قازاقستان ۇكىمەتى، قازاقستان رەسپۋبليكاسىنىڭ ۇلتتىق بانكى جانە ستاتي تاراپتارى قازاقستانداعى مۇناي-گاز اكتيۆتەرى تۋرالى ۇزاق مەرزىمدى داۋدى رەتتەۋ ۇدەرىسىن ءساتتى اياقتادى. بۇل تۋرالى ادىلەت مينيسترلىگى حابارلادى.
قول قويىلعان تۇپكىلىكتى رەتتەۋ تۋرالى كەلىسىم بارلىق اعىمداعى داۋلاردى بولاشاقتا ولاردى قايتا باستاۋ قۇقىعىنسىز توقتاتۋ ءۇشىن نەگىز بولىپ تابىلادى. كەلىسىمنىڭ ناقتى شارتتارى قۇپيا بولىپ تابىلادى.
– بۇل رەتتەۋ جانە بارلىق تاراپتار ءۇشىن ءادىل شەشۋ جولىن ىزدەۋ ماقساتىندا قازاقستان رەسپۋبليكاسى قابىلداعان ءتاسىل، بۇل ەل ينۆەستوردىڭ قۇقىقتارى ساقتالاتىن ورىن بولىپ تابىلاتىنىن اتاپ كورسەتەدى. ءبىز پرەزيدەنت قاسىم-جومارت توقايەۆقا شەتەلدىك ينۆەستورلاردىڭ قازاقستان تۋرالى تۇسىنىگىن وزگەرتۋدەگى كوشباسشىلىعى ءۇشىن العىس ايتامىز. ءبىز بولاشاقتا جاڭا جوبالارمەن جۇمىس ىستەۋدى اسىعا كۇتەمىز، - دەدى CEO Argentem Creek Partners دەنيەل چاپمان.
Argentem Creek Partners – ستاتي تاراپتارىنىڭ ينۆەستيسيالىق قۇرالى Tristan Oil Limitedء-تىڭ كرەديتورلارى بولىپ تابىلاتىن ناقتى قورلاردىڭ ينۆەستيسيالىق باسقارۋشىسى.
– ۇزاق داۋ اياقتالعاننان كەيىن قازاقستاندا ەكونوميكانى دامىتۋ ءۇشىن، ونىڭ ىشىندە ينۆەستيسيالار تارتۋ ارقىلى، قوسىمشا مۇمكىندىكتەر پايدا بولادى. بۇل رەتتە، مەن بۇرىن اتاپ وتكەندەي، رەسپۋبليكالىق بيۋدجەتتەن رەتتەۋ شەڭبەرىندە قاراجات پايدالانىلمادى، - دەدى قازاقستان ادىلەت ءمينيسترى ازامات ەسقارايەۆ.
