قازاق-قىرعىز شەكاراسىندا ءبىر ايدىڭ وزىندە 10 مىڭ توننا بەنزين زاڭسىز تاسىمالدانعان. بۇل تۋرالى قارجى مونيتورينگ اگەنتتىگىنىڭ باسپا ءسوز قىزمەتى حابارلادى، دەپ جازادى Ulys.
«قارجى مونيتورينگ اگەنتتىگى شەكارا ماڭىنداعى وڭىرلەردە جانار-جاعار مايدى ەلدەن شىعارۋعا قارسى بىرلەسكەن باقىلاۋدى كۇشەيتۋگە قاتىستى ۆەدومستۆوارالىق كەزدەسۋ وتكىزدى. باعا ايىرماشىلىعىنا بايلانىستى جەڭىل كولىكتەر كولىگىنىڭ باگىنا جانە قولدان جاسالعان باگىنا بەنزين قۇيىپ الىپ، ونى ەل اۋماعىنان زاڭسىز اكەتىپ جاتىر. تەك قازاق-قىرعىز شەكاراسىندا ايىنا وسىنداي تاسىلمەن 10 مىڭ توننا بەنزين تاسىمالدانادى»، - دەپ حابارلادى قما.
جالپى، جىل باسىنان بەرى جانار-جاعارماي تاسىمالىنا بايلانىستى 21 قىلمىستىق ءىس تىركەلگەن. بۇل زاڭسىز اينالىمنىڭ كولەمى 3،5 مىڭ توننادان، ال قۇنى 900 ملن تەڭگەدەن اسقان.
