رەسپۋبليكالىق اقپاراتتىق شتابتا وتكەن بريفينگتە ق ر تجم ازاماتتىق قورعانىس جانە اسكەري بولىمدەر كوميتەتىنىڭ اعا وفيسەرى ەراسىل سايپاش اقپارات بەردى.
«سۋ تاسقىنى باستالعاننان بەرى 111 194 ادام، ونىڭ ىشىندە 39 222 بالا ءقاۋىپسىز جەرگە جەتكىزىلدى. ۋاقىتشا ورنالاستىرۋ پۋنكتەرىندە 6 814 ادام، ونىڭ ىشىندە 2 995 بالا ورنالاسقان. 11 950 ادام ۇيىنە ورالدى»، - دەدى ول.
ۇيلەرىنە 11 950 ادام ورالدى. ۋاقىتشا ورنالاستىرۋ پۋنكتەرىندە 6 814 ادام، ونىڭ ىشىندە 2 995 بالا بار. 9،5 ملن تەكشە مەتردەن استام ەرىگەن سۋ تارتىلدى، 2،2 ملن قاپشىق جانە 1،2 ملن توننا ينەرتتى ماتەريال توسەلدى.
اۆاريالىق-قۇتقارۋ جۇمىستارىنا 33 334 ادام جانە 4 066 بىرلىك تەحنيكا، ونىڭ ىشىندە 835 سۋ ايداۋ قۇرالدارى، 275 ءجۇزۋ قۇرالدارى، 11 اۋە كەمەلەرى جۇمىلدىرىلدى.
قازىرگى ۋاقىتتا 5 411 جەكە تۇرعىن ءۇي، 1 607 اۋلا اۋماعى جانە 2 035 ساياجاي ءۇيى سۋ استىندا قالىپ وتىر. 3،5 مىڭعا جۋىق تۇرعىن ۇيدەن جانە 2 157 اۋلا اۋماعىنان سۋ بۇرىلدى.
سونداي-اق سپيكەر ەلىمىزدىڭ 8 وڭىرىندە جەرگىلىكتى اۋقىمداعى 36 تج ارەكەت ەتەتىنىن ەسكە سالدى: اقتوبە، قوستاناي، باتىس قازاقستان، اقمولا، قاراعاندى، اتىراۋ، سولتۇستىك قازاقستان وبلىستارى مەن ۇلىتاۋ وبلىستارىندا.
