قىرعىزستان باسشىسى جاپاروۆ كەشە استاناعا كەلدى. ەكى ەل باسشىلارى ەكى كۇندىك كەزدەسۋدە ەكونوميكالىق، كولىك-لوگيستيكالىق، مادەني جانە باسقا بايلانىستى ارتتىرۋ بويىنشا كەلىسسوزدەر وتكىزىپ، كەلىسىمدەر جاساسۋدا.

قىرعىزستان قازىرگى الاپات سۋ تاسقىنىندا العاش بولىپ كومەك قولىن سوزعان ەل. “كومەك سۇراماسا دا كومەكتەسىمىز” دەپ، گۋمانيتارلىق جۇك جىبەردى. ارتىنشا تاعى دا فۋرالار كەلىپ جاتتى. قازاقستان دا قىرعىزستانعا جىل سايىن گۋمانيتارلىق كومەك كورسەتۋمەن كەلەدى. مىڭداعان توننا ۇن، قۇرىلىس ماتەريالدارى، ءوق-دارى جانە باسقا بەرىپ كەلەمىز. ياعني ەكى ەل بىر-بىرىنە قول ۇشىن سوزۋمەن كەلەدى، بۇل جاقسى ءۇردىس.

قازاقستانعا قىرعىزستانمەن جاقسى بايلانىس كەرەك، قىرعىزستانعا قازاقستانمەن جاقسى بايلانىس كەرەك.

ءقازىر ەلىمىزدە سۋ تاسقىنى. ءبىراق الداعى 2-3 ايدا جاعداي 180 گرادۋسقا وزگەرۋى ىقتيمال، ءسويتىپ تاسقىندى تاپشىلىق باسۋى مۇمكىن. سۋ تاپشىلىعى. سول ءۇشىن قازىردەن باستاپ جازداعى جاعدايدى ويلاپ، كەلىسىمدەردى ءبىر قۋاتتاپ الۋ قاجەت. وتكەن جازدا جامبىلدىڭ، وڭتۇستىكتىڭ كەنەزەسى كەۋىپ قالىپ ەدى. بىشكەك “سۋ ماسەلەسى بيىل بولمايدى” دەدى. بولماسىن. بولدىرماۋ ءۇشىن وسىنداي باۋىرلاستىق فورماتتاعى كەزدەسۋلەر كەرەك. قازاقستان قىرعىزستانداعى سۋ ستانسيالارىن مودەرنيزاسيالاۋ جوبالارىنا قاتىسىپ كەلەدى، باستى ماقسات بىزگە بەرىلەتىن سۋدى ازايتىپ الماۋ.

ال قىرعىزستان ءۇشىن شەكارادا ماسەلە بولماۋى قاجەت. ول ءۇشىن دە وسىنداي كەزدەسۋلەر قاجەت. قازاقستان - قىرعىزستاننىڭ “ەكونوميكالىق قاقپاسى” دەگەن ءسوز تەگىن ايتىلمايدى عوي. قازاقستان قىرعىزستاننىڭ ازىق-تۇلىك قاۋىپسىزدىگىندە دە ماڭىزدى ءرول وينايدى. اسىرەسە استىق بويىنشا. سۋ تاسقىنى استىقتى ولكەمىزدە بولىپ جاتىر عوي، سوعان دا الاڭداۋشىلىق تانىتىپ وتىرعانى انىق.

قىسقاسى قازاق-قىرعىز بايلانىسى، دوستىعى ارتا بەرسىن!

دەرەككوزى: paranoiakz