قىرعىز پارلامەنتىندە لاتىن قارپىنە كوشۋ ماسەلەسى ءسوز بولدى. بۇل تۋرالى اقپارات 24.kg سايتىندا شىقتى.
جوگوركۋ كەنەشتەگى «بير بول» فراكسياسىنىڭ ليدەرى التىنبەك سۋلايمانوۆ لاتىنعا كوشۋدىڭ قاجەتتىلىگىن اتاپ وتكەن. ونىڭ ويىنشا، بۇل ۋاقىت تالابى. «ءبىز تەك لاتىنعا عانا كوشپەيمىز، باستاۋىمىزعا ورالامىز. ماسەلەن، قىرعىز مەملەكەتىنىڭ نەگىزىن قالاۋشى اكەسى قاسىم تىنىستانوۆ لاتىنعا كوشۋدى قولداعان. الايدا رەپرەسسياعا ۇشىراپ كەتتى. ءبىز ونىڭ ءىسىن جالعاستىرۋىمىز كەرەك. ونىڭ ۇستىنە لاتىن الىپبيىنە كوشۋ ءبىزدى وزگە تۇركىتىلدەس ەلدەرمەن جاقىنداستىرادى جانە اعىلشىن ءتىلىن ۇيرەنۋدى جەڭىلدەتەدى»—دەدى التىنبەك سۋلايمانوۆ. جوگوركۋ كەنەش دەپۋتاتى ايتقان لاتىن ءقارپى جايىن ءبىلىم مينيسترلىگىنە ۇمىتكەر كانىبەك يساكوۆ تا قولدايتىنىن ءبىلدىرىپ، وسى ماسەلە بويىنشا ارى قاراي جۇمىس ىستەيتىنىن جەتكىزدى.
