قاسىم-جومارت توقايەۆ پەن ەمومالي راحمونعا ەلەكتروندىق ۇكىمەت سالاسىنداعى ىنتىماقتاستىق تۋرالى ەسەپ بەرىلدى، دەپ حابارلايدى اقوردا.

پرەزيدەنتتەرگە بيىل ەكى ەلدىڭ ماماندارى ينتەرنەت-رەسۋرستاردىڭ ءبىرىڭعاي پلاتفورماسى مەن SmartBridge جۇيەلەرىنىڭ نەگىزگى كومپونەنتتەرىن تاجىكستان سەرۆەرلەرىندە ءساتتى ورنالاستىرعانى جونىندە باياندالدى.

قازاقستاننىڭ سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ پەن تاجىكستاننىڭ يننوۆاسيالار جانە سيفرلىق تەحنولوگيالار اگەنتتىگىنىڭ ديرەكتورى ميرزو حۋرشەد تاجىك ماماندارىنىڭ ارنايى وقۋ كۋرسىنان وتكەنىن جەتكىزدى. ءقازىر تاجىكستاننىڭ مەملەكەتتىك ورگاندارىنا ارنالعان سايتتاردى ازىرلەۋ جۇمىستارى قولعا الىنىپ، IT-شەشىمدەردى ينتەگراسيالاۋ ءىسى ەگجەي-تەگجەيلى پىسىقتالىپ جاتىر.

قاسىم-جومارت توقايەۆ پەن ەمومالي راحمونعا مەملەكەتتىك قىزمەتتەردىڭ قولجەتىمدىلىگىن جانە تيىمدىلىگىن ارتتىرۋ ءۇشىن جاساندى ينتەللەكت تەحنولوگيالارىن پايدالانۋ مۇمكىندىكتەرى جايىندا مالىمەت بەرىلدى. بۇل ەكى ەل اراسىنداعى ىنتىماقتاستىقتىڭ ەڭ پەرسپەكتيۆتى باعىتىنىڭ ءبىرى بولماق.

بۇدان بولەك، قازاقستان پرەزيدەنتىنىڭ تاجىكستانعا مەملەكەتتىك ساپارى اياسىندا ءبىرقاتار ماڭىزدى قۇجاتقا قول قويىلدى:  

1. قازاقستان رەسپۋبليكاسى ورتالىق سايلاۋ كوميسسياسى مەن تاجىكستان رەسپۋبليكاسىنىڭ ورتالىق سايلاۋ جانە رەفەرەندۋم جونىندەگى كوميسسياسى اراسىنداعى ءوزارا تۇسىنىستىك تۋرالى مەموراندۋم؛

2. قازاقستان رەسپۋبليكاسى ونەركاسىپ جانە قۇرىلىس مينيسترلىگى مەن تاجىكستان رەسپۋبليكاسى ونەركاسىپ جانە جاڭا تەحنولوگيالار مينيسترلىگى اراسىنداعى ونەركاسىپ سالاسىنداعى ىنتىماقتاستىق تۋرالى مەموراندۋم؛

3. قازاقستان رەسپۋبليكاسى ەنەرگەتيكا مينيسترلىگى مەن تاجىكستان رەسپۋبليكاسى ەنەرگەتيكا جانە سۋ رەسۋرستارى مينيسترلىگى اراسىنداعى مۇناي-گاز سالاسىنداعى ءوزارا تۇسىنىستىك جانە ىنتىماقتاستىق تۋرالى مەموراندۋم؛

4. قازاقستان رەسپۋبليكاسى اۋىل شارۋاشىلىعى مينيسترلىگى مەن تاجىكستان رەسپۋبليكاسى اۋىل شارۋاشىلىعى مينيسترلىگى اراسىنداعى اۋىل شارۋاشىلىعىن يننوۆاسيالىق جانە سيفرلىق دامىتۋ، كادرلاردى دايارلاۋ جانە قايتا دايارلاۋ سالاسىنداعى ءوزارا تۇسىنىستىك تۋرالى مەموراندۋم؛

5. قازاقستان رەسپۋبليكاسى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى مەن تاجىكستان رەسپۋبليكاسى پرەزيدەنتى جانىنداعى يننوۆاسيالار جانە سيفرلىق تەحنولوگيالار اگەنتتىگى اراسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋم؛ 

6. قازاقستان رەسپۋبليكاسى مادەنيەت جانە اقپارات مينيسترلىگى مەن تاجىكستان رەسپۋبليكاسى ۇكىمەتى جانىنداعى تەليەۆيزيا جانە راديو كوميتەتى اراسىنداعى ىنتىماقتاستىق تۋرالى مەموراندۋم؛

7. قازاقستان رەسپۋبليكاسى ونەركاسىپ جانە قۇرىلىس مينيسترلىگى مەن تاجىكستان رەسپۋبليكاسى ۇكىمەتى جانىنداعى ساۋلەت جانە قۇرىلىس كوميتەتى اراسىنداعى قۇرىلىس سەكتورىندا اقپاراتتىق-كوممۋنيكاسيالىق تەحنولوگيالاردى دامىتۋ بويىنشا ىنتىماقتاستىق تۋرالى مەموراندۋم؛

8. قازاقستان رەسپۋبليكاسى اۋىل شارۋاشىلىعى مينيسترلىگى مەن تاجىكستان رەسپۋبليكاسى ۇكىمەتى جانىنداعى ازىق-تۇلىك قاۋىپسىزدىگى كوميتەتى اراسىنداعى ۆەتەريناريا سالاسىنداعى ىنتىماقتاستىق جونىندەگى ءوزارا تۇسىنىستىك تۋرالى مەموراندۋم؛

9. قازاقستان رەسپۋبليكاسى تۋريزم جانە سپورت مينيسترلىگى مەن تاجىكستان رەسپۋبليكاسى ۇكىمەتى جانىنداعى جاستار ءىسى جانە سپورت كوميتەتى اراسىنداعى دەنە شىنىقتىرۋ جانە سپورت سالاسىنداعى ىنتىماقتاستىقتىڭ 2025-2027 جىلدارعا ارنالعان باعدارلاماسى؛

10. قازاقستان رەسپۋبليكاسى ساۋدا جانە ينتەگراسيا مينيسترلىگى مەن تاجىكستان رەسپۋبليكاسى ۇكىمەتى جانىنداعى ستاندارتتاۋ، مەترولوگيا، سەرتيفيكاتتاۋ جانە ساۋدا ينسپەكسياسى اگەنتتىگى اراسىنداعى ستاندارتتاۋ، مەترولوگيا جانە سايكەستىكتى باعالاۋ سالاسىنداعى ىنتىماقتاستىق تۋرالى مەموراندۋم؛

11. قازاقستان رەسپۋبليكاسى الماتى وبلىسى اكىمدىگى مەن تاجىكستان رەسپۋبليكاسى حاتلون وبلىسى مەملەكەتتىك بيلىكتىڭ اتقارۋشى ورگانى اراسىنداعى ساۋدا-ەكونوميكالىق، عىلىمي-تەحنيكالىق، گۋمانيتارلىق جانە مادەني ىنتىماقتاستىق تۋرالى مەموراندۋم؛

12. قازاقستان رەسپۋبليكاسى ادىلەت مينيسترلىگى مەن تاجىكستان رەسپۋبليكاسى ۇكىمەتى جانىنداعى اتقارۋ قىزمەتى اراسىنداعى سوت اكتىلەرى مەن باسقا ورگانداردىڭ اكتىلەرىن ورىنداۋ بويىنشا ىنتىماقتاستىق تۋرالى مەموراندۋم؛

13. «قازاقستان تەمىر جولى» ۇك» اكسيونەرلىك قوعامى مەن «روحي وحاني توچيكيستون» مەملەكەتتىك ۋنيتارلىق كاسىپورنى اراسىنداعى ىنتىماقتاستىق تۋرالى مەموراندۋم؛
14. «قازاتومونەركاسىپ» ۇلتتىق اتوم كومپانياسى» اكسيونەرلىك قوعامى مەن «تاجىك سيرەك مەتالدارى» مەملەكەتتىك ۋنيتارلىق كاسىپورنى اراسىنداعى ءوزارا تۇسىنىستىك تۋرالى مەموراندۋم؛

15. «اسسامبلەيا جاستارى» رەسپۋبليكالىق قوعامدىق بىرلەستىگى مەن «تاجىكستان جاستار وداعى» قوعامدىق ۇيىمى اراسىنداعى ىنتىماقتاستىق تۋرالى مەموراندۋم.

قاسىم-جومارت توقايەۆ تاجىكستان رەسپۋبليكاسىنا مەملەكەتتىك ساپارمەن بارعانىن جازعان بولاتىنبىز.

ساپار اياسىندا شاعىن قۇرامدا جانە ەكى ەل ۇكىمەتتەرى دەلەگاسيالارىنىڭ قاتىسۋىمەن جوعارى دەڭگەيدە كەلىسسوزدەر وتەدى.

سونداي-اق ەكى ەلدىڭ cاياسي، ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىعىن نىعايتۋدى كوزدەيتىن ءبىرقاتار قۇجاتقا قول قويىلادى دەپ جوسپارلانىپ وتىر.