الماتى وبلىسىنىڭ پروكۋراتۋراسى كورسەتىلگەن مەملەكەتتىك قىزمەتتەر ءۇشىن قاراجاتتىڭ تۇسۋىنە جۇرگىزىلگەن تالداۋ قورىتىندىسى بويىنشا «قازپوشتا» اق-دا بيۋدجەت قاراجاتىن جىمقىرۋ فاكتىلەرىن انىقتادى، دەپ حابارلايدى Ulys.
وسى فاكتى بويىنشا پروكۋراتۋرا سوتقا دەيىنگى تەرگەپ-تەكسەرۋدى باستادى، ءىس جۇرگىزۋ الماتى وبلىسىنىڭ ەكونوميكالىق تەرگەپ-تەكسەرۋ دەپارتامەنتىنە بەرىلدى.
تەرگەۋ بارىسىندا «قازپوشتا» اق كاسسيرلەرى تۇبىرتەكتەردى بۇرمالاۋ ارقىلى تولەنگەن مەملەكەتتىك باج سالىعىنىڭ ءبىر بولىگىن زاڭسىز يەمدەنگەنى انىقتالدى. قىلمىستىق سحەما 2021 جىلدان 2023 جىلعا دەيىن ءتولقۇجاتتار مەن جەكە كۋالىكتەردى راسىمدەۋ كەزىندە جۇرگىزىلگەن.
كەلتىرىلگەن زالال سوماسى 80 ملن تەڭگەدەن اسادى. سوت ۇكىمىمەن 2 كاسسير اسا ءىرى مولشەردە (قك-نىڭ 189-بابى 4-بولىگىنىڭ 2-تارماعى) بوتەن ءمۇلiكتi يەمدەنىپ العانى ءۇشىن كىنالى دەپ تانىلىپ، باس بوستاندىعىنان ايىرۋ جانە ماتەريالدىق جاۋاپتى، سونداي-اق باسشىلىق قىزمەتتەردى اتقارۋعا تىيىم سالۋ تۇرىندەگى جازا تاعايىندالدى.
