قازاقستاندىق داۆيد دەگتياريەۆ پاريجدەگى پاراليمپيادا ويىندارىنىڭ چەمپيونى اتاندى، دەپ حابارلايدى Olympic.kz.
ول پاۋەرليفتينگتەن 54 كەلىگە دەيىنگى سالماق دارەجەسىندە توپ جاردى. ونىڭ ەڭ ۇزدىك ناتيجەسى – 188 كەلى.
ايتا كەتەلىك، دەگتياريەۆ ءوز مانسابىندا ەكىنشى رەت پاراليمپيادا ويىندارىندا جەڭىسكە جەتىپ وتىر. بۇعان دەيىن ول توكيوداعى پارا ويىنداردا توپ جارعان ەدى.
قازاقستان قۇراماسىنىڭ ەنشىسىندە ەكى مەدال بار. بۇعان دەيىن مەرگەن ەركىن عابباسوۆ كۇمىس جۇلدە ەنشىلەگەن.
مەملەكەت باسشىسى قاسىم-جومارت توقايەۆ تۋريزم جانە سپورت ءمينيسترى ەرمەك مارجىقپايەۆتى قابىلدادى، دەپ حابارلايدى Ulys اقورداعا سىلتەمە جاساپ.
ەرمەك مارجىقپايەۆ پرەزيدەنتكە قازاقستان قۇراماسىنىڭ ءحححىىى جازعى وليمپيادا ويىندارىنا دايىندىعى تۋرالى ەسەپ بەرگەن.
دەرەككوزگە سۇيەنسەك، قازاقستان ۇلتتىق قۇراماسى سپورتتىڭ 25 تۇرىنەن 92 ليسەنزيا يەلەنگەن. پاريجدە بارلىعى 80 سپورتشى ەل نامىسىن قورعايدى.
«مەملەكەت باسشىسى وليمپيادا ويىندارىنىڭ سپورتشىلارىمىزعا زور جاۋاپكەرشىلىك جۇكتەيتىنىن اتاپ ءوتتى. سونداي-اق قازاقستان قۇراماسى الەم الدىندا مادەنيەتتى، ۇستامدى ءارى وزىق ۇلگىلەرىمەن ەرەكشەلەنۋگە ءتيىس ەكەنىنە نازار اۋداردى»، - دەلىنگەن حابارلامادا.
قازاقستان ۇوك باس حاتشىسىنا قاتىستى رەسمي مالىمدەمە جاريالاندى، دەپ حابارلايدى Ulys.
قازاقستان ۇلتتىق وليمپيادالىق كوميتەتى پرەزيدەنتىنىڭ بۇيرىعىمەن باس حاتشىنىڭ سەنىمحات نەگىزىندە بەرىلگەن وكىلەتتىگى جويىلدى.
«سەنىمىنىڭ جوعالۋىنا بايلانىستى جانار وتەشيەۆانى باس حاتشى رەتىندە اتقارۋشى كوميتەت قۇرامىنان شىعارۋ ماسەلەسى باس اسسامبلەيا مۇشەلەرىنىڭ قاراۋىنا شىعارىلادى»، - دەلىنگەن مالىمدەمەدە.
ەسكە سالساق، جانار وتەشوۆا گولوۆكين كاسىپقوي بوكس رينگىنە شىعىپ جۇرگەندە كومانداسىنىڭ باسپا ءسوز حاتشىسى بولعان. 2022 جىلدىڭ ورتاسىنا دەيىن ۇوك باسپا ءسوز جانە PR دەپارتامەنتىن باسقارعان ەدى.
قازاقستاندىق پارا سپورتشى ەركىن عابباسوۆ پاراليمپيادا ويىندارىنىڭ كۇمىس جۇلدە الدى، دەپ حابارلايدى Ulys پاراليمپيادالىق كوميتەتكە سىلتەمە جاساپ.
فينالدا R1 كلاسسىندا ۆينتوۆكامەن 10 مەترگە پارا نىسانا كوزدەۋدەن سىنعا تۇسكەن وتانداسىمىز 247.7 ۇپاي جيناپ، كۇمىس جۇلدە جەڭىپ الدى.
التىن مەدالدى 249.4 ۇپاي جيناعان كورەيا سپورتشىسى پارك دج، ال قولا مەدال 226 ۇپاي جيناعان دانيا ەلىنىڭ سپورتشىسى ەنشىلەدى.
