الماتى وبلىسىنداعى شارىن شاتقالى ماڭىندا تۋريستەر مىنگەن اۆتوبۋس جول اپاتىنا ۇشىرادى. سالدارىنان 13 ادام زارداپ شەكتى. الماتى وبلىسى اكىمدىگىنىڭ مالىمەتىنشە، جول اپاتى بۇگىن، 27 مامىر ساعات 10:20-دا كەگەن جانە ەڭبەكشىقازاق اۋدانىنىڭ شەكارالاس اۋماعىندا بولعان.
«الدىن الا اقپارات بويىنشا، اۆتوبۋس «قازاۆتوجول» جەلىسىنە جاتاتىن الاسا اسۋىنداعى كۇردەلى جول بۇرىلىسىندا جولدان شىعىپ كەتكەن. وقيعا ورنىنا دەرەۋ كەگەن اۋدانىنان ەكى جەدەل جاردەم بريگاداسى شىقتى. اۆتوبۋستا 37 ادام بولعان. كەگەن اۋداندىق اۋرۋحاناسىنا 5 ادام، جالاعاش اۋداندىق اۋرۋحاناسىنا 4 ادام، شەلەك اۋىلىنا 4 ادام جەتكىزىلدى»،- دەپ حابارلادى اكىمدىك وكىلدەرى.
