بۇگىن الماتى قالاسىندا تمد ەلدەرىنىڭ سالىقتىق (قارجىلىق) تەرگەۋ ورگاندارى باسشىلارىنىڭ ۇيلەستىرۋ كەڭەسىنىڭ (ستوبۇك) 23-وتىرىسى ءوتتى.
وتىرىسقا ازەربايجان، ارمەنيا، بەلارۋس، قىرعىزستان، رەسەي، تاجىكستان مەن وزبەكستاننىڭ سالىقتىق (قارجىلىق) تەرگەۋ ورگاندارىنىڭ باسشىلارى قاتىستى.
سونىمەن قاتار جيىنعا تمد اتقارۋشى كوميتەتىنىڭ باس حاتشىسىنىڭ ورىنباسارى سەيىتىموۆ نۇرلان مۇساتايەۆيچتىڭ باسشىلىعىمەن دەلەگاسيا دا قاتىستى.
جيىندى قارجىلىق مونيتورينگ اگەنتتىگىنىڭ ءتوراعاسى جانات ەليمانوۆ اشتى.
ستوبۇك وتىرىسىندا ءتوراعالىقتىڭ بەلارۋستەن قازاقستانعا اۋىساتىنى جاريالاندى.
كەڭەس ءتوراعاسى بولىپ ق ر قما ءتوراعاسىنىڭ ورىنباسارى قايرات بيجانوۆ، ال تەڭ ءتوراعالار رەتىندە سالىقتىق (قارجىلىق) تەرگەۋ ورگاندارىنىڭ باسشىلارى بەلارۋس رەسپۋبليكاسىنان اندرەي سامبۋك پەن ارمەنيا رەسپۋبليكاسىنان ۆاان چارحيفالاكيان سايلاندى.
قاتىسۋشىلار تمد مەملەكەتتەرىنىڭ سالىقتىق تەرگەۋ ورگاندارىنىڭ ەكونوميكالىق قاۋىپسىزدىكتى قامتاماسىز ەتۋ قىزمەتىن جانە الداعى كەزەڭگە ارنالعان جۇمىس جوسپارلارىن تالقىلادى.
باسقوسۋدا ۆەدومستۆوارالىق ءوزارا ءىس-قيمىل مەحانيزمدەرى جانە ەكونوميكالىق قۇقىق بۇزۋشىلىقتارمەن، سونىڭ ىشىندە زاڭسىز اقشا اينالىمى، زاڭسىز ويىن بيزنەسىمەن كۇرەس سالاسىنداعى ىنتىماقتاستىقتى نىعايتۋ ماسەلەلەرى قارالدى.
دەلەگاسيا باسشىلارى سيفرلىق اكتيۆتەردى، كريپتوۆاليۋتالاردى پايدالانۋ ارقىلى جاسالاتىن قىلمىستارعا، سونداي-اق ينتەرنەت-الاياقتىققا، قارجىلىق پيراميدالارعا جانە دروپپەرلەرگە قارسى كۇرەس بويىنشا تاجىريبەلەرىمەن ءبولىستى.
كەڭەس مۇشەلەرى ءۇشىن كۇن تارتىبىندەگى ەرەكشە ماسەلە ەكسترەميزم مەن تەرروريزمدى قارجىلاندىرۋعا بايلانىستى قىلمىستارمەن كۇرەس بويىنشا قابىلدانىپ جاتقان شارالاردى جانە ىنتىماقتاستىقتى تالقىلاۋ بولدى.
سونىمەن قاتار، تاراپتار كەڭەسكە قاتىسۋشى ەلدەردەگى كادرلىق قىزمەتكەرلەردىڭ ءبىلىمىن جانە كاسىبي داعدىلارىن ارتتىرۋ ماسەلەلەرىنە ەرەكشە نازار اۋداردى.
جاڭادان سايلانعان ءتوراعا قايرات بيجانوۆ قازاقستان كەڭەس الدىنا قويىلعان مىندەتتەردى ورىنداۋ ءۇشىن بار كۇش-جىگەرىن سالاتىنىن جانە ىنتىماقتاستىقتىڭ باسىم باعىتتارىن بارىنشا ءتيىمدى جۇزەگە اسىرۋعا ۇمتىلاتىنىنىن اتاپ ءوتتى.
قورىتىندىلاي كەلە، قاتىسۋشىلار كەڭەستىڭ جاڭا حاتشىلىق قۇرامىن انىقتاپ، قابىلدانعان شەشىمدەردى قورىتىندى حاتتامادا بەكىتتى.
ەسكە سالا كەتسەك، ۇيلەستىرۋ كەڭەسى تمد مەملەكەتتەرىنىڭ سالىقتىق (قارجىلىق) تەرگەۋ ورگاندارى باسشىلارىنىڭ شەشىمىمەن 1999 جىلدىڭ 20 قازانىندا سالىقتىق (قارجىلىق) زاڭنامانى بۇزۋمەن كۇرەس سالاسىنداعى ۇيلەستىرىلگەن ستراتەگيانى ازىرلەۋ، قىزمەتتى ۇيلەستىرۋ جانە ىنتىماقتاستىقتى نىعايتۋ ماقساتىندا قۇرىلعان.
بۇل قازاقستاندا وتكىزىلگەن كەڭەستىڭ ءتورتىنشى وتىرىسى. بۇعان دەيىن كەڭەس وتىرىسى قازاقستاندا 2005، 2010 جانە 2015 جىلدارى وتكەن.
