«KazakhExport» ەسك» اق وزبەكستاندىق ءىرى سۋپەرماركەتتەر جەلىسىمەن ىنتىماقتاستىق
تۋرالى كەلىسىمگە قول قويدى. اتالعان شارا بۇگىن تاشكەنتتە وزبەكستان مەن قازاقستان
اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسياسىنىڭ
18ء-شى وتىرىسى شەڭبەرىندە جۇزەگە استى.
«KazakhExport» ەسك» اق باسپا ءسوز قىزمەتىنىڭ حابارلاۋىنشا، «KazakhExport»
ەكسپورتتىق ساقتاندىرۋ كومپانياسى» اق «Makro» سۋپەرماركەتتەر جەلىسىنىڭ مەنشىك يەسى
بولىپ تابىلاتىن «DARVOZA SAVDO» جشق اراداعى ىنتىماقتاستىق تۋرالى كەلىسىمگە
قول قويدى.
«Makro» - وزبەكستانداعى ءىرى سۋپەرماركەتتەر جەلىسى - وزبەكستان نارىعىندا 2010
جىلدان بەرى جۇمىس ىستەيدى. ونىڭ ەل اۋماعى بويىنشا 53 سۋپەرماركەتى بار، 2019 جىلدىڭ
سوڭىنا دەيىن قوسىمشا 9 ساۋدا ورنى ىسكە قوسىلادى.
قول جەتكىزىلگەن كەلىسىمنىڭ ارقاسىندا قازاقستاندىق كاسىپكەرلەر ءۇشىن ءوز ونىمدەرىن
تولىق كولەمدە وزبەكستان اۋماعىندا ساتۋعا جول اشىلادى.
«ءبىز قازاقستاندىق وندىرۋشىلەردى ىنتىماقتاستىق جاساۋعا شاقىرامىز. وزبەكستان
بانكتەرىمەن جانە ءىرى ساۋدا جەلىسىمەن قول جەتكىزىلگەن كەلىسىمدەردىڭ ارقاسىندا
قازاقستاندىق وڭدەلگەن ءونىم وندىرۋشىلەر ءۇشىن وزبەكستان اۋماعىنداعى ساۋدا جەلىسى
قولجەتىمدى بولادى. ءبىز وزبەك سەرىكتەستەرىمەن بىرلەسىپ ۇسىناتىن قولداۋ قۇرالدارى
وزبەكستان رەسپۋبليكاسىنىڭ پەرسپەكتيۆالىق نارىعىنا شىعۋدى ايتارلىقتاي
جەڭىلدەتەدى»، - دەپ اتاپ ءوتتى «KazakhExport» ەكسپورتتىق ساقتاندىرۋ كومپانياسى» اق
باسقارما ءتوراعاسى رۋسلان يسكاكوۆ.
سونىمەن قاتار، «KazakhExport» ەسك» اق «Turonbank» اكب، «يپوتەكا-بانك»
اكيب جانە «TengeBank» اكب اراداعى ىنتىماقتاستىق تۋرالى كەلىسىمگە قول قويدى.
«KazakhExport» ەسك» اق مەن وزبەك بانكتەرى بىرلەسىپ وزبەكستان مەن قازاقستان
كاسىپكەرلەرىنە 70 ملن. اقش دوللارى شاماسىندا قارجىلىق قولداۋ كورسەتۋگە
ۋاعدالاستى.
قول جەتكىزىلگەن ۋاعدالاستىقتار قازاقستاننان وزبەكستانعا شيكىزاتتىق ەمەس
ەكسپورتتى دامىتۋعا مۇمكىندىك بەرەدى جانە قازاقستاندىق ءونىمدى يمپورتتاۋشىلار ءۇشىن
وزبەكستانداعى ارزان نەسيە رەسۋرستارىن قولجەتىمدى ەتەدى.
2018 جىلى KazakhExport وزبەكستانعا كونديتەرلىك ونىمدەردى، سىرنە، ءىقم ەتىن جانە
قۇرىلىس ماتەريالدارىن جەتكىزۋ بويىنشا 6 قازاقستاندىق ەكسپورتتاۋشىنىڭ
كەلىسىمشارتتارىنا قولداۋ كورسەتتى. 2019 جىلدىڭ 5 ايى ىشىندە اتالعان ونىمدەردەن باسقا،
وزبەكستانعا كۇنباعىس مايىن، پوليمەرلىك ونىمدەردى، مينەرالدى ماقتا، كوكس جەتكىزۋ
بويىنشا KazakhExport ۇسىناتىن قولداۋ باعدارلاماسىن 8 قازاقستاندىق كاسىپورىن
پايدالاندى. 2019 جىلعى كەلىسىمشارتتاردىڭ سوماسى 3 ملرد. تەڭگەدەن استى.
قازىرگى ۋاقىتتا KazakhExport وزبەكستان بانكتەرىنىڭ قاتىسۋىمەن 6 ملرد.تەڭگەدەن
استام سوماعا ەكى ەلدىڭ كاسىپكەرلەرى اراسىنداعى پەرسپەكتيۆالىق كەلىسىمشارتتاردى جۇزەگە
اسىرۋ جۇمىسى جۇرگىزىلۋدە.
KazakhExport وزبەكستاندا
تاشكەنتتە KazakhExport شەتەلدىك وكىلدىگى جۇمىس ىستەيدى. ونىڭ مىندەتى - وزبەكستان مەن
قازاقستاننىڭ بيزنەس-قوعامداستىعىمەن بايلانىس ورناتۋ، سونداي-اق ەكى ەلدىڭ شيكىزاتتىق
ەمەس سەكتورىنداعى كاسىپكەرلەردى جانە قارجى قۇرىلىمدارىن بيزنەستى قولداۋ قۇرالدارى
مەن دامىتۋ پەرسپەكتيۆالارى تۋرالى اقپاراتتاندىرۋ.
وزبەكستان بانكتەرىمەن ىنتىماقتاستىق
2019 جىلدىڭ ناۋرىز ايىنان باستاپ وزبەكستانعا جەتكىزۋ ءۇشىن قازاقستاننان ءونىم ساتىپ
الاتىن وزبەكستان بيزنەسمەندەرىن قارجىلاندىرۋ جانە قازاقستاندىق وندىرۋشىلەردى
ساقتاندىرۋ سالاسىندا ۇزاق مەرزىمدى ىنتىماقتاستىققا باعىتتالعان KazakhExport جانە
«الوكا بانك» اق مەن «كيشلوك كۋريليش بانك» اق اراسىنداعى ستراتەگيالىق سەرىكتەستىك
تۋرالى كەلىسىم ارەكەت ەتەدى.
وزبەكستانعا ەكسپورتتاۋ
KazakhExport وزبەك بانكتەرىنىڭ قولداۋىمەن ەكسپورتتىق ساۋدالىق قارجىلاندىرۋ اياسىندا
كراحمال سىرنەسىن، كونديتەرلىك ونىمدەردى، پوليمەرلىك ونىمدەردى، سونداي-اق قازاقستاندا
وندىرىلگەن قۇرىلىس ماتەريالدارىن وزبەكستان رەسپۋبليكاسىنا جەتكىزۋ بويىنشا
قازاقستاندىق ەكسپورتتاۋشىلارعا قولداۋ كورسەتتى.