شىمكەنتتە رەسپۋبليكالىق «تازا قازاقستان» ەكولوگيالىق اكسياسى جالعاسۋدا، دەپ حابارلايدى Ulys.
اتالعان ناۋقانعا شىمكەنت قالاسىنىڭ تۇرعىندارى دا ەرەكشە قولداۋ ءبىلدىرىپ، جۇمىستاردى بەلسەندى باستاپ كەتتى.
ەكولوگيالىق اكسيانىڭ العاشقى اپتاسى «تازا ولكە» اپتالىعى اياسىندا قالا تۇرعىندارى، قوعام بەلسەندىلەرى، ۇيىمدار مەن كاسىپورىنداردىڭ قىزمەتكەرلەرى ىرگەلەس اۋماقتار مەن بەلگىلەنگەن اۋلالاردى تازالاۋ، كوگالداندىرۋ، اعاشتاردى كۇتىپ-باپتاۋ جۇمىستارىن جۇرگىزۋدە.
ال بۇگىن شىمكەنتتە #TazaShym اتتى جالپى قالالىق تازالىق ءىس-شاراسى وتكىزىلدى. ءىس-شارا بارىسىندا بارلىق اۋداندار مەن ەلدى-مەكەن اۋماقتارىندا تازالاۋ جۇمىستارى جۇرگىزىلدى.
سولاردىڭ ءبىرى ءال-فارابي اۋدانى اۋماعىندا وتكىزىلدى. اۋدان تۇرعىندارى، بەلسەندى جاستار، ەرىكتىلەر «ورداباسى» الاڭى مەن «تاۋەلسىزدىك» ساياباعى اۋماقتارىن، «قوشقار اتا» وزەنى جاعالاۋىن، الاڭداعى جول ءۇستى كوپىرىن، «جەر انا» مونۋمەنتىن، ايالدامالاردى جۋۋ مەن تازالاۋ، اعاشتاردىڭ ءتۇبىن اكتەۋ، شوپتەردى ورۋ، اباتتاندىرۋ جۇمىستارىن جۇرگىزىلدى.
جالپى، تازالىق جۇمىستارىنا 4500-نان استام ادام قاتىسىپ،، 56 ارنايى تەحنيكا جۇمىلدىرىلدى،10،6 شاقىرىم اياق جولدى تازالانىپ، 5500 دانا اعاش اكتەۋ جانە قىرقۋ جۇرگىزىلدى. 85 م3 قوقىس شىعارىلىپ، 4365 م يرريگاسيالىق جۇيەلەر، 18 658 م2 قۇرايتىن كوشە بويى تازالاندى،
ءىس-شاراعا قالا اكىمى - ع.سىزدىقبەكوۆ، قالالىق ءماسليحات ءتوراعاسى -ب.نارىمبەتوۆ، قالالىق ارداگەرلەر كەڭەسىنىڭ ءتوراعاسى – ك.تولەبايەۆ، بەلگىلى وپەرا ءانشىسى م.مۇحامەد قىزى، قوعام بەلسەندىسى - ا.بەسبايەۆ، «ىزگىلىكتە جارىسايىق» قوعامدىق قورىنىڭ جەتەكشىسى – ا.ماۋلەنوۆ، ارداگەرلەر، قوعام قايراتكەرلەرى، بەلسەندى جاستار، ەرىكتىلەر جانە باسقا دا ازاماتتار بەلسەندى اتسالىستى.