ۆاليۋتا باعامى
  • USD -

    518.9
  • EUR -

    587
  • RUB -

    6.23
قازاقستان ۇكىمەت باسشىسى وزبەكستان پرەزيدەنتىمەن  كەزدەستى
02 قاراشا 2019
قازاقستان ۇكىمەت باسشىسى وزبەكستان پرەزيدەنتىمەن كەزدەستى

بۇگىن تاشكەنت قالاسىندا ق ر پرەمەر-مينيسترى اسقار مامين وزبەكستان پرەزيدەنتى شاۆكات ميرزيەيەۆپەن كەزدەستى. بۇل تۋرالى ەلىمىزدىڭ ۇكىمەت باسشىسىنىڭ باسپا ءسوز قىزمەتى حابارلادى.   

 

«ق ر تۇڭعىش پرەزيدەنتى – ەلباسى نۇرسۇلتان نازاربايەۆ سىزبەن بىرگە قازاقستان مەن وزبەكستان اراسىنداعى ەكىجاقتى قاتىناستاردى ستراتەگيالىق ىنتىماقتاستىقتىڭ جاڭا دەڭگەيىنە شىعارۋعا نەگىز سالدى. مەملەكەت باسشىسى قاسىم-جومارت توقايەۆ سىرتقى ساياساتتىڭ ساباقتاستىعىن ساقتايدى جانە ەكىجاقتى ىنتىماقتاستىقتى نىعايتۋعا ەرەكشە نازار اۋدارادى»، — دەدى ا. مامين. ۇكىمەت باسشىسى بۇگىندە قازاقستان–وزبەكستان قارىم-قاتىناسى ىنتىماقتاستىقتىڭ ساپالى جوعارى دەڭگەيىنە شىققانىن اتاپ ءوتتى. مۇنى بارلىق دەرلىك دەڭگەيلەردەگى ءوزارا ارەكەتتەسۋ قارقىنى دالەلدەيدى.

كەلىسسوزدەر بارىسىندا ساۋدا-ەكونوميكالىق، ينۆەستيسيالىق، ەنەرگەتيكالىق، ترانزيتتىك-كولىك، قۇرىلىس، توقىما، اۆتوموبيل جاساۋ، مادەني-گۋمانيتارلىق، تۋريستىك جانە باسقا دا سالالارداعى ىنتىماقتاستىقتى ودان ءارى دامىتۋ بويىنشا كەڭ اۋقىمدى ماسەلەلەر تالقىلاندى.

2019 جىلعى 9 ايدىڭ قورىتىندىسى بويىنشا ق ر مەن ءور اراسىنداعى ءوزارا ساۋدا-ساتتىق 25%-عا $2،6 ملرد دەيىن ءوستى. الداعى جىلدارى تاۋار اينالىمىن $5 ملرد دەيىن جەتكىزۋ جوسپاردا بار.

ەرتەڭ ق ر پرەمەر-مينيسترى اسقار مامين شانحاي ىنتىماقتاستىق ۇيىمىنا (شىۇ) مۇشە مەملەكەتتەردىڭ ۇكىمەت باسشىلارى كەڭەسىنىڭ (ۇبك) وتىرىسىنا قاتىسادى.

 

سۋرەتتەر primeminister.kz سايتىنان الىندى.

RELATED NEWS
 قازاقستان مەن وزبەكستان اراسىنداعى بايلانىستار تۇبەگەيلى وزگەردى - توقايەۆ
08 تامىز 2024
قازاقستان مەن وزبەكستان اراسىنداعى بايلانىستار تۇبەگەيلى وزگەردى - توقايەۆ

قازاقستان مەن وزبەكستان پرەزيدەنتتەرى شاعىن قۇرامدا كەلىسسوز جۇرگىزدى، دەپ حابارلايدى اقوردا.

كەلىسسوز الدىندا اقوردادا ەلىمىزگە مەملەكەتتىك ساپارمەن كەلگەن وزبەكستان پرەزيدەنتىن سالتاناتتى قارسى الۋ ءراسىمى ءوتتى.

قاسىم-جومارت توقايەۆ پەن شاۆكات ميرزيويەۆ بىر-بىرىنە رەسمي دەلەگاسيا مۇشەلەرىن تانىستىردى. قۇرمەت قاراۋىلىنىڭ باستىعى مەملەكەتتەر باسشىلارىنا راپورت بەرىپ، ەكى ەلدىڭ ءانۇراندارى شىرقالدى. سودان كەيىن پرەزيدەنتتەر شاعىن قۇرامدا كەلىسسوز جۇرگىزدى.

مەملەكەت باسشىسى وزبەكستان پرەزيدەنتىنە ءىلتيپات بىلدىرە وتىرىپ، بۇل ساپار ەكى ەل اراسىنداعى ىنتىماقتاستىق پەن وداقتاستىقتى دامىتۋعا تىڭ سەرپىن بەرەتىنىن ايتتى.

– قازاقستان حالقى ءسىزدىڭ بۇگىنگى ساپارىڭىزعا ۇلكەن ءمان بەرىپ وتىرعانىن اتاپ وتكىم كەلەدى. مۇنىڭ ءوزى كوپ دۇنيەدەن حابار بەرەدى. جالپى، سوڭعى جىلدارى قازاقستان مەن وزبەكستان اراسىنداعى بايلانىستار جاقسى جاعىنا قاراي تۇبەگەيلى وزگەردى. ەكى ەل ىنتىماقتاستىعىن ناقتى مازمۇنمەن تولىقتىرۋعا بار كۇش-جىگەرىمىزدى سالامىز. بۇگىن ءبىز مەملەكەتتەرىمىز اراسىنداعى ىنتىماقتاستىق پەن وداقتاستىقتىڭ نەگىزگى باعىتتارىن ايقىندايتىن قۇجاتتارعا قول قويامىز. سوندىقتان بۇل ساپاردىڭ ءجونى بولەك، – دەدى قازاقستان پرەزيدەنتى.

ءوز كەزەگىندە وزبەكستان پرەزيدەنتى كورسەتكەن سىي-قۇرمەتى ءۇشىن قاسىم-جومارت توقايەۆقا العىس ايتىپ، قازاقستانعا جاساعان مەملەكەتتىك ساپارىنىڭ ماڭىزىنا توقتالدى.

– بۇل ساپار تاريحي مانگە يە. بۇگىنگى كەزدەسۋىمىز ەكى حالىق اراسىنداعى سان عاسىرعا جالعاسقان دوستىق جانە تاتۋ كورشىلىك قاتىناستاردىڭ ءتىنىن نىعايتا ءتۇسىپ، ستراتەگيالىق سەرىكتەستىك پەن وداقتاستىق بايلانىستاردى جاڭا دەڭگەيگە كوتەرەدى، – دەدى شاۆكات ميرزيويەۆ.

كەلىسسوز بارىسىندا تاراپتار ساياسي، ساۋدا-ەكونوميكالىق، كولىك-ترانزيت، ينۆەستيسيا، ەنەرگەتيكا، اۋىل شارۋاشىلىعى، سۋ رەسۋرستارى، مادەني-گۋمانيتارلىق جانە ونەركاسىپ كووپەراسياسى سالالارىنداعى ىقپالداستىقتى ودان ءارى نىعايتۋ پەرسپەكتيۆالارىن تالقىلادى. سونداي-اق وڭىرلىك جانە حالىقارالىق كۇن تارتىبىندەگى ماسەلەلەردى قاراستىردى.

پرەزيدەنتتەر قازاق-وزبەك قاتىناستارى بارلىق باعىت بويىنشا وركەندەپ كەلە جاتقانىن اتاپ ءوتتى.

قازاقستان مەن وزبەكستان پرەزيدەنتتەرى تەلەفون ارقىلى سويلەستى
23 ءساۋىر 2024
قازاقستان مەن وزبەكستان پرەزيدەنتتەرى تەلەفون ارقىلى سويلەستى

مەملەكەت باسشىسى وزبەكستان پرەزيدەنتى شاۆكات ميرزيويەۆپەن تەلەفون ارقىلى سويلەستى، دەپ حابارلايدى اقوردا.

قاسىم-جومارت توقايەۆ ەلىمىزدىڭ ءبىرقاتار وڭىرىندە بولعان سۋ تاسقىنىنا بايلانىستى تىلەۋلەستىك تانىتىپ، كومەك كورسەتكەنى ءۇشىن شاۆكات ميرزيويەۆكە جانە باۋىرلاس وزبەكستان حالقىنا العىس ايتتى.

پرەزيدەنتتەر قازاق-وزبەك ستراتەگيالىق سەرىكتەستىگىن ودان ءارى نىعايتۋ، سونداي-اق بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرىن تالقىلادى. تاراپتار ەكىجاقتى قاتىناستار مەن وڭىرلىك دەڭگەيدەگى كووپەراسيانىڭ قارقىندى دامىپ كەلە جاتقانىنا نازار اۋداردى.

سونىمەن قاتار مەملەكەتتەر باسشىلارى ايماقتىق جانە حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.

بۇعان دەيىن وزبەكستان رەسپۋبليكاسىنان قازاقستانعا 15 جۇك كولىگىنە تيەلگەن گۋمانيتارلىق كومەك كەلگەنىن جازعان بولاتىنبىز.

توقايەۆ وزبەكستان پرەزيدەنتىنىڭ قىزى ءارى كومەكشىسى سايدا ميرزيويەۆانى قابىلدادى
05 تامىز 2024
توقايەۆ وزبەكستان پرەزيدەنتىنىڭ قىزى ءارى كومەكشىسى سايدا ميرزيويەۆانى قابىلدادى

مەملەكەت باسشىسى قاسىم-جومارت توقايەۆ اقوردادا وزبەكستان پرەزيدەنتىنىڭ كومەكشىسى سايدا ميرزيويەۆانى قابىلدادى، دەپ حابارلايدى اقوردا.

ايتا كەتەيىك، بىرنەشە كۇننەن كەيىن ەلىمىزگە وزبەكستاننىڭ پرەزيدەنتى، سايدا ميرزيويەۆانىڭ اكەسى شاۆكات ميرزيويەۆ كەلەدى.

ال، بۇگىن اقوردا حابارلاعانداي، توقايەۆ پەن ميرزيويەۆا كەزدەسۋ بارىسىندا ەكى ەل اراسىنداعى كوپجاقتى سەرىكتەستىكتى ودان ءارى ىلگەرىلەتۋگە قاتىستى وزەكتى ماسەلەلەردى تالقىلادى

«قاسىم-جومارت توقايەۆ قازاقستان مەن وزبەكستاننىڭ وداقتاستىق ءارى ستراتەگيالىق سيپاتتاعى قارىم-قاتىناسىن اتاپ ءوتىپ، جوعارى دەڭگەيدەگى ساياسي ديالوگتىڭ تيىمدىلىگىن ارتتىرا ءتۇسۋ ءۇشىن ەكى ەل پرەزيدەنتىنىڭ اكىمشىلىكتەرى اراسىنداعى تىعىز بايلانىستى جولعا قويۋ ماڭىزدى ەكەنىنە نازار اۋداردى»، - دەلىنگەن اقوردا حابارلاماسىندا.

بۇگىن اقوردادا توقايەۆ استانادا وسى حالىقارالىق «زاكوۆات» ينتەللەكتۋالدىق ويىنىنىڭ وتكىزىلۋىنە قولداۋ ءبىلدىرىپ، مۇنداي ءىس-شارالار حالىقتارىمىزدىڭ اراسىن جاقىنداتا تۇسەتىنىن اتاپ وتكەن.

ءبىز تۋرالى
ulys.kz — اقپاراتتىق، ساراپتامالىق جانە تانىمدىق باعىتتاعى ماتەريالداردى بەرەدى.
 
مۋلتيمەديالىق جوبا زامان تالابىنا ساي جاسالعان. قازاقستاننىڭ اقپاراتتىق نارىعىن ساپالى
كونتەنتپەن قامتاماسىز ەتۋگە ۇلەس قوسۋعا باعىتتالعان. مۇنداعى ساراپتامالىق، تانىمدىق
ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق
قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق
وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق
وقىرماندارىنا جەتكىزىلەدى. ورتالىق ازيا مەن تۇركى الەمىنە ەرەكشە كوڭىل بولىنەدى.