قارجىلىق مونيتورينگ اگەنتتىگىنىڭ ءتوراعاسى دميتريي مالاحوۆ باستاعان دەلەگاسيا "كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىلدىڭ وزەكتى ماسەلەلەرى" حالىقارالىق عىلىمي-پراكتيكالىق فورۋمىنىڭ جۇمىسىنا قاتىسۋدا. بۇل تۋرالى Ulys اگەنتتىككە سىلتەمە جاساپ حابارلايدى.
اۋقىمدى ءىس-شارا اعىمداعى جىلدىڭ 24-26 ساۋىرىندە نيجنيي نوۆگورود قالاسىندا (رف) وتۋدە. فورۋم اياسىندا رەسەي فەدەراسياسى، ءباا، قحر، ەگيپەت، برازيليا، كۋبا، ارمەنيا رەسپۋبليكاسى، بەلارۋس رەسپۋبليكاسى، قىرعىز رەسپۋبليكاسى، وزبەكستان رەسپۋبليكاسى، تاجىكستان رەسپۋبليكاسى جانە باسقا دا ەلدەردىڭ قارجىلىق بارلاۋ بولىمشەلەرى وسى سالاداعى بارلىق ەلدەرگە ورتاق قاۋىپتەردىڭ الدىن الۋ ماقساتىندا حالىقارالىق ىنتىماقتاستىقتىڭ تەتىكتەرىن، ونىڭ ىشىندە جاڭا تەحنولوگيالاردى قولدانا وتىرىپ، كج/تقق-نىڭ وزەكتى تاۋەكەلدەرى مەن قاۋىپتەرىن تالقىلايدى.
فورۋمدا قما وكىلدەرى قازاقستان رەسپۋبليكاسىنداعى قج/تق-دا ۆيرتۋالدى اكتيۆتەردى پايدالانۋعا قارسى ءىس-قيمىل تاجىريبەسىمەن، سونداي-اق قىلمىستىق اكتيۆتەردى قايتارۋ بويىنشا ەل جۇرگىزىپ جاتقان جۇمىسىمەن بولىسەدى.
د.مالاحوۆ سونىمەن قاتار قارجىلىق بارلاۋ بولىمشەلەرى باسشىلارى كەڭەسىنىڭ 26-شى وتىرىسىنا قاتىستى.
قبببك-عا قاتىسۋشى ەلدەردىڭ قارجىلىق بارلاۋ باسشىلارى كەڭەستىڭ جانە ونىڭ جۇمىس توپتارىنىڭ اعىمداعى جىلعا ارنالعان جوسپارلارىن بەكىتتى، كج/تقق سالاسىنداعى وڭىردەگى جەدەل جاعدايدى، سونداي-اق كج/تق بايلانىستى تاۋەكەلدەردى ازايتۋ جونىندەگى ودان ءارى شارالاردى تالقىلادى.
ايتا كەتەيىك، قبببك – قازاقستان، رەسەي، ارمەنيا، بەلارۋس، قىرعىزستان، وزبەكستان جانە تاجىكستان سياقتى ەلدەردى قامتيتىن تمد-نىڭ سالالىق ورگانى. كەڭەس ازاماتتاردىڭ، قوعامنىڭ، تمد – عا قاتىسۋشى مەملەكەتتەردىڭ قىلمىستىق جولمەن الىنعان كىرىستەردى زاڭداستىرۋ جانە تەرروريزمدى قارجىلاندىرۋ ناتيجەسىندە تۋىندايتىن قاۋىپتەردەن قورعالۋىن قامتاماسىز ەتۋگە ارنالعان.
سونىمەن قاتار، فورۋم اياسىندا قازاقستاندىق دەلەگاسيانىڭ شەت مەملەكەتتەردىڭ قبب باسشىلارىمەن ءبىرقاتار ەكىجاقتى كەزدەسۋلەرى وتكىزىلدى، ولاردىڭ بارىسىندا ىنتىماقتاستىقتىڭ وزەكتى ماسەلەلەرى تالقىلاندى.
