قازاقستاندىق ءانشى - جۇرگەنوۆ اتىنداعى قازاق ۇلتتىق ونەر اكادەمياسىنىڭ ەسترادا-ونەر فاكۋلتەتىنىڭ 4 كۋرس ستۋدەنتى ءادىلحان ماكين ۆيتەبسك قالاسىندا «سلاۆيان بازارى-2019» xالىقارالىق فەستيۆالىنىڭ جەڭىمپازى اتاندى. بۇل تۋرالى اقجولتاي حاباردى قازاقستان رەسپۋبليكاسى مادەنيەت جانە سپورت ءمينيسترى اقتوتى رايىمقۇلوۆا ءوزىنىڭ فەيسبۋك پاراقشاسىندا حابارلادى.
«باس جۇلدە - بۇل ۇلكەن جەڭىس. ءتورت جىل بۇرىن وسى جارىس ساحناسىندا ديماش قۇدايبەرگەننىڭ جۇلدىزى جانعان ەدى. ول كەزدە دە مينيسترلىكتىڭ قولداۋىمەن اتتانىپ، باس جۇلدەمەن ورالعان بولاتىن»،-دەپ جازدى مينيستر قۋانا.
«ارى قاراي باعى قالاي جانعانىنا وزدەرىڭىز دە كۋاسىزدەر، دوستار. ۆيتەبسكتە ءبىزدىڭ مينيسترلىكتىڭ قولداۋىمەن كەلگەن شىعارماشىلىق دەلەگاسياعا بۇگىنگى كۇننىڭ بەلسەندى جۇمىسى ءۇشىن العىسىمدى بىلدىرەمىن. بارلىعىڭىزدى وسىنداي ايتۋلى جەڭىسپەن قۇتتىقتايمىن، ارىپتەستەر!
ءادىلxان ماكين ءوز كەزەگىندە تىڭدارماندارعا تاماشا قازاق ويشىلى ابايدىڭ 175 جىلدىعىنا وراي بىرەگەي فلەشموبتى جالعاستىردى. مەملەكەت باسشىسى قاسىم-جومارت توقايەۆ باستاعان ۇلى اقىننىڭ ولەڭدەرىن وقىعان فلەش-موب ۆيتەبسكتە ءادىلxان ماكين جالعاستىردى: ابايدىڭ «كوزىمنىڭ قاراسى» اتتى ءانىن ورىنداپ، تىڭدارمانداردىڭ دۋ قول شاپالاعىنا بولەندى!
بەلارۋسيا، رەسەي، گەرمانيا، شۆەيساريا، بولگاريا، مالتا، يزرايل، جۇڭگو، لاتۆيا، ۋكراينا، پولشا، ليتۆا، گرۋزيا، ارمەنيا جانە مولدوۆا... ءبىزدىڭ جىگىت ەڭ ۇزدىگى اتاندى! بۇل ۇلكەن جەتىستىكپەن بارشاڭىزدى قۇتتىقتايمىن! بۇل جەڭىس - ءادىلحان ماكيننىڭ ونەر جولىندا العاشقى قادامى - ونىڭ الداعى تابىستارى مەن جەڭىستەرىنە اپاراتىن قادام ەكەنىنە سەنىمدىمىن. ءبىز قولىمىزدان كەلگەننىڭ بارلىعىنا كومەكتەسەمىز»،— دەپ جازدى مادەنيەت جانە سپورت ءمينيسترى اقتوتى رايىمقۇلوۆا ءوز پاراقشاسىنا.
