قىزىلتاس شاتقالىندا «تازا قازاقستان» اياسىندا ەكواكسيا ءوتتى، دەپ حابارلايدى Ulys جەتىسۋ اكىمدىگىنە سىلتەمە جاساپ.
3 قازان كۇنى جەتىسۋ وبلىسىندا ءبىرقاتار اتاۋلى شارالار ۇيىمداستىرىلدى.
اتاپ ايتساق، «تازا قازاقستان» ەكولوگيالىق اكسياسى اياسىندا بۇگىن تالدىقورعان قالاسىندا «قىزىلتاس – تاسباقا» ەكولوگيالىق اكسياسى ءوتتى. ءىس-شاراعا وبلىس اكىمىنىڭ ورىنباسارى دياس ەسداۋلەتوۆ، قالا اكىمى ەرنات بءازءىل، قوعام بەلسەندىلەرى، ءوڭىر جاستارى، ەكو-ەرىكتىلەر، «جاسىل ەل» ەڭبەك جاساقتارى قاتىستى.
شارا بارىسىندا قىزىلتاس اۋماعىنداعى بىرەگەي پەتروگليفتەر جەرگىلىكتى ماڭىزى بار قورعالاتىن تاريحي-مادەني نىساندار تىزىمىنە ەنگىزىلگەندىگى تۋرالى تاقتا ورناتىلدى.
وسى ورايدا ءوڭىردىڭ ەكوبەلسەندىسى دينارا باكيروۆا تاسقا قاشالعان پەتروگليفتەردى تاريحتان سىر شەرتەتىن ەسكەرتكىش رەتىندە قورعاۋعا العانى ءۇشىن مەملەكەت باسشىسى مەن وبلىس باسشىلىعىنا ءوز العىسىن ءبىلدىردى.
ەسكە سالار بولساق، وسىنىڭ الدىندا وبلىس اكىمى بەيبىت يسابايەۆ ەكولوگتارمەن، قالا تۇرعىندارىمەن، قۇزىرەتتى مەملەكەتتىك ورگاندارمەن بىرلەسىپ، «تاسباقا» تاۋى مەن جارتاستاعى پەتروگليفتەردى ساقتاۋ بويىنشا قاجەتتى شارالار قابىلداعانىن، كارەردى يگەرۋ زاڭ اياسىندا توقتاتىلعانىن، بىرلەسكەن كۇش-جىگەردىڭ ارقاسىندا بۇل ماسەلەنىڭ شەشىمى تابىلعانىن مالىمدەگەن بولاتىن.
«قازاقستان ستۋدەنتتەر اليانسى» جەتىسۋ وبلىسى بويىنشا فيليالىنىڭ ءتوراعاسى، ەكوۆولونتەر ەسكەندىر اماندوس: «ەل كولەمىندە وتكىزىلىپ جاتقان اۋقىمدى تازالىق اكسياسى – اسا ماڭىزدى ناۋقان. جاستار عانا ەمەس، اعا بۋىن – ارداگەرلەردىڭ، ورتا بۋىن – ەل اعالارىنىڭ، جاس ۇرپاقتىڭ يىق تىرەسۋىمەن بىرگە اتقارىلىپ جاتقان تازالىق شارالارى تۋعان ەلگە دەگەن شىنايى سۇيىسپەنشىلىكتىڭ دالەلى ىسپەتتەس. مۇنداي ءىس-شارالار وسكەلەڭ ۇرپاقتىڭ تۋعان ولكەنىڭ تابيعاتى مەن تاريحىنا دەگەن سۇيىسپەنشىلىگىن، جەر الدىنداعى جاۋاپكەرشىلىگىن وتە جاقسى تاربيەلەيدى جانە ادامداردىڭ ەكولوگيالىق ساۋاتتىلىعىن ارتتىرادى!»
سونىمەن قاتار، تەكەلى قالاسىندا قازاقستان جازۋشىلار وداعىنىڭ مۇشەسى تورعىن تۇرلىبايەۆامەن «جان مەن ءتاننىڭ تازالىعى – رۋحاني تازالىقتىڭ وزەگى» اتتى دوڭگەلەك ۇستەل ءوتتى. ءىس-شارادا قالا جاستارى، ەكو-ەرىكتىلەر باس قوستى. دوڭگەلەك ۇستەل بارىسىندا جاستار تابيعاتقا ۇقىپتى قاراۋ، قورشاعان ورتانى تازا ۇستاۋ جونىندە پىكىر الماستى.
جەتىسۋ وبلىسىندا «تازا قازاقستان» تازالىق اكسياسى اياسىندا تازالىق شارالارى تۇراقتى ۇردىسكە اينالىپ، جالعاسىن تاۋىپ كەلەدى. تۇرعىندار تاراپىنان زور قولداۋعا يە بولعان ەكولوگيالىق شاراعا بۇگىندە 200 مىڭعا جۋىق ادام ات سالىسىپ، ءتۇرلى تازالىق شارالارىنا قاتىسۋدا بەلسەندىلىگىن تانىتۋدا.
جالپى «تازا قازاقستان» تازالىق اكسياسىن وتكىزۋگە جەتىسۋ وبلىسى بويىنشا جالپى سانى 1 611 تەحنيكا جۇمىلدىرىلدى. ناتيجەسىندە 7 793 توننا قوقىس شىعارىلىپ، 30 726 ءتۇپ اعاش وتىرعىزىلدى.
