ۆاليۋتا باعامى
  • USD -

    502.3
  • EUR -

    551
  • RUB -

    5.97
شاحتادا قازا تاپقان 7 كەنشىنىڭ ءاتى-جونى جاريالاندى
فوتو: اشىق كوزدەن 18 اقپان 2025
شاحتادا قازا تاپقان 7 كەنشىنىڭ ءاتى-جونى جاريالاندى

ۇلىتاۋ وبلىسىندا «قازاقمىس» كومپانياسىنا قارايتىن كەنىشتە بولعان اپاتتان كوز جۇمعان جەتى كەنشىنىڭ ءاتى-جونى جاريالاندى، دەپ حابارلايدى Ulys.

قازاقمىس قازا تاپقان كەنشىلەردىڭ ءتىزىمىن جاريالادى:

  • اقشالوۆ قايرات امانبەك ۇلى، 1975 جىلى تۋعان، ناسوس ءماشينيسى؛
  • جاكۋبايەۆ ارداق بورانباي ۇلى، 1998 جىلى تۋعان، جەراستى تاۋ-كەن شەبەرى؛
  • جۇمادۋللايەۆ باقىتبەك نىشان ۇلى، 1975 جىلى تۋعان، جەراستى كەنشىسى؛
  • كەنجەبەكوۆ ورىنبەك ءامىرحان ۇلى، 1991 جىلى تۋعان، تيەۋ-جەتكىزۋ ماشيناسىنىڭ ءماشينيسى؛
  • مولدابەكوۆ عالىمجان ەسەنبەك ۇلى، 1978 جىلى تۋعان، بۇرعىلاۋشىنىڭ كومەكشىسى؛
  • نۋرۋلدايەۆ ولجاس جاعالباي ۇلى، 1979 جىلى تۋعان، جەراستى ۋچاسكەسىنىڭ ەنەرگەتيك،
  • روجكوۆ كونستانتين ۆلاديميروۆيچ، 1992 جىلى تۋعان، جەراستى تاۋ-كەن جابدىقتارىنىڭ ەلەكتر سلەسارى.
RELATED NEWS
استانادا پويىز جولىندا جارىلىس بولدى
14 اقپان 2025
استانادا پويىز جولىندا جارىلىس بولدى

14 اقپانعا قاراعان ءتۇنى استاناداعى تەمىرجول ۆوكزالىنا پويىز ارقىلى جەتكىزىلگەن كونتەينەر جارىلدى، دەپ حابارلايدى Ulys.

جارىلىس تۇنگى ساعات 00:25-تە استانا ستانساسىنداعى ىرىكتەۋ الاڭىنىڭ 12-جولاعىندا بولدى. ەلورداعا پويىز ارقىلى جەتكىزىلگەن جۇك كونتەينەرى جارىلعان. ءبىر ادام قولىنان جەڭىل جاراقات الدى، الايدا اۋرۋحاناعا جاتقىزۋدى قاجەت ەتپەدى.

پوليسەيلەر جولاۋشىلار مەن جاقىن ماڭداعى تۇرعىندارعا ءقاۋىپ تونبەگەنىن حابارلادى.

«كولىكتەگى پوليسيا دەپارتامەنتى بۇل وقيعا بويىنشا «تەمىر جول كولىگىن پايدالانۋ نەمەسە قوزعالىس قاۋىپسىزدىگى ەرەجەلەرىن بۇزۋ» بابى بويىنشا قىلمىستىق ءىس قوزعادى. وقيعا ورنىنا دەرەۋ دەپارتامەنت باسشىلىعى جەتكەن. ارنايى جەدەل توپ قۇرىلدى، ولار وقيعانىڭ بارلىق ءمان-جايىن انىقتاۋعا كىرىسىپ كەتتى»، - دەپ حابارلادى كولىكتەگى پد.

قتج جارىلعان كونتەينەردىڭ جەكە كومپانياعا تيەسىلى ەكەنىن حابارلادى. الدىن الا مالىمەت بويىنشا ىشىندە ەلەكتر جابدىقتارى – ترانسفورماتورلار مەن گەنەراتورلار بولعان.

اقتاۋ ماڭىندا قۇلاعان ۇشاقتى  رەسەيلىك زىمىران زاقىمداعان -  Euronews
26 جەلتوقسان 2024
اقتاۋ ماڭىندا قۇلاعان ۇشاقتى رەسەيلىك زىمىران زاقىمداعان - Euronews

اقتاۋ ماڭىندا قۇلاعان Azerbaijan Airlines اۋە كومپانياسىنىڭ ۇشاعىن رەسەيلىك «زەمليا-ۆوزدۋح» زىمىرانى اتىپ تۇسىرگەن. بۇل تۋرالى Euronews ءازىربايجان ۇكىمەتىندەگى دەرەككوزگە سىلتەمە جاساپ حابارلادى.

Euronews تاراتقان حابارلاماعا قاراعاندا، ۇشاق گروزنىيعا قونباق بولعان كەزدە زىمىران ۇشىرىلعان، سول كەزدە ولار دروننىڭ شابۋىلىن تويتارىپ جاتقان. 

بولجام بويىنشا، زىمىران ۇشاقتىڭ جانىندا جارىلىپ، ونىڭ سىنىقتارى ۇشاقتى زاقىمداعان.

Euronews اقپارات كوزدەرىنە سىلتەمە جاساي وتىرىپ، ۇشقىشتاردىڭ اپاتتى جاعدايدا قونۋ تۋرالى ءوتىنىش بىلدىرگەنىن مالىمدەدى. الايدا ۇشاقتىڭ زاقىمدانعانىنا قاراماستان رەسەيدىڭ ەشبىر اۋەجايى قونۋعا رۇقسات بەرمەگەن. 

ەسكە سالساق، كەشە اقتاۋ ماڭىندا ۇشاق قۇلاپ، 40-قا جۋىق ادام كوز جۇمدى. ونىڭ ىشىندە قازاقستاندىق 6 ادام بولدى.

اقتاۋدا سارباز كوز جۇمدى
09 قىركۇيەك 2024
اقتاۋدا سارباز كوز جۇمدى

اقتاۋدا اسكەردە جۇرگەن تاعى ءبىر سارباز كوز جۇمدى. باس اسكەري پروكۋراتۋرا اقتاۋداعى سارباز ولىمىنە قاتىستى اقپارات تاراتتى، دەپ حابارلايدى Ulys.

2024 جىلعى 7 قىركۇيەكتە ساعات 17:10 شاماسىندا اقتاۋ قالاسىنداعى قورعانىس مينيسترلىگى اسكەري بولىمدەرىنىڭ ءبىرىنىڭ ۆزۆود كومانديرى «ويماشا» پوليگونىنىڭ اۋماعىندا پم تابەلدىك تاپانشاسىنان قاتارداعى ب-عا وق اتىپ، ول كوز جۇمدى. سول كۇنى باتىس وڭىرلىك اسكەري-تەرگەۋ باسقارماسى قاساقانا كىسى ءولتىرۋ فاكتىسى بويىنشا سوتقا دەيىنگى تەرگەۋدى باستادى (قك 99-بابىنىڭ 1-بولىگى)، دەلىنگەن اسكەري پروكۋراتۋرا مالىمدەمەسىندە. 

مالىمدەمەگە قاراعاندا، تەرگەۋ ورگانى كۇدىكتىنى قپك-نىڭ 128-بابى تارتىبىمەن ۇستاپ، اقتاۋ قالاسىنىڭ ۋاقىتشا ۇستاۋ يزولياتورىنا قاماۋعا العان. 

ءىس بويىنشا پروسەستىك پروكۋرور تاعايىندالعان.



ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.