڭ ءارتۇرلى باپتارى بويىنشا 600-دەن استام قىلمىسكەر جاۋاپكەرشىلىككە تارتىلدى.

بۇدان بولەك، حالىقارالىق ىزدەستىرۋدە بولعان ۇيىمداسقان قىلمىستىق توپتاردىڭ 27 مۇشەسى، ياعني «قىلمىس الەمىنىڭ بەدەلدىلەرى» ۇستالدى. جاقىن شەت ەلدەردەن كەلگەن التى «زاڭداعى ۇرىنىڭ» قازاقستان اۋماعىندا بولۋىنىڭ الدىن الىندى. بوپسالاۋ جانە باسقا دا اۋىر قىلمىستاردى جاساعان 160 قىلمىستىق توپتىڭ زاڭسىز ارەكەتى توقتاتىلدى. بوپسالاۋ فاكتىلەرى بويىنشا بارلىعى 1300-دەن استام قىلمىستىق ءىس قوزعالدى. 400-دەن استام ادام ساۋداسىمەن بايلانىستى قىلمىستار انىقتالدى.

«مينيسترلىك ۇيىمداسقان قىلمىستىق توپتارمەن كۇرەستى جالعاستىرادى جانە بۇل باعىتتا ناقتى شارالار قابىلداناتىن بولادى»، – دەپ اتاپ ءوتتى ءىىم.

 قازاقستانداعى دروپپەرلەردىڭ 90 پايىزى شەتەلدىكتەر
09 قاڭتار 2025
قازاقستانداعى دروپپەرلەردىڭ 90 پايىزى شەتەلدىكتەر

2024 جىلى قازاقستانداعى «دروپپەرلەردىڭ» 90 پايىزى رەزيدەنت ەمەس ادامدار. بۇل تۋرالى قارجى مونيتورينگ اگەنتتىگىنەن ءمالىم ەتتى، دەپ حابارلايدى Ulys قارجىلىق مونيتورينگ اگەنتتىگىنە سىلتەمە جاساپ.

قىلمىستىق كىرىستەردى زاڭداستىرۋ ءۇشىن بيىل وسىنداي 6،2 مىڭ ادامنىڭ كارتاسى قولدانىلعان ەكەن.

«بۇل كارتالار ارقىلى اينالىمنىڭ جالپى سوماسى 24 ميلليارد تەڭگەگە جەتتى. اقشانى زاڭسىز جىلىستاتقىسى كەلگەندەر ءۇشىنشى تۇلعالارعا تىركەلگەن بايلانىس وپەراتورلارىنىڭ SIM كارتالارىن پايدالانعان. كوبىنەسە «دروپ-كارتالار» ەسىرتكى ساۋداسى، كيبەرالاياقتىق، زاڭسىز قۇمار ويىندار جانە باسقا دا قىلمىستىق ارەكەتتەرگە بايلانىستى سحەمالاردا قولدانىلعان»، - دەپ حابارلايدى قما.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.