پاريج وليمپياداسىندا سپورتتىق گيمناستيكاداعى تۇتقالى ات جاتتىعۋى بويىنشا وليمپيادا چەمپيوندارى مەن جۇلدەگەرلەرى انىقتالدى، دەپ جازادى Olympic.kz.
قازاقستاندىق ناريمان كۋربانوۆ جاتتىعۋدى ەڭ ءبىرىنشى بولىپ ورىنداپ، 15.433 ۇپاي الدى. ول بازالىق قيىندىعى 6.7-گە تەڭ جاتتىعۋدى ءساتتى ورىنداپ شىقتى.
بۇل سىندا التىن مەدالدى يرلانديالىق ريز ماكلەناگەن يەلەندى. ونىڭ ۇپاي كورسەتكىشى - 15.533.
ال قولا مەدال امەريكالىق شتەفان نەدوروچەكتىڭ ەنشىسىندە (15.300).
بوكستان قازاقستان كومانداسىنىڭ مۇشەسى نۇربەك ورالباي پاريج وليمپياداسىنىڭ كۇمىس مەدالىن يەلەندى، دەپ جازادى Olympic.kz.
ەرلەر اراسىندا 80 كەلى سالماقتا فينالدا جۇدىرىقتاسقان ورالباي فينالدا ۋكراينالىق الەكساندر حيجنياكقا ەسە جىبەردى.
وسىلايشا، قازاقستاندىق بوكسشى ءوزى قاتىسقان العاشقى وليمپيادا ويىندارىندا ۇزدىكتەر قاتارىنا ەنىپ وتىر.
بوكستان قازاقستان كومانداسىنىڭ مۇشەسى نازىم قىزايباي ەل قورجىنىنا قولا مەدال سالدى، دەپ حابارلايدى Olympic.kz.
50 كەلى سالماقتا سىنعا تۇسكەن قىزايباي جارتىلاي فينالدا بوكستان الەم جانە ازيا ويىندارىنىڭ چەمپيونى، قىتايلىق ۆۋ يۋگە ەسە جىبەردى.
وسىلايشا، نازىم قىزايباي ءوز مانسابىندا تۇڭعىش رەت، ءوزى قاتىسقان العاشقى وليمپيادا ويىندارىندا قولا جۇلدەگەر اتانىپ وتىر.
دەمەۋ جادىرايەۆ گرەك-ريم كۇرەسىنەن پاريج وليمپياداسىنىڭ كۇمىس جۇلدەگەرى اتاندى، دەپ حابارلايدى Olympic.kz.
77 كەلىگە دەيىنگى سالماقتا سىنعا تۇسكەن دەمەۋ فينالدا جاپوندىق ناو كۋسساكيگە ەسە جىبەردى.
اراعا جيىرما جىل سالىپ، گرەك-ريم كۇرەسىنەن وليمپيادانىڭ فينالىندا بەلدەسكەن دەمەۋ جادىرايەۆ وتاندىق سپورت تاريحىنا ەسىمىن التىن ارىپتەرمەن جازدى.
بۇعان دەيىن قازاق بالۋاندارى وليمپيادانىڭ فينالىنان ۇنەمى سىرت قالاتىن.
دەمەۋ جادىرايەۆتى التىنعا پارا-پار كۇمىس جۇلدەسىمەن قۇتتىقتايمىز!
